Иоов 37:23 - Библи

²³ Хэн Түгэс Хүсэтэдэ ойртожо шадахаб? Агууехэ хүсэтэй аад, тэрэ хүнүүдые дарладаггүй, үнэн шударгыгаар харилсадаг.

Иоов 37:23 Referencias Cruzadas

Иоов 11:7

Ши өөрөө Бурханай гүн ухаае, Хамагые баригша Түгэс Хүсэтын хизаарые оложо шадаха гүш?

Иоов 11:8

Тэнгэри мэтэ хизааргүй Тэрэнэй үндэртэ хүрэжэ шадаха гүш? Үхэлһөө гүнзэгы бодолыень түгэс ойлгожо шадаха гүш?

Иоов 25:2

– Хамагые захирагша Бурханиие хүн бүхэн хүндэлхэ ёһотой. Тэрэ тэнгэридэ байгаад, юртэмсые гуримшуулан эблүүлдэг.

Иоов 26:14

Энэ хадаа Тэрэнэй хүсэ шадалай багахан хэсэг болоно. Бидэ Тэрээн тухай шэбэнээл дууланабди. Асар хүсэтэ абяанай шэнжые хэншье хүсэд ойлгожо шадахагүй.

Иоов 36:26

Түгэс Хүсэтэ Тэрэниие гүйсэд ойлгохын аргагүй. Эгүүридэ оршодог Бурханиие ойро зуура амидардаг бидэ ухаандаа багтаажа шадахагүйбди.

Иоов 36:3

Би мэдэлгэеэ алас холоһоо абажа, зүб байдалые Бүтээгшэдэ хамааруулнаб.

Иоов 36:5

Түгэс Хүсэтэ болобошье, Тэрэ хатуу сэдьхэлтэй хүниие хүлеэн абаха.

Иоов 37:19

Тэрээнтэй юугээ ярихаашье мэдэхэгүйш. Та бидэндэ заажа үгэхэ гүт? Энэ харанхыда юушье ойлгонобди.

Иоов 37:22

Тэнгэриин хойто хаяада сугларһан үүлэн наранай гэрэлдэ алтан мэтэ туяаран харагдадаг. Бурханай ойро алтан үүлэнтэй жэшэхээр бэшэ бүришье һүрөөтэй.

Иоов 8:3

Бурхан шударга ёһые забхайруулдаг гү? Түгэс Хүсэтэ үнэниие буруу болгодог гү?

Иоов 9:19

Эрхэ шадалынь хизааргүй ехэ, хэншье Тэрээндэ эсэргүүсэхэ шадалгүй. Шүүлсэхэ гээ һаа, хэн Тэрээниие дуудажа шадахаб?

Иоов 9:4

Тэрэнэй оюун ухаан, хүсэ шадалынь хизааргүй. Хэн Тэрээндэ эсэргүүсээд, бүтэн үлэһэн юм?

Псалманууд 145:3

Ноёд һайдта бү этигэгты, хүндэ бү этигэгты, тэрэ абаржа шадахагүй.

Псалманууд 30:5

Намда гэжэ нюусаар табиһан зангаһаань намайе гаргыт, юуб гэхэдэ, Та минии хамгаалалта мүн.

Псалманууд 62:11

Һэлмээр тэдэниие сабшан усадхаха, сүүбэн шононуудай хүнэһэн болохо.

Псалманууд 62:12

Бурхан хааниие баярлуулха. Бурханаар тангариглагша хүн бүхэн баяртай байха, юуб гэбэл, худал хэлэдэг зоной аман таглагдаха.

Псалманууд 65:6

Тэрэ далайе хуурай газар болгоо. Хүлөөрөө бидэ гол гаталаабди, урдань хүхилдэн баясахабди!

Псалманууд 66:3

Тиигэбэл, Танай зам газар дэлхэй дээр ойлгосотой болохо, бүхы үндэһэтэд абаралыетнай ойлгохо.

Псалманууд 93:1

Үһөөгөө абалгын Бурхан болохо Эзэн, үһөөгөө абалгын Бурхан, Өөрыгөө харуулыт!

