Иоов 31:19 - Библи

^19-20 Үмдэхэ хубсаһагүй ядуушуулда хониной нооһоор хубсаһа оён үгэжэ дулаасуулхадань, тэдэ үнэн сэдьхэлһээ баяр хүргэдэг бэлэй.

Иоов 31:19 Referencias Cruzadas

2 Угай бэшэг 28:15

Тэдэ нэрлээшэ дүрбэн удамарша нюсэгэн зониие олзын хубсаһа хунарһаа, гуталһаа хубсалуулба, гуталтай болгобо. Тиигээд тэдэниие эдеэлүүлээд, ундалуулаад, шархануудтань оливын тоһо түрхеэд, бүхы муудаһан һуларһан зонииень элжэгэнүүд дээрэ һуулгаад, Иудын хан түрэ руу һөөргэнь, пальмануудай хото Ерихоон руу эльгээбэ. Удаань тэдэ Самари руу бусаа бэлэй.

Иоов 22:6

Зээли абаха гэһэн хүнһөө барисаагаар мүнгэ эдижэ, хүнүүдые нюсэгэлдэг бэлэйш.

Иоов 24:4

Муу хүнүүдэй хашалтаһаа боложо, үгытэй ядуушуул бэеэ нюухаһаа ондоо аргагүй болодог.

Иоов 29:13

Бэлбэһэн абгайнар баярлажа, наһа дүүрэжэ байһан зон үршөөлтэ үгөөр дурдадаг байгаа.

Иоов 31:18

Би тэдэниие түрэһэн эсэгэһээнь өөрэгүй адли энхэрээб, бэлбэһэн эхэнэртэ түшэг тулга болооб.

Исай 58:7

Үлэсхэлэн хооһонтой эдеэ хоолоо хубаалдан, орохо гэргүй ядуу зониие гэртээ оруулагты. Хубсаһагүй зониие харабал, хубсалуулагты, түрэлхидтөө туһалагты.

Матвей 25:36

нюсэгэн байхадамни, үмдэхэ хубсаһа хунар үгөөт; үбшэн байхадамни, хойноһоомни харууһалаат; түрмэдэ һуухадамни, Намтай уулзахаяа ерээт», – гэжэ үнэн зүбтэндэ хэлэхэ.

Матвей 25:43

аяншалжа ябахадамни, гэртээ угтажа абаагүй һэнта; нюсэгэн байхадамни, үмдэхэ хубсаһа хунар үгөөгүй һэнта; үбдөөд байхадамни, түрмэдэ һуухадамни, Намтай уулзахаяа ерээгүй һэнта», – гэжэ буруутаһан зондо хэлэхэ.

Лука 3:11

– Хоёр самсатай хүн нэгыень самсагүй хүндэ үгэг, эдихэ, ууха юумэтэй хүн бусадтай хубаалдаг, – гэжэ тэрэ харюусаба.

Хэрэгүүд 9:39

Пётр дары тэдэнтэй ошолсобо. Тэрэнэй ерэхэтэй сасуу дээдэ дабхарай таһалгада хүргэбэ. Тэндэ сугларһан бэлбэһэн эхэнэрнүүд Пётрые тойрожо, уйлалдан, тэрээндэ Газель басаганай амиды ябахадаа нэхэжэ оёһон олон суба болон элдэб янзын хубсаһануудые харуулба.

Яковай хандалга 2:16

Тиигээд хэн нэгэнэйтнай тэдэндэ хэрэгтэй юумэ үгэнгүй, зүгөөр: «Би таанадта һайн һайханиие хүсэнэб, таанад дулаасагты, эдеэлэгты», – гэжэ хэлэһэниинь ямар аша туһатай юм бэ?

Иоаннай 1-дэхи хандалга 3:18

Үхибүүдни, иигэжэ дэмы хооһон ама хэлээрээ дурлаһан хэбэр үзүүлээд бү байя, харин үнэхөөрөө дуратай байһанаа үнэн бодото хэрэгээрээ харуулая!