Иоов 7:18 - Библи

¹⁸ Юундэ тэрэниие үглөө бүри үзэжэ, агшан бүридэ анхарна гээшэбта?

Иоов 7:18 Referencias Cruzadas

Эхин 22:1

Энэ болоһон ушарай удаа Бурхан Абраһаамые туршахаяа шиидэжэ дуудахадань, Абраһаам: – Би энэ байнаб! – гэбэ.

Иоов 14:3

Иимэ амитадые үзэжэ, шиидхэл хубаахань Танда хэрэгтэй юм гү?

Иоов 23:10

Үзэгдэхэгүйнь шухала бэшэ юм бэзэ, гэшхэһэн бүхы мүрым Тэрэ һайн мэдэнэ. Намайе шалган туршаад, холисогүй шэжэр алта элирүүлһэндэл хэлэхэ.

Псалманууд 73:14

Та Левиатанай толгой бута сохёот, сүл губиин арадуудта эдишэ болгон үгөөт.

Египедһээ гаралга 20:5

Тэдээндэ бү һүгэдэ, бү мүргэ. Юуб гэхэдэ, Би, Эзэн Бурханшни, жүтөөрхэн сахидаг Бурхан гээшэб. Намайе хэрэгсээнгүй ябаһан эсэгэнэрэй түлөө үри хүүгэдыень, аша гушанарыень гурбадахи, дүрбэдэхи үе хүрэтэрынь хэһээдэгби.

Египедһээ гаралга 32:34

Минии зааһан газарта зоноо ошожо асара. Минии Эльгээмэл урдашни ябаха. Хэһээлтын үдэрэй ерэхэдэ, нүгэлынь амсуулхаб.

Исай 26:14

Мүнөө тэдэ эзэд үхэнхэй, дахин амидырха бэшэ. Тэдэнэй һүнэһэншье дахин эрьехэгүй. Ушарынь гэхэдэ, Та тэдэниие хэһээн һалгаагаат. Хэншье тэдээн тушаа һанахагүй.

Ерэмияа 9:7

Тиимэ ушарһаа Түмэн Сэрэгтэ Эзэн иигэжэ тунхаглаа: Түмэрэй шанар мэдэхын тула хайлуулжа шалгадаг гээшэл. Тэрээндэл адляар Өөрынгөө арадые шалгахам. Бэшэ ондоо арга үгы.

Даниил 12:10

Олон зон арюудхагдажа, сагааруулагдажа, туршалга гараха, харин хилэнсэгтэ зон муу муухай хэрэгүүдээ үргэлжэлүүлжэ, энээниие ойлгохогүй. Гансал сэсэн мэргэшүүл ойлгохо.

Цэпаанияа 3:5

Эзэн хотын дотор зүб шударга хэрэг эрхилнэ, буруу юумэ хэдэггүй, үүр сайхада, үглөө бүри Тэрэ заабол зарга шүүбэри үйлэдэнэ. Теэд шударга бэшэ зон эшэхэ гээшые мэдэдэггүй.

Захарияа 13:9

Үлэгшэ эдэ зон Минии туршалгада оролсохо. Мүнгэ хайлуулдаг гал дундуур тэдэниие гарган туршахаб. Алта тунгаадаг шэнги тэдэниие тунгаажа сэбэрлэхэб. Тиихэдэ тэдэ Намайе дуудаха. Би харюудань «Энэ Минии арад түмэн», – гэжэ айладхахаб. «Эзэн болбол манай Бурхан», – гэжэ тэдэ хэлэхэ.

Хуули дабталга 8:16

Таанадые даран номгоруулхын, туршахын тула, һүүлдэнь һайе хэхэеэ Тэрэ таанадта бэрхэшээлнүүдые ушаруулһан байна. Таанадай мүн үбгэ эсэгэнэрэйтнайшье хараа-үзөөгүй сагаан будагаар элһэн сүл губида таанадые Тэрэ холлуулаа.

Пётрой 1-дэхи хандалга 1:7

Юундэб гэхэдэ, тэдэ зоболонгууд танай һүзэг бодото гү гэжэ туршана, батална гээшэ. Галда шатажа үгы болодог алтаншье галаар туршагдадаг, зүгөөр танай һүзэг алтанһаа үлүү үнэтэй, тиимэһээл тэрэнэйтнай үнэн байһыень заабол туршаха, баталха хэрэгтэй. Тиигээд лэ таанад Иисүүс Христоосой заларан ерэхэ Үдэр магтаалда, алдар солодо, нэрэ түрэдэ хүртэхэт.