11 Доройтоһониие өөдэнь татажа, бэлбэһэн ядууе хамгаалан тэдхэдэг.
Хэсүү үедэ Тэрээнһээ туһаламжа эрибэлшни, даруу зантай шамда Тэрэ туһалхал ёһотой.
Гэмгүй хүндэ тэрэ хайраяа үршөөжэ, хаан мэтэ хүндэтэй болгодог.
Тиин урдынхиһаа үлүү өөдэргэ болоно бэзэш.
Газар дэлхэй, Эзэнэй урда, Яковай Бурханай урда шэшэрээрэй!
Эзэнэй нангин үргөө соо һуулгагданхай, Бурханаймнай хашаа соо тэдэ сэсэглэнэ.
Хээрын бүхы модод Намайе Эзэн гээд мэдэдэг болохо. Үндэр модо набтар болгоноб, набтар модо үндэр болгон ургуулдагби. Ногооржо байгша модо хатаанаб, хатаһан хуурай модо һагсайлган ургуулдагби. Эзэн Би айладхабал, тэрэнээ заабол бэелүүлдэгби!
Мүнөө үлэсхэлэн байгшад, жаргалтайт, таанад элбэг дэлбэг эдихэ юумэтэй байхат. Мүнөө уйлаашад жаргалтайт, таанад баярладаг, хүхидэг болохот.
Эртэ урдын Бурхан – амарха газар, Тэрэнэй хэтэ мүнхэ гарнууд таниие дэмжэдэг, Тэрэ хажууһаатнай дайсадыетнай үлдөө, тэдэниие «хюда!» гээд танда айладаа.
Бурханай үгытэй һүзэглэгшые дээгүүр үргэһэндэ тэрэ хүн баярлажа байг.
Манай Эзэн Иисүүс Христоосой Эсэгэ Бурханда баяр хүргэе! Үхэһэн Иисүүс Христоосые амидыруулхадаа, Бурхан агууехэ үршөөл хайраараа шэнэ амидарал бидэндэ үршөөгөө. Тиин маанадые амиды найдалаараа дүүргээ,
Зүгөөр танай зоболонгууд һаядаа дууһаха. Иисүүс Христоостой нэгэдүүлэн, мүнхэ алдараараа хубаалсахын тула таанадые дуудаһан, элдэб үршөөлнүүдэй эхин болохо Бурхан таанадые заһаха, бэхижүүлхэ, хүсэ шадалтай болгохо, батадхаха.
