Иоов 40:4 - Библи

⁴ Ши өөрыгөө Бурхантай адли хүсэн түгэс гэхэшни гү? Шинии дуу хоолой Тэрэнэй нэрьеэн шэнги шанга һүртэй гү?

Иоов 40:4 Referencias Cruzadas

Эхин 18:27

Абраһаам саашань үргэлжэлүүлбэ: – Эзэн Бурхамни! Би болбол Танай урда үнэһэн, шандаруу гээшэлби, гэбэшье зүрхэлжэ, Таниие иигэжэ гуйнаб.

Эхин 32:10

Танай богоол би хамаг үршөөл хайраһаатнай, хэшэгһээтнай хүртэхэ эрхэтэй гээшэ гүб? Түрэл нютагһаа гаража, Иордан гол гаталхадаа, би гартаа гансахан тулгууртай ябаа бэлэйб. Мүнөө бусажа ябахадаа, хоёр бүлэг болгон хубаарилһан олон зонтой, үй түмэн адуу малтай ябанаб.

2 Хаан түрэнүүд 24:10

Арад түмэниие тоолоһоной удаа Давид шаналжа, Эзэндэ иигэжэ зальбарба: – Би энэ юумэ хэжэ, ехэ нүгэл үйлэдэбэб. Эзэн, Өөрынгөө зарасын нүгэлые хүлисыт гэжэ мүнөө гуйнаб. Би ухаагүй юумэ хээб.

3 Хаан түрэнүүд 19:4

өөрөө бүхэли үдэр алхалан, сүл губи руу ерээд, һаглагар модоной һүүдэр доро һуугаад, үхэхые хүсэн байба. Тэрэ иигэжэ хэлэбэ: – Намда хүрөөл даа. Үхэһэн хүнһөө үлүү бэшэб, тиимэһээ, Эзэн, ами наһыем абыт!

Эзраа 9:15

Израилиин Эзэн Бурхан! Энэрхыт даа манаа. Бидэ гэм зэмэтэ ябадалнуудһаа гүйсэд һалажа шадаашьегүй һаа, мүнөөдэр болотор амиды үлэһэн хадаа энээнһээ хойшо Танайнгаа урда зүб замаар ябаһайбди даа.

Эзраа 9:6

гуйбаб: – Бурхамни! Тан тээшэ нюураа үргэхэеэ айнаб, эшэнэб. Юуб гэхэдэ, хуули буса ябадалнай толгойһоомнай дээшэ, гэмэ зэмэмнай тэнгэри тулама болоо.

Нэхэмьяа 9:33

Харин бидэ зэмэтэйбди, Та хододоо үнэн сэхэ байгаат, манда бүхыдөө тохёолдоһые тон зүбөөр бүхыень шиидхээт.

Иоов 16:21

Анда нүхэрөө хамгаалан зууршалһан мэтэ тэрэ гэршэ тэнгэридэ намайе Бурханай урда хамгаалхань болтогой.

Иоов 21:5

Үбшэн бэеым хараад, алмайран гайхахадаа, амаа таглаха бэзэт.

Иоов 29:9

Удамаршад намайе хараад, үгэ хэлэхэеэ түбэгшөөдэг, амаа альгаараа бүтүүлдэг,

Иоов 31:37

Тайжа мэтэ Бурханда бараалхажа, наһан соогоо гэм нүгэлгүй ябаһанаа яриха һэм.

Иоов 37:19

Тэрээнтэй юугээ ярихаашье мэдэхэгүйш. Та бидэндэ заажа үгэхэ гүт? Энэ харанхыда юушье ойлгонобди.

Иоов 40:3

Ши Намайе шударга бэшэ гэхэшни гү? Өөрыгөө зүб болгохын түлөө ши Намайе буруудхахашни гү?

Иоов 42:6

Тиимэһээ хэлэһэн үгэһөө арсажа, шорой, үнэһэн соо угаа халаглажа байнаб.

Псалманууд 39:9

Бурхамни, Танай хүсэл бэелүүлхэ һанаатайб, һургаалтнай сэдьхэлдэм байна» гэжэ хэлээб.

Һургаал 30:32

Өөрыгөө үргэжэ, мунхаг зан гаргаһан, үгы гэбэл, муу юумэ һэдэһэн байбал – гараа аман дэрээ таби.

