11 Шүрбэһэлиг хүлынь харыш, ууса бэень ямар һүрөөтэйб даа.
Сэнгэлэн байдалдаа ханажа байтарынь Бурханай уур хилэнсэгэй хатуу шиидхэл гэнтэ бууна.
Гэмтэй муу хүн һүйдхэлэй үдэртэ бүтэн үлэдэг, Бурханай ууртай шиидхэлдэ тэрэ ородоггүй.
Тэрэ шуурган хүниие хайрлахагүй, зугадан зайлаха ямаршье аргагүй.
Бурханай амисхалһаа тэдэ хосордог, Тэрэнэй уур хилэнсэгэй хүсэтэ сохилтоһоо һүнэн ошодог.
Уур хилэнсэгээрээ уула хабсагай бутаргахань Тэрээндэ юуншье бэшэ.
Зон һүрдэмэ үйлэ хэрэгүүд тушаатнай хэлэхэ, би агуу байдал тухайтнай тунхаглахаб. ז Заайин
Магтаал үргэн урдань зогсоё, дуу дуулан алдаршуулая.
Эзэн! Гартнай шанга, хүсэтэй! Эзэн! Гартнай дайсаниие нэрбээ!
Энээнһээ хойшо Эзэн лэ хамаг бурхадһаа үлүү гэжэ мэдэхэ болобо гээшэб.
Хүнэй бардам, дээрэлхүү зан тиихэдэ галхаагдан номгорхо. Шүтөөнүүд оро һэегүй үгы болохо, иигэжэ тэрэ үдэр Эзэн гансаараал үндэр зандаа үлэхэ.
Эзэн шамайе тушаалһааш буулгаха, дээгүүр һууриһааш хүмэрюулхэ!»
Бүхы гоо үзэсхэлэнгыень, бардам бахархалыень доромжолхын тула Түмэн Сэрэгтэ Эзэн энээниие түсэблэн хээ юм.
Уһанда тамаржа байһан хүндэл адли тэдэ гараа һарбайха, теэд Эзэн тэдэниие доромжолхо, тиихэдэнь гарнуудынь һал унашахал.
Дээрэлхүү, бардам зантайшуул Тэрээндэ хамараа сохюулаа, тэдэнэй ажаһуудаг хүсэ ехэтэй хотые Тэрэ һандаргаа. Ханануудыень унагаажа, тооһо шоройтой худхаа.
Тиимэһээ Тэрэ Өөрын уур хилэнгэй шангые, хатуу дайе маанад дээрэ тохоо. Израиль дотор хаа-хаанагүй уур хилэнгэйнь түймэр мэтэ бушаганаашье хадань, бидэ ойлгоогүйбди, мэдэрээгүйбди».
Моһаабай бардам зан, үлүү ехэ бардамлалгые, бэеэ ехэ үндэрөөр сэгнэдэг тухайнь дуулаһан байнаб.
– Хүнэй үри Эзэкээл! Тиир хотын хаанда Минии иимэ үгэнүүдые дуулга: ши ехэ бардамлажа, өөрыгөө Бурхамби, далайгаар хүреэлэгдэнхэй Тиир хото минии хан шэрээ гэжэ хэлэнэш. Харин ши Бурхамби гэжэ өөрыгөө хэды тоолоошье һаа, Бурхан бэшэ, юрын лэ хүн гээшэш.
Тиимэһээ, үндэр түрэлтэ хаан, минии зүбшэл заабари шагнажа хайрлыт: нүгэлөө һайн хэрэгүүдээр, гэмтэ ябадалнуудаа үгытэй ядуу зондо энэрэл хайра үзүүлһэнээрээ арюудхыт. Тиибэл, амгалан байдалтнай үргэлжэлжэ магад.
Тэрэнэй зэбүүрхэн байхада хэн амиды мэндэ байжа шадахаб? Шатан дүрэлзэжэ байгаа уурыень хэн тэсэхэб? Уур хилэнгынь гал мэтэ дэлгэржэ, хада ууланууд урдань нуран унанал.
Халин урсаһан үерэй уһан мэтэ Тэрэ дайсадаа харанхы руу намнан, дууһан усадхаха.
«Харагты, хэрэг шүүлгын үдэр ерэхэнь гээшэ, тэрэ халааһан зууха шэнги халуун байха. Омог бардам хүнүүд хуу хэһээгдэхэ, муу үйлэ хэгшэд һолоомон шэнги шатаха. Тэдэнһээ мүшэршье, үндэһэншье үлэхэгүй», – гэжэ Түмэн Сэрэгтэ Эзэн айладажа байна.
Алба татааша фарисей хоёрой гэртээ харихадань, Бурхан тэдэ хоёрһоо алба татаашыень сагааруулаа гэжэ танда хэлэхэ байнаб. Өөрыгөө дээгүүр абхуулһан хүн доошоо даруулагдаха, харин даруу доогуур хүн дээшээ үргэгдэхэ бшуу.
Гал дүлэн мэтээр Минии уур сухал бужаганаа, үхэлэй орон хүрэтэр дүлэтэнэ, газарые болон хэшэгыень шатаан залгижа, хада уулын үндэһэ һуури хайрана.
Тиихэдэ Бурхан маанадые бүришье элбэг дэлбэгээр үршөөл хайрадаа хүртөөнэ. «Омог бардам зониие Бурхан буруушаана, харин номгон даруу зониие үршөөл хайрадаа хүртөөнэ», – гэжэ Нангин Бэшэг соо хэлээтэй.
