Иоов 31:26 - Библи

^26-27 Гэгээн нарые, гэрэлтэ һарые хараад, бурхан болгон һүгэдөөгүйб, гараа таалан һунгаагүйб.

Иоов 31:26 Referencias Cruzadas

4 Хаан түрэнүүд 23:11

Тиигээд тэрэ Иудын хаашуулай Наранда зорюулһан моридые, дайшалхы тэргэнүүдые галдаба. Тэдэнэр Эзэнэй һүмын үргөөндэ ородог үүдэнһээ холо бэшэ байдаг заһаагаа абхуулһан Натаан-Мээлэх харуулшанай таһалгануудта дүтэшэг байгаа.

4 Хаан түрэнүүд 23:5

Тиигээд тэрэ Иудын хотонууд ба Иерусалимай оршон тойронхи мүргэлэй обоонууд дээрэ үргэл үргэжэ байха гэжэ Иудын хаашуулай тогтоол гаргаһан, мүн баһа Баалай ба тэнгэриин наран, һара болон одо мүшэдтэ шүтэдэг тэрэс шажанай бүхы шүтөөнүүдые абхуулба.

Иоов 25:5

Тэрэнэй урда гэрэлтэ һарашье харанхы, одо мүшэдшье ялагар бэшэ байхадань,

Дуунай дуун 6:10

Үүрэй толон мэтэ ялагар, һүниин һара мэтэ һайхан, үдэрэй наран мэтэ гэрэлтэй, үзэсхэлэн гоёнь хэн бэ? Тэрэ болбол минии амараг. Үй олон туг намируулһан, үзэсхэлэнтэ хото мэтэ эрхим һүрөөтэй.

Ерэмияа 44:17

Хэлэһэн үгэнүүдээ бэелүүлхэбди. Тэнгэриин хатан бурханда үргэл үргэхэбди, сэржэм үргэхэбди. Иудын орон нютагта болон Иерусалимда байхадаа бидэ, манай үбгэ эсэгэнэр, манай хаан, удамаршаднай тиидэг бэлэйл. Тиихэдэ бидэ эдеэ хоолтой, жаргалтай, хашалгүй ажаһуудаг бэлэйбди.

Ерэмияа 8:2

Дуратай, алба хэдэг нара, һара болон мүшэд доогуурнь яһануудыень тараажа тэдэ хаяхал. Тэдээнтэй зүбшэдэг, мүргэдэг, һүгэдэн унадаг тэдэ байгаа ха юм. Яһаниинь суглуулагдан хүдөөлүүлэгдэхэгүй. Шэбхэ мэтэ тэрэ газарай хүрьһэн дээрэ хэбтэхэ.

Эзэкээл 8:16

Тиигээд Тэрэ намайе нангин үргөөгэй дотоодо хашаа руу оруулба. Тэндэ үүдэнэй болон үргэлэй шэрээгэй хоорондо нюргаараа Эзэнэй нангин руу, нюураараа зүүн зүг руу зогсон, мандажа байгаа наран руу мүргэжэ байгааша хорин табан хүн харагдаба.

Хуули дабталга 11:16

Теэд болгоомжологты, мэхээр хэн нэгэн дурыетнай буляагуужан. Хажуу тээшээ бү ходорогты, бусад бурхадта бү шүтэгты, тэдээндэ бү мүргэгты.

Хуули дабталга 4:19

Юундэ хэрэгтэйб гэхэдэ, нара, һара, мүшэдые, юрэдөө, тэнгэриин һүрөөтэ үзэсхэлэн обёоржо, таанадай тэрээндэ татагдан, доро унан һүгэдэхэгүйн, тэдээндэ мүргэхэгүйн тула. Юуб гэхэдэ, Эзэн Бурхантнай тэдэниие хамаг огторгой доро ажаһуудаг бүхы арадуудта үршөөһэн ха юм даа.