Иоов 28:17 - Библи

¹⁷ Үнэтэ алтан болон тунгалаг уһан шэнги шэл тэрээндэ хүрэхэгүй, шэжэр алтаар бүтээһэн шэлдэг һайхан эдлэлшье тэрээнтэй зэргэсэхэгүй.

Иоов 28:17 Referencias Cruzadas

Иоов 28:16

Опиир нютагай шэжэр алтаар, үнэтэ мана, эрдэни шулуугаар тэрэ үнэлэгдэхэгүй.

Һургаал 16:16

Алта абагшаһаа мэргэн ухаае олохонь үлүү. Бодото мэргэн ухаа абахань мүнгэнһөө үлүү үнэтэй.

Һургаал 25:12

Зэмэлэлгын мэргэн үгэ гээшэ шэхээ табин соносогшодо алтан һиихэ ба шэжэр алтан зүүдхэл мэтэ.

Һургаал 8:10

Салин сагаан мүнгэнһөө үлүүгээр минии заабари сэгнэжэ абагты. Шэжэр алта шэлэнхаар мэдэлгэ абахые шэлэһэниинь дээрэ.

Эзэкээл 1:22

Амитадай тархинууд дээгүүр ялагар болор мэтэ мандал байба.

Гэршэлгэ 21:11

Тэрэ хотонь Бурханай алдар солоор толорон гэрэлтэжэ байба. Тэрэ гэрэл туяань болор мэтын сэбэр тунгалаг хас шулуун шэнги үнэтэй шухаг шулуунуудтал адляар ялалзажа байгаа.

Гэршэлгэ 22:1

Болор мэтэ ялалзаһан амидаралгын уһанай гол мүрэниие удаань намда Эльгээмэл харуулаа. Тэрэ гол мүрэн Бурханай болон Үргэлэй Хурьганай хаан шэрээгэй дороһоо урдан гарадаг.

Гэршэлгэ 4:6

Баһа хаан шэрээгэй урда болор мэтэ сэбэр тунгалаг шэл далай шэнги юумэн байба. Хаан шэрээгэй дүрбэн буланда дүрбэн амитад байба. Тэдэ амитад урдаһаашье, хойноһоошье тон олон нюдэтэй һэн.