36 тэрэ «Зай, би бэлэн» гэжэ хэлэхэ гү?
Һүлдэ һүнэһэн гэжэ хүндэ байха, Түгэс Хүсэтын амисхал тэрээндэ ухаа оруулдаг.
Тэрэнэй оюун ухаан, хүсэ шадалынь хизааргүй. Хэн Тэрээндэ эсэргүүсээд, бүтэн үлэһэн юм?
Мэхэтэй хэлэн, ши һүйдхэлтэ үгэ бүхэндэ дуратайш.
Бурханай һүлдөөр тэрэниие дүүргээб. Тэрээндэ мэргэн ухаа, оюун мэдэсэ, хамаг урлалай үндэр шадабари үршөөгөөб.
Юуб гэхэдэ, Эзэн сэсэн мэргэниие үршөөдэг, Тэрэнэй аманһаа ухаан ба мэдэлгэ гарадаг.
Нюдэндөө һайшаагдаһан хүндэ Тэрэ мэргэн ухаа, мэдэлгэ, баяр жаргал үгэдэг. Тиихэдээ Өөрынгөө урда гэмгүй нэгэндэ үгэхын тулада суглуулха, нөөсэлхэ ажалые нүгэлтэй хүнөөр хүүлэдэг байна. Энэньшье дэмы хүлгөөн, һалхи намнаһантай адли.
Ажалаа яагаад хэхэеэ тэрэ мэдэнэ. Юуб гэхэдэ, Бурхан тэрэниие һургаа бшуу.
Бүхы үлзытэй, эгээн эрхим бэлэгүүд дээрэһээ, тэнгэриин одо мүшэдые, нара һарые бүтээһэн, хэзээдэшье хубилдаггүй, тэдэ ододто адли һүүдэр хэзээшье татадаггүй Бурханһаа үгтэдэг.
Хэрбээ хэн нэгэнэйтнай сэсэн ухаагаар дуталдабалнь, тэрэ тиимэ сэсэн ухаае таанадта хайрладаг Эзэн Бурханиие гуйг лэ, Эзэн Бурхан хүн бүхэндэ гуйһанииень элбэг дэлбэгээр, гэмэрэлтэгүй үгэдэг ха юм.
