Иоов 5:14 - Библи

¹⁴ Тэдэндэ гараха газар үгы боложо, гэгээн үдэр гэнтэ харанхы боложо, наран шэнгэһэн мэтэ болодог.

Иоов 5:14 Referencias Cruzadas

Иоов 12:25

Иигэжэ Эзэнһээ боложо, тэдэ харанхыда тэмтэрэн, һогтуу хүн мэтэ гуйбажа ябадаг.

Иоов 15:30

Тэрэнэй шиидхэлһээ тэдэ зайлажа шадахагүй, үхэлэй харанхыда орожо, галда шатаһан сусал мэтэ үгы болоно. Иигэжэ Тэрэнэй уур хилэнсэг тэдэниие усадхана.

Иоов 18:18

Тиимэ муу хүн гэрэлтэ дэлхэйһээ харанхы оршондо түлхигдэн орожо, уг галгаха гансашье үригүй үхэнэ.

Иоов 20:26

Досоонь захалһан гал тэрэниие үрэбхихэ, гэр бүлэнь суглуулһан зөөритэеэ баһал галда хуйхалагдаха.

Иоов 22:11

Гүн харанхыда ороод, үзэжэ хараха аргагүй боложо, зоболон дүүрэн амсажа, үерэй уһанда абтаһан мэтэ болоош.

Иоов 24:13

Гэмтэй хүнүүдтэ гэрэлтэ амидарал таарахагүй. Тэрэнэй замаар тэдэ ябажа шадахагүй.

Иоов 38:15

Үдэрэй һаруул ерэхэдэнь гэмтэ хэрэгтэн хорото ажалаа хэхэ аргагүй боложо, хүсэ шадалынь бууража, гарынь хухарһан мэтэ болодог.

Египедһээ гаралга 10:21

– Тэнгэри өөдэ гараа дэлгэн дэехэдэш, Египедэй газарта тэмтэржэ ябамаар шэб харанхы болохо, – гэжэ Эзэн Моисейдэ айладаба.

Египедһээ гаралга 10:22

Моисей дулдытай гараа тэнгэри өөдэ дэлгэн дэебэ, Египедэй бүхы газарта гурбан үдэрэй туршада нюдэ алдама харанхы байба.

Һургаал 4:19

Хара бодолтоной замынь харанхы мэтэ. Тэдэ хаана бүдэрхэ байһанаа мэдэдэггүй.

Исай 59:10

Бидэ һохор зон мэтэ хана тэмтэрэн, нюдэгүй мэтэ гараараа барин ябанабди, үдын тэн багаар бүрэнхы байдалда байһандал бүдэрнэбди, элүүр энхэ зоной дунда үхэһэн хүнүүдтэ адлибди.

Амоос 8:9

Тиихэдэнь гэгээн сагаан үдэр нарые хиртүүлхэб, үдэрэй тэгэн дунда харанхые газарта буулгахаб!

Хуули дабталга 28:29

Тиихэдэнь һохор хүнэй тэмтэржэ ябадагтал, гэгээн сагаан үдэр дунда тэмтэрэн ябадаг болохот. Зориһон хэрэгтнай урагшагүй, үдэр бүри зон таанадые хашажа харшалжа, дээрмэшэлжэ байха, таанадые абарха хүн олдохогүй.