8 залуушуул замһаа зайлажа, үбгэд һууриһаа бододог һэн.
Минии хотын хэрэмэй хаалгын зэргэдэ ерэжэ һуудалаа эзэлхэдэм,
Удамаршад намайе хараад, үгэ хэлэхэеэ түбэгшөөдэг, амаа альгаараа бүтүүлдэг,
Буурал толгой алдарай титим юм. Тэрээниие зүб ябадалаар олодог.
Хэрэг шүүлгын шэрээдэ һууһан хаан харасаараа хамаг муу зүйлые элирүүлдэг.
Буурал толгойтой үбгэд хүгшэдэй урда бү һуугты, үбгэн хүниие хүндэлжэ, бодогты. Өөрынгөө Бурханһаа һүрдэн айгты.
Үгэхэ ёһотой юумэеэ бүхы хүнүүдтэ үгэжэ байгты: татабари үгэхэ ёһотой болбол, татабаряа үгэгты; алба түлэхэ ёһотой болбол, албаяа түлэгты; һүрдэхэ ёһотой болбол, һүрдэгты; хүндэлэл үзүүлхэ ёһотой болбол, хүндэлэл үзүүлэгты.
Засаглагша болон захирагшадай үгыень дуулажа, эрхэ мэдэлдэнь байхые, ямаршье сагта дэмбэрэлтэ һайхан хэрэгүүдые хэхээр бэлэн байхые һүзэглэгшэ зондо һануулжа байгаарай.
Хүн бүхэниие хүндэлжэ байгты. Һүзэглэгшэ бүлгэмдөө дуратай байгты. Бурханһаа айн һүрдэгты, хааниие хүндэлжэ ябагты.
Залуушуул, таанад баһал бүлгэмэй хүтэлэгшэдэй үгөөр байгты. Бэе бэедээ булта номгон даруугаар хандагты. «Бурхан омог зантай зониие буруушаадаг, харин даруу номгон зондо үршөөлтэйгөөр хандадаг», – гэжэ Нангин Бэшэг соо хэлэгдэнэ.
