Иоов 34:19 - Библи

¹⁹ Эзэн тайжанарай нюур харадаггүй, баян хүниие ядууһаа үлүүгээр үзэхэгүй. Юундэб гэхэдэ, хүн бүхэниие Тэрэ Өөрөө бүтээгээ.

Иоов 34:19 Referencias Cruzadas

2 Угай бэшэг 19:7

Эзэнһээ айжа байгты, болгоомжолжо зарга хэрэгүүдые шиидхэгты. Эзэн Бурхамнай үнэн бэшые, нюур илгажа шүүбэрилгые, эдилгэ абалгые эрид хоридог.

Иоов 10:3

Та Өөрөө намайе бүтээһэн аад, иигэжэ үзэн ядахадаа, адагай муу этэгээдүүдэй бахаа ханахые хангажа байхадаа зүб юумэ хэнэ гээшэ гүт?

Иоов 12:19

Һүмын санаартад, изагуур ехэтэн Тэрэнэй хүсэһэн сагта доошоо бууна.

Иоов 12:21

Хэргэм зэргэтэйшүүл зоной наадан болоно, хүсэтэн хүсэһэн сагтань доройтоно.

Иоов 13:10

Хэрбээ таанар нюусаар нэгэнэйнь тала барижа, үнэн бэшээр шүүбэл, Тэрээнһээ шиидхэл абажа, гайхамшагта хүсыень хараад, айн һүрдэхэт.

Иоов 13:8

Тэрэнэй талые бариһан аад, зорёолхоно гүт? Бурханай түлөө тэмсэхэ гээ гүт?

Иоов 31:15

Эзэн тэрэниие намдал адли эхын хэбэл соо бүтээжэ, хүн бэеынь адли үгэһэн бэшэ юм гү?

Иоов 32:21

Намайе шагнагты, хэнэйшье тала би барихагүйб.

Иоов 34:18

Хаанда «ши нүгэлтэйш», тайжа ноёдто «хуули эбдэнэш» гэжэ хэлэжэ болодог гү?

Иоов 36:19

Хүнэй эд хүрэнгэ, хүсэ шадал Бурханай шиидхэлһээ зайлуулхагүй. Тиимэ аргаар хосоролһоо холодохогүйт.

Египедһээ гаралга 30:15

Баян үгытэйһөө огто илгаатай бэшэ, хүн амин лэ өөрынгөө түлөө түлөөһэ хахад шээкэлһээ бага үргэл оруулха ёһогүй.

Һургаал 14:31

Үгытэйшүүлые дарладаг хүн Бүтээгшые буруушаана, гуйраншаниие хайрлаха сэдьхэл Бүтээгшын нэрэ хүндэ үргэнэ.

Һургаал 22:2

Үгытэй ядуу хоёр зэргэ ябаха табилантай. Ядуу хүнииешье, баянииешье Эзэн бүтээгээ.

Экклезиаст 5:8

Хаанай хананхалан оролдодог орон нютагынь урдал хуу байдаг.

Исай 3:14

Эзэн арад түмэнэйнгөө ахалагшадые болон ударидагшадые шүүн, иигэжэ айладхана: «Таанад үзэм жэмэсэй сэсэрлиг хооһоруулаат, үгытэй ядуу зонһоо буляажа абаһан зөөри гэртэтнай байна.

Левит 19:15

Зарга шүүбэридэ ороходоо, худалаар бү хэлэгты. Үгытэй хүнэй нюур бү сахигты. Ехэ хүндэ бү һүгэдэгты. Хажуудахи хүнэйнгөө үйлэ хэрэг үнэн сэхээр шүүбэрилэгты.

Хэрэгүүд 10:34

– Бурхан яһа илгадаггүй гэжэ би одоол үнэн дээрээ ойлгооб, – гээд Пётр хэлэбэ. –

Римэйхиндэ 2:11

Бурхан яһа илгадаггүй!

Коринфынхидтэ 1-дэхи 1:28

Бурхан энэ дэлхэй дээрэ шухала гэжэ тоологдодог юумые болюулхын тула хүнүүдэй дундаһаа ямаршье уг изагуургүй, дарлагдаһануудыень шэлэжэ абаа.

Галадуудта 2:6

Харин Яков, Кефа (Пётр), Иоанн гэдэг эгээн хүндэтэ багшанар тухай хэлэбэл, урдань тэдэнэй ямар хүнүүд байһаниинь намда хамаагүй, юуб гэхэдэ, Бурхан хүниие яһаарнь илгадаггүй. Тэдэнэр Һайн Мэдээсэл номнохыемни намайе зүбшөөгөө. Тэдэ нэрэ хүндэтэй зон бидэнтэй нэгэ ажал хэрэг бүтээжэ байһанаа баталан, Барнааба бидэ хоёрой гарые бариба, Бурханһаа үршөөл хайра бидэндэ үгтэһые зүбшөөбэ. Тиигээд бидэ бусад арадуудые, харин тэдэ еврейнүүдые һургахань зүбтэй гэжэ тоолобо. Юундэ тиигээб гэбэл, еврейнүүдтэ номнохо үүргэ Пётрто Бурханһаа үгтэһэндэл адли бусад арадуудые һургаха үүргэ намда үгтөөд байһые тэдэнэр хараа. Яажа Пётр Бурханай хүсөөр элшэн болгогдоод, еврейнүүдтэ номнодог бэ, тон тиигэжэл бишье Бурханай хүсөөр элшэн болгогдоод, бусад арадуудые һургадаг болооб.

Эфесэйхиндэ 6:9

Эзэд, таанад барлагуудтаа баһал тиигэжэ хандагты, хэрзэгы хатуу ааша бү гаргагты. Таанад өөһэдөө тэдэнтэй хамта тэнгэридэ хүн бүхэндэ адляар хандадаг нэгэ Эзэнтэй байһанаа мэдэнэ ха юмта.

Хуули дабталга 10:17

Юуб гэхэдэ, Эзэн Бурхантнай бурхадай ехэ Бурхан, эзэдэй ехэ Эзэн, Тэрэ агууехэ, асари хүсэтэй, һүрөөтэй Бурхан. Тэрэ нюур илгажа байдаггүй, эдилгэ абадаггүй,

Колоссынхидтэ 3:25

Гэмтэ юумэ хэһэн хүн бүхэн өөрынгөө буруугай зэргээр лэ абаха. Бурхан хүн бүхэниие нэрэ түрөөрнь бэшэ, харин үйлэ хэрэгүүдээрнь лэ шиидхэдэг юм.

Еврейнүүдтэ 12:28

Хубилгаха аргагүй хаан орониие эзэлээд, бидэ баяр баясхалангаар дүүрэн байял. Бурханда хүндэтэйгөөр хандан, һүгэдэн, Тэрээндэ һайшаагдамаар алба хэжэ байял.

Яковай хандалга 2:5

Хайрата аха дүүнэрни, шагнагты даа: Бурхан үгытэйшүүлые һүзэгөөрөө баян бардам байхыень, Өөртэнь дуратай хүнүүдтэ үгэхэб гэжэ найдуулһан хаан оронойнгоо залгамжалагшад болохыень шэлэжэ абаа бэшэ һэн гү?

Пётрой 1-дэхи хандалга 1:17

Нюур харангүй, бүхы хүнүүдые хэһэн хэрэгүүдэйнь хэмжээгээр шүүбэрилдэг Бурханиие таанад Эсэгэмнай гэжэ нэрлэнэт, тиимэһээ эндэ, энэ дэлхэйдэ байха үдэрнүүдээ Тэрээндэ һүгэдэн үнгэргыт даа.