Иоов 5:13 - Библи

¹³ Тэрэ мэргэн ухаантайшуулые мэхэ гохоорнь баридаг, хэдышье сог залитайгаар забдаа һаань, тэрээнииень үрэ дүнгүй болгодог.

Иоов 5:13 Referencias Cruzadas

2 Хаан түрэнүүд 15:31

Хэн нэгэнэй Давидта: – Абшалоомтой нюуса хэлсээ хэгшэдэй дунда Ахитоопэл байна, – гэжэ хэлэхэдэнь, Давид: – Эзэн, Ахитоопэлэй зүблөөе ухаа удхагүй болгожо үгыт гэжэ би зальбарнаб, – гэбэ.

2 Хаан түрэнүүд 15:34

Харин хото руу бусабал, Абшалоомдо «Хаан, би танай зарасаб. Урдань эсэгынтнай зараса байгааб, мүнөө танай зарасаб» гэжэ хэлээрэй, Ахитоопэлэй зүблөөе туһагүй болгожо шадахаш.

2 Хаан түрэнүүд 17:23

Ахитоопэл өөрынь зүбшэл заабариин тоогдоогүй байһые хараад, элжэгээ эмээллэн, түрэлхи хото руугаа гэртээ бусан ерэжэ, гэр бүлэдөө гэрээд үгэеэ хэлээд, бэеэ боожо алаба. Тэрэ эсэгынгээ булашада хүдөөлүүлэгдөө һэн.

Эстээр 7:10

Иигэжэ Мордохайе алахаар бодхооһон үлгүүртэ Һамаан өөрөө үлгүүлэгдэбэ. Энээнэйл удаа одоол хаанай уур сухал номгороо бэлэй.

Эстээр 9:25

Эстээрэй хааниие бараалхахада, тэрэ зарлиг гаргажа, иудейнүүдэй урдаһаа Һамаанай һэдэгшэ хорото үйлэ хэрэг өөрынь толгой дээрэ буугаа бэлэй: иигэжэ Һамааниие хүбүүдтэйнь хамта баханада үлгөө һэн.

Иоов 15:5

Харатай хүнүүд лэ иигэжэ дуугардаг, гэм гэмшэлһээ хулжахын тулада залитай үгэ хэлэжэ байнаш.

Иоов 37:24

Тиимэ дээрэһээнь хүнүүд Тэрэниие үргэмжэлэн хүндэлдэг. Хэршье ухаатай һаа, Тэрэнэй урда юуншье бэшэбди.

Псалманууд 9:17

Иигэжэ Эзэнэй зарга эли тодо болоо, хорото муу хүн өөрын торон зангада ороо! [Хүгжэм]

Һургаал 3:32

Муу залитай хүнһөө Эзэн зэбүүрхэдэг, үнэн сэдьхэлтэй хүндэ Тэрэ найдадаг.

Исай 19:3

Би Египедэй зоной түсэбүүдые һалгаахаб, һүр һүлдыень доройтуулхаб. Тэдэ шүтөөнүүдтэ, үхэһэн зоной һүнэһэ дуудагшадта, үзэл үзөөшэдтэ хандаха.

Исай 44:25

Би худал лүндэншэдые илгажа тодоруулдагби, үзэлшэдэй үгэнүүдэй үнэн бэшые харуулдагби, сэсэн мэргэшүүлэй үгэнүүдые буруушаадагби, эрдэм мэдэсэнь удхагүй тэнэг гэжэ элирхэйлдэгби.

Ерэмияа 18:18

Байһаар улад зон иигэжэ хэлсэбэ: «Ерэмияагай урдаһаа хамтарая! Маанадта хуули ёһо зааха санаартад, зүбшэл үгэхэ сэсэн мэргэшүүл, лүндэншэд хододоо байхал. Тэрэниие улаан хэлээрээ даража, хардая, хэлээшыень анхархаяа болие!»

Ерэмияа 49:7

Түмэн Сэрэгтэ Эзэн Бурхан Эдоом тушаа иигэжэ айладхана: – Тэмаан соо сэсэн мэргэн зон дайралдахаяа болёо юм гү? Зүблэгшэдынь юу хэхыень заабарилжа шадахаяа болёо гү? Мэргэн ухааниинь доройтоо гү?

Ерэмияа 8:8

«Сэсэн мэргэмди, Эзэнэй хуулинуудые мэдэнэбди» гэжэ таанад яажа хэлэжэ шаданабта? Харыт, хуулинуудни худал бэшээшэдээр хубилгагдаад байнал.

Ерэмияа 8:9

Сэсэн мэргэн тэдэ зон нэрээ хухараа, мэгдэшоо, баригдаа, Эзэнэй үгэ тэдэ буруушааба – тиихэдээ тэдэ мэргэн ухаатай болоно гү? Үгы.

Ерэмияа 9:22

Зоной һэе хүүрнүүд задагай талмайнууд дээрэ шэбхэ мэтэ хэбтэхэ, таряа хадагшын һүүлээр хэнэйшье суглуулхагүй таряанай боолтонууд мэтэ. Эдэ үгэнүүдые минии соносхохые Эзэн захираа».

Тоололго 22:25

Тэрэнэй элжэгэн Эзэнэй Эльгээмэлэй урдань зогсохые хараад, сээжэ бэеэрээ Балаһаамай хүлые хабсагайда хашан тогтошобо. Балаһаам элжэгэеэ дахин сохижо, харгын тэгэн дунда оруулха гэжэ оролдобо.

Лука 1:51

Тэрэ агуу хүсэтэ гараа һунган, ехэрхүү һайзгайнарые һарнюулаа.

Коринфынхидтэ 1-дэхи 3:19

Энэ дэлхэйн сэсэн мэргэн гэжэ тоологдодог юумэнүүд Бурханай урда ямаршье удхагүй юумэнүүд юм. «Бурхан мэргэн ухаатайшуулые мэхэ гохоорнь баридаг», – гэжэ Нангин Бэшэг соо бэшээтэй байдаг.