Иоов 4:8 - Библи

⁸ Харин би хараһан байнаб: нүгэлэй таряаланда зоболон таригшадта тэрэнь өөһэдынь толгой дээрэ буудаг.

Иоов 4:8 Referencias Cruzadas

Иоов 15:31

Нүгэлтэн хооһон найдалаар бэеэ бү мэхэлэг, эсэстээ юушьегүй үлэхэ.

Иоов 15:35

Иимэ хүнэй һанаанда муу үйлын үрэ һуурияа оложо, хожомой нэгэ сагта хүүгэдэй түрэһэн мэтэ гэнтэ гаража ерэдэг.

Һургаал 1:31

Тиин тэдэ өөрын үйлэһөө хэһээлтэ амсаха болоно.

Һургаал 22:8

Үнэн шударга бэшэ ябадал таригша өөртөө зоболон хуряаха. Тиигэжэ уур хилэнгэйнь һабаа үгы болохо.

Исай 17:11

Тэрэ үдэртөө урган сэсэглэхыень хүсэжэ һуулгаашье хадатнай юумэн ургахагүй. Харин гансал уй гашуудал тохёолдохо.

Ерэмияа 4:18

Иудын улад зон, буруу ябадалайтнай болон буруу үйлэ хэрэгүүдэйтнай түлөө эдэ бүхы юумэн таанадтай тохёолдобо. Нүгэлтнай таанадта зоболон ушаруулба. Энэнь зүрхэ сэдьхэлыетнай хүндэн дайраба.

Һошээ 8:7

Орооһоной орондо хооһон һалхи тариһандаа таанад хуй һалхи хуряажа абахат! Таряан ургахагүй, ямаршье үрэжэлгүй, хооһон таряан байха. Теэд нэгэ тэды таряанай ургабал, хариин зон тэрэниие хуряан абахал!

Коринфынхидтэ 2-дохи 9:6

Багаар тариһан хүн бага ургаса абаха, ехээр тариһан хүн ехэ ургаса абаха гэжэ таанадта һануулжа хэлэнэб.