28 Хура бороо, шүүдэрэй уһан хүнтэй адли түрэдэг гэжэ гү?
Бурхан таряалангуудыешни бороо хурын уһаар мэтэ шүүдэрэй шиигээр ундалуулжа, арбин ехэ баян ургаса үршөөжэ байхань болтогой! Ургасын далай, үзэмэй дараһан архи үргэлжэ салгидахань болтогой!
Тиихэдэнь Исаак тэрээн тухай зүгнэжэ, иигэжэ хэлэбэ: – Эзэн Бурхан таряалангууд дээрэш шүүдэрэй дуһалшье унагаахагүй. Ши хэзээдэшье баян ургаса хуряан абахагүйш.
Оо, Гилбооһын уула хаданууд, таанад дээрэ шүүдэр бү унаг, бороо бү орог, таряалангууд хододоо хооһон байг лэ! Юуб гэхэдэ, эрэлхэг зоригтойшуулай бамбай, Саулай тоһо түрхюулһэн бамбай тэндэ бузарлагдаба.
Галаадтахи Тишбиигэй лүндэншэ Элияа Ахаабта иигэжэ хэлэбэ: – Минии зальбардаг Израилиин Эзэн Бурханай нэрээр тангаригланаб! Удаадахи хоёр жэлэй туршада шүүдэршье унахагүй, бороошье орохогүй. Гансал минии хэлэхэдэ орохо.
Һүни бүри үндэһэ мүшэрөө шүүдэрээр ундалуулха модон мэтэ алдар нэрэмни намтай хамта, хүсэ шадални буурадаггүй гэжэ би бододог һэм.
Бурхан газар дэлхэйһээ уһа уурал дэгдэхээжэ, бороогой үүлэн болгон хубилгана.
Тэрэ үүлэнһээ хура бороо орожо, бүхы дэлхэйе уһална.
Гүн далайн газар дороһоо нэбтэрэн гарахадань хэн үүдыень хаажа хизаарлаһан байнаб?
Тэрэ Яковта үгэеэ, хуули ба тогтоолнуудаа Израильда тунхагладаг.
Тэрэнэй мэдэлгээр гүн нээгдэжэ, үүлэнһээ шүүдэр унана.
Абяа гарахадань, тэнгэриин уһан хүржигэнэнэ, газар дэлхэйн адагһаа Тэрэ үүлэнүүдые хөөрүүлнэ, аадар бороогой үедэ сахилгаа түхөөнэ, агуулануудһаа һалхи эльгээнэ.
Нэгэшье үндэһэ яһатадай шүтөөн бороо оруулжа шадахагүй. Огторгой өөрөө аадар бороо хайрлахагүй. Тандаал, Эзэндэ, манай Бурханда, бидэ найданабди. Эдэ бүгэдые үйлэдэгшэнь Тал гээшэт.
Намһаа айн түбэгшөөхэ тухай бододогшьегүйт. Харин Би намартаа, хабартаа бороо саг соонь эльгээдэгби, жэл бүри таанадта ургасын хаһа үршөөнэб.
Эзэн иигэжэ айладхана: Өөрын арадые һөөргэнь бусаахаб, үнэнхэ зүрхэнһөө тэдэндэ дурлахаб. Би тэдээндэ бэшэ уурлахагүйб.
Сионой хүбүүд, хүхюутэй байгты, танай Бурхан, Эзэн бороо үршөөбэ. Урдынхидаал адли хабаршье намаршье хура бороо асаржал байха.
Үшөө гэбэл, ургаса хуряаха үе саг болотор гурбан һарын үлөөд байхада Би таанарһаа бороо татаад байгааб. Нэгэ хото руу бороо ябуулжа, нүгөө хото руунь бороо ябуулангүй байгааб. Нэгэ газарта бороо орожо байхада, нүгөө газарта бороо оронгүй, хатаа бэлэй.
Тиигээ һаа, огторгойдо байгша Эсэгэдээл адли бэеэ абажа ябадаг болохот. Юундэб гэбэл, Эсэгэтнай өөрынгөө муушуулдашье, һайшуулдашье нара гэрэлтүүлнэ, мүн зүбтэндэшье, буруутандашье хура бороо оруулна.
Иосифой обог тушаа тэрэ иигэжэ хэлэбэ: «Эзэн тэдэнэй газар дайдые бороо хураар, шүүдэрэй дуһалаар, доро байгаа гүн уһаар үреэнэ,
Израиль аюулгүй амгалан ажаһууна, Яков орооһо таряагаар, жэмэсэй архяар баян, бороо хурын ородог газар дээрэ гансаараа хашалгүй ажаһууна.
