Иоов 27:22 - Библи

²² Тэрэ шуурган хүниие хайрлахагүй, зугадан зайлаха ямаршье аргагүй.

Иоов 27:22 Referencias Cruzadas

Иоов 10:7

Иихэдээ эгээлэй хүнүүдтэ адляар намда хандахадаа хамагые хаража байдаг Бурхан бэшэ болоно гүт? Буруугүй болохыем Та мэдэнэт. Танай мутарһаа хэн намайе һалгажа шадахаб? Хэншье һалгажа шадахагүй.

Иоов 11:20

Харин муу этэгээд тэрэ үедэ хэсүү байдалһаа гараха аргагүйгөө мэдээд, сэдьхэлээ муудажа, тэдэнэй гансал найдаха юумэн үхэлэй урда дүүрэн сээжээр ами абахань лэ үлөө.

Иоов 20:24

Тэрэ хүнэй байдал һэлмэһээ зайлаад, хүрэл һуршада оногдоһондо адли.

Псалманууд 11:6

Эзэн «Үгытэйшүүлэй хооһорхо, ядуу зоной ёолохо абяанһаа боложо Би мүнөө бодохоб. Хүсэһэнэйнь ёһоор аюулгүй газарта абаашахаб!» гэнэ.

Египедһээ гаралга 9:14

Энэ удаа бүришье аймшагтай хэһээлтэ шамда, түшэмэлнүүдтэш, бүхы арад зондош амасуулхам. Намтай тэнсэхэ хэншье дэлхэй дээрэ үгы гэжэ шинии мэдэхын тулада!

Исай 10:3

Бурханай хэһээлтын үдэр таанад яахабта? Таанад дээрэ алас холоһоо гай тодхор Тэрэнэй асархада, яаха болонот? Хэнһээ туһаламжа эрин гүйхэбта? Баялигаа хаана нюухабта?

Ерэмияа 13:14

Домбо нүгөө домбоор домбодон сохижо байһандал, Би тэдэниие хүгшэн, залуугүй бэе бэедэнь хамталан бута сохихоб. Хайра үршөөл үзүүлхэгүйб, хайрлахагүйб, энэрилхэгүйб, хюдахаб! – гэбэ.

Эзэкээл 24:14

Тэрэ саг ерэнэл аабза. Тиихэдэнь Би хэһээлтэеэ болюулжа гү, али Иерусалимай улад зониие хайрлажа, энэрэл үзүүлжэ байхагүйб. Хэһэн хэрэгэйнгээ хэмээр тэдэ хэһээгдэхэ ёһотой. Энэ болбол Би, Эзэн Бурхан, айладхана мүн!

Эзэкээл 5:11

Би амиды Бурхан мүн, тиимэһээ Минии ордон онгонуудаараа, муу муухай хэрэгүүдээрээ бузарлаһанайтнай түлөө Би таанадые хайра гамгүй үсөөрүүлхэб.

Амоос 2:14

Эгээл хурдан хүнэй хурдань мөхөжэ, эгээл хүсэтэй хүнэй хүсэнь буураха, эрэлхэг зоригтойшье амияа абаржа шадахагүй.

Иона 1:10

Онгосошод угаа ехээр айба. Тэдэ Ионада: – Юунэй түлөө энэниие хэбэбши? – гэлдэбэ, юуб гэхэдэ, Эзэнһээ тэрьедэжэ ябанаб гэжэ Иона тэдээндэ хэлээ бшуу.

Римэйхиндэ 8:32

Бурхан Өөрын Хүбүүниие хайрлангүй, бидэнэй бултанаймнай түлөө үргөө. Бурхан маанадта Хүбүүгээ үгэжэ байхадаа, бусадшье бүхы юумэнүүдээ элбэгээр үгэхэ бэшэ гү?

Хуули дабталга 29:20

Иимэ хүниие Эзэн хүлисэхэгүй, тэрээндэ ехэ сухалдажа, зэбүүрхэжэ, Израилиин бүхы обогуудһаа тэрэниие илган гаргаха, хюдаха. Хуули соо, тогтооһон хэлсээнэй хуйламал бэшэг соо баталагдаһан хараал шэрээл иимэ хүндэ хүрэжэ, тэрэнэй нэрэшье алтан дэлхэй дээрэ мартагдаха. Эзэн иигэжэ тэрэниие хэһээхэ.

Хуули дабталга 32:23

Би тэдээн дээрэ гай тодхор обоолжо, годлинуудаа дууһан тэдээн руу харбахаб!

Нүүнэй Иисүүс 10:11

Израильшуудһаа Бэт-Һорооной хадын ташалангаар зугадахадань, Эзэн тэнгэриһээ Азэкаа хүрэтэр томо шулуугаар шэдээ, тэдэ хосороо; шулуун аадарһаа хосороошодынь Израилиин хүбүүдэй мэсэһээ үхэгшэдһөө олон байгаа.

1 Хаан түрэнүүд 25:29

Хэрбээ хэн нэгэн хүнэй бодожо, таниие мүрдэжэ, алахаяа бэдэрээ һаань, минии эзэнэй амиие танай Эзэн Бурхан ами наһанай уутада хэжэ уяха болоно. Харин дайсадайтнай амиие Эзэн шулуу дүүгүүртэ хэжэ шэдэһэндэл адли болгохо юм.