13 Гомдоходош харюу үгөөгүй хадань Тэрэниие буруудхажа болохогүй.
«Эзэн минии! Намайе иигэтэр бү гэмныт! Харин юундэ намай үзэн ядаһанаа хэлээд үгыт!
Та юундэ иитэрээ минии үйлэ үзэжэ бурууемни бэдэрнэт, нүгэлтэй байһыемни элирүүлхэ гэжэ оролдонот?
Ши өөрөө Бурханай гүн ухаае, Хамагые баригша Түгэс Хүсэтын хизаарые оложо шадаха гүш?
– Зоригтой бодожо, Минии табиһан асуудалда харюу үгэ.
Юушье абаа һаань, Тэрэниие һаатуулха арга байхагүй. «Юундэ энээниие абабат?» гэжэ хэн асууха эрхэтэйб?
Тиимэһээ би Тэрээнтэй тоосолдохогүйб. Хэлэхэшье үгэ алга.
Һэлмээр тэдэниие сабшан усадхаха, сүүбэн шононуудай хүнэһэн болохо.
Бүтээгшэтэеэ маргалдагша шабар һаба бии юм аал? Тэрэ һаба бусад һабануудтал адлил! Шабарынь вааршанһаа юу хэжэ байһан тухайнь асууха гү?! Бүтээгшэ дүрэгүй гэжэ шабар амһарта гомдол барижа байдаг гү?!
Юун болохыень Би эгээл эхиндэ уридшалан айладхаа бэлэйб. Болоодүй байгаа юумые үни эртэнһээ мэдүүлээб. Минии түсэбүүд заабол бэелүүлэгдэдэг, хэхэеэ һанаһан хэрэгээ Би заатагүй хэдэгби.
Вавилоон, ши Минии урдаһаа тулааш, тиигээд Минии шамда гэжэ табиһан зангадам оробош! Энээн тушаа ши тухайлхашьегүй байгааш.
Таанадай урдаһаа тулахадам, зоригтнай мохожо, гараа үргэхэ хүсэ шадалгүй болоод байхат. Би, Эзэн, айладхаа бол заабол бэелүүлхэб!
Өөрынгөө мүнгэтэй би дуратай юумэеэ хэхэ эрхэтэй бэшэ гүб? Али минии гар бардам байһанда ши атаархахаяа һанаба гүш?»
– Таанарта Эсэгын эрхэ мэдэлээр тогтоогдоһон саг болзорой ерэхые мэдэхэ хэрэггүй.
Хэрбээ энэ зорилго, үйлэ хэрэгынь Бурханһаа байбал, таанад эдэ хүнүүдые зогсоожо шадахагүйт, харин Бурханай урдаһаа эсэргүүсэн тэмсэгшэд болохот! Зүблэлэй гэшүүд тэрэнэй үгэ дуулаба.
Эзэнэй һанал бодолые хэн мэдэрээб? Хэн Тэрээндэ заабарилжа, зүбшэл үгэжэ байхаб?
Ай, нүхэр, Бурханда үсэрхэжэ байхаар ши хэн гээшэбши? Бүтээлынь тэрэниие бүтээгшэдэ: «Юундэ намайе иигэжэ бүтээгээбта?» – гэжэ хэлэхэ аал?
Али бидэ Эзэнэй уур сухал хүргэхэмнай гү? Өөһэдыгөө Тэрээнһээ хүсэтэйбди гэжэ тоолоно гүбди?
Гансал Эзэн Бурханаймнай мэдэхэ нюуса зүйлнүүд байдаг. Харин Тэрэ бидэндэ Өөрынгөө һургаал эли болгоо, бидэ болон үхи хүүгэднай тэрэнииень хододоо сахин дүүргэн ябаха ёһотойбди.