Псалманууд 99:4

Хаалгаарнь һайе хүргэн, хашаа руунь магтаал үргэн орогты. Тэрээндэ талархал үргэжэ, нэрыень алдаршуулагты!

Экклезиаст 3:11

Бурханай хэһэн бүхы юумэн тэрэ сагтаа һайхан байдаг, Бурханай үйлдэһэниие эхинһээнь эсэс хүрэтэр хүнүүдэй ойлгохогүйшье һаань, Тэрэ хүнүүдэй зүрхэндэ эгүүридэ мүнхые байгуулаа.

Экклезиаст 7:24

Үнгэрһэн юумэн аласай холодо, гүн ехэ гүн соо байна, хэн тэрээниие нээжэ шадахаб?

Исай 45:21

Зарга шүүлгэндэ ерэжэ, хэрэгээ хөөрэгты. Хамта зүбшэгты. Хэн эртэнһээ энээниие мэдүүлжэ, олондо соносхооб? Өөрын арад түмэниие абарагша Би, зүб шударга Эзэн бэшэ гүб?! Намһаа ондоо Бурхан байхагүй!

Исай 63:9

Бүхы зоболонһоо Тэрэ тэдэниие абараа. Тэнгэриин Эльгээмэл бэшэ, Өөрөө Эзэн тэдэниие абараа һэн. Өөрын хайраар, үршөөлөөр Тэрэ тэдэниие абараа. Үнгэрһэн сагуудта Тэрэ хододоо тэдэниие үргэн, һанаагаа табин ябаа һэн.

Эзэкээл 18:23

Би, Эзэн Бурхан, муу хүнэй хосорходо баярлана бэшэб. Тэрэнэй нүгэл хэхэеэ болижо, амиды мэндэ үлэхэдэ баярладагби.

Эзэкээл 18:32

Би, Эзэн Бурхан, хэнииешье үхэг гэжэ хүсэнэ бэшэб. Муу юумэ үйлэдэхэеэ болижо, амиды мэндэ байгыт!

Эзэкээл 33:11

Би амиды мэндэ Эзэн Бурхамби, нүгэлтэй зоной хосорхые хүсэнэ бэшэб, муу ябадалаа орхижо, амиды мэндэ байхыень хүсэнэб. Израилиин улад зон амиды мэндэ байхаяа хүсэбэл, нүгэл хэхэеэ болёод, Нам руу эрьехэ ёһотой.

Матвей 6:13

Горидолго хорхойтуулгада маниие бү оруулыт даа, муу мэхэтэй шолмосһоо аршалжа байгыт даа! Хаан түрэ, хүсэ шадал, алдар соло мүнхэдөө Танай ха юм. Болтогой!

Лука 10:22

Бүхы юумэ Эсэгэмни Намда үгөө. Эсэгэһээ ондоо хэншье Хүбүүе мэдэхэгүй, мүн Хүбүүнһээ, баһа Хүбүүнэй дуулгаһан хүнүүдһээ ондоо хэншье Эсэгые мэдэхэгүй, – гэжэ айладхаба.

Римэйхиндэ 11:33

Хэн Бурханай баян бардамые, сэсэн ухааниие, мэдэрэл ойлгосые хэмжэхэ аргатайб? Хэн Тэрэнэй шиидхэбэриие тайлбарилжа шадахаб? Хэн Тэрэнэй харгы замые ойлгохоб?

Тимофейдэ 1-дэхи 6:16

Бурхан гансаараал мүнхэ юм, Тэрэ хэнээшье хүрэхэгүй гэрэл туяада байдаг. Нэгэшье хүн Тэрэниие хаража үзөөгүй, хаража шадахашьегүй. Тэрээндэ нэрэ хүндэ ба мүнхын һүр хүсэ байг лэ. Болтогой!

Еврейнүүдтэ 12:10

Газар дэлхэйдэхи эсэгэнэрнай маанадые газар дэлхэйдэхи ажамидаралаймнай түлөө өөһэдынгөө дураар хэһээдэг байгаа, харин Бурхан бидэнэй аша туһада, арюун нангин юумэндээ хүртөөхын тула бидэниие хэһээнэ гээшэ.