4 Бидэ өөһэд соогоо Иоовой зүб бурууе шиидхэхэ ёһотойбди.
Хэлэн, тангалайн хоолой амта танидаг шэнги шэхэн хүнэй үгэ шагнаха дуратай байдаг.
Бурханиие тоодоггүй зондол адли харюусадаг ушарһаа Иоовой Тэрээнһээ хатуу сээрлэл абаха зүб.
«Гэм зэмэгүй намда Бурхан үнэн шударга бэшээр хандажа байна.
Таанар гадаада талыень обёороод лэ, халирхайгаар бү шиидхэгты, харин үнэн зүб шиидхэбэри гаргагты!
Энэ дэлхэйн зондо адли бү байгты, харин ухаан бодолоо шэнэлүүлэн, өөһэдыгөө бүрин хубилгагты. Тиигэбэл таанад Бурханай эрхэ мэдэлые: Тэрээндэ таалагдама, зохистой, эрхим түгэс байхые мэдэжэ байхат.
Бүхы юумые шалгажа үзөөд, һайнииень баримталжа ябагты.
– Израильшуудай Египедһээ гараһан үдэрһөө энэ үдэр болотор иимэ муухай үйлэ хэрэг бидэнэй дунда болоошье, харагдаашье үгыл! Харагты! Энэ үйлэ хэрэгтэ һанал бодолоо табижа, яаха хээхэ тухай зүбшэн хэлсэгты! – гэжэ энэ муухай үйлэ хэрэг хараһан хүн бүхэн хэлэбэд.
Мүнөө таанад, израильшууд, энэ үйлэ хэрэг зүбшэжэ, яаха хээхэеэ хэлсэгты!