Исай 53:6

Бидэ булта хонид мэтэ төөрижэ, хүн бүхэн өөр өөрын замаар ябаа. Харин Эзэн маанадай гэм зэмые бултыень Тэрээн дээрэ тохоо!

Исай 6:5

Тиихэдэнь би иигэжэ хэлэбэб: – Ай даа! Һалахамнил! Хэлэһэн үгэ бүхэмни нүгэл шэбэлтэй, нүгэл шэбэл дуугардаг зоной дунда ажаһуунаб. Тиимэ аад, Түмэн Сэрэгтэ Эзэн Хааниие хараалби.

Исай 64:6

Бидэ бултадаа бузартай зүйлнүүдтэ адли болообди, бидэнэй һайн хэрэгүүд муухай болоһон хубсаһандал адли. Набша мэтэ хатажа байнабди, гэмтэ хэрэгүүднай һалхин мэтэ маанадые тууна.

Гашуудал 3:29

«Найдал үшөө бии аалам?» гэжэ тэрэ амаа газарта шоройдон мүргэнэ,

Эзэкээл 16:63

Хэһэн юумыеш Би хүлисэхэб, гэбэшье ши тэдэниие мартахагүйш, үгэшье хэлэхэеэ эшэжэ байхаш. Энэ болбол Би, Эзэн Бурхан, айладхана мүн!

Даниил 9:5

Харин бидэ нүгэлтэйбди, гэм хээбди, буруугаар юумэ үйлэдөөбди, үсэрэлдөөбди, ёһо гуримуудыетнай, хуули ёһонуудыетнай хазагайруулаабди.

Даниил 9:7

Эзэн, Та зүбта, харин бидэ мүнөө эшхэбтэр байдалда оронхой, нэрээ хухаранхай байнабди – Иудын, Иерусалимай болон Израилиин хан түрын бүхы улад зон: Танһаа буруу харахадамнай холо, ойрошье орон нютагуудаар Танай сасааша хүнүүд.

Левит 13:12

Хэрбээ һэлхэ үбшэн һүжэрөөд, санаартанай харахада, үбшэнтэниие толгойһоонь эхилээд, хүл хүрэтэрнь бүхы арһыень бүрхөөгөө һаань,

Михей 7:16

Энээниие бусад арадууд хаража, ядуухан сэрэгтэй байһандаа эшэжэ, юушье хэлэхэ, дуулахаяа шадахагүй, зог татаха.

Аввакуум 2:20

Эзэн нангин Һүмэ соогоо оршоно. Бүхы дэлхэй Тэрэнэй урда дуугүй байхань болтогой!

Захарияа 2:13

Эзэнэй урда хамаг амитан анираа хатаг! Өөрын нангин үргөөһөө тэрэ гаража байна.

Лука 18:13

Харин тээ холохоно зогсоһон алба татаашань нюдэеэ тэнгэри өөдэ шэглүүлхэеэшье зүрхэлбэгүй, харин үбсүүгээ шаажа байгаад: «Бурхан, нүгэлтэ намайе үршөөн хайрлыт!» – гэжэ зальбарба.

Лука 5:8

Иимэ олзотой болоһон Симон Пётр Иисүүсэй урда үбдэглэн һэхэрэн һүгэдэжэ: – Эзэн аа, намайе орхижо ошогты! Би нүгэлтэй хүнби, – гэжэ хэлэбэ.

Тимофейдэ 1-дэхи 1:15

Иисүүс Христоос нүгэлтэдые абархаяа газар дэлхэйдэ ерээ гэдэгынь үнэн зүб юм, тиигэжэ хэлэһэндэ этигэжэ боломоор юм. Би болбол тэдэ нүгэлтэдэй эгээн мууниинь байгааб.

Ударидагшад 18:19

Тэдэнэр залуу санаартада иигэжэ хэлэбэд: – Абяа гарангүй, аниргүй бай! Бидэнтэй хамта ябалса, бидэнэй эсэгэ ба санаарта болохош! Ганса хүнэй санаарта байнхаар Израилиин бүтэн нэгэ обогой санаарта байбал шамда дээрэ бэшэ аал?