Иоов 27:2 - Библи

² – Эрхыемни хаһаһан Түгэс Хүсэтэ Эзэнэй, сэдьхэлэй голхорол намда асарһан Хамагые баригшын байгаа сагта,

Иоов 27:2 Referencias Cruzadas

2 Хаан түрэнүүд 2:27

Ёһааб: – Бурхан үзэг, хэрбээ шинии эдэ үгэнүүдые урид хэлээ һааш, үшөө үглөө байхада сэрэгшэд аха дүүнэрэйнгээ хойноһоо намнахаяа болихо байгаал, – гэбэ.

3 Хаан түрэнүүд 17:1

Галаадтахи Тишбиигэй лүндэншэ Элияа Ахаабта иигэжэ хэлэбэ: – Минии зальбардаг Израилиин Эзэн Бурханай нэрээр тангаригланаб! Удаадахи хоёр жэлэй туршада шүүдэршье унахагүй, бороошье орохогүй. Гансал минии хэлэхэдэ орохо.

3 Хаан түрэнүүд 18:15

Элияа хэлэбэ: – Минии шүтэдэг Түмэн Сэрэгтэ Эзэнэй нэрээр тангаригланаб! Мүнөөдэртөөл би хаанда харагдахаб.

4 Хаан түрэнүүд 4:27

Тиигээд тэрэ эхэнэр хада дээрэ гаража, Бурханай хүнэй урда үбдэглэн һуушаба. Гэһаази тэрэ эхэнэрые бодхоохо гэжэ дүтэлбэ. – Энэ эхэнэрые орхи даа. Энээнэй зүрхэ сэдьхэл уйдхар гашуудалаар дүүрэнхэй. Эзэн намһаа нюужа, энээнэй уйдхар гашуудалые намда хэлээгүй, – гэжэ Бурханай хүн хэлэбэ.

Иоов 10:3

Та Өөрөө намайе бүтээһэн аад, иигэжэ үзэн ядахадаа, адагай муу этэгээдүүдэй бахаа ханахые хангажа байхадаа зүб юумэ хэнэ гээшэ гүт?

Иоов 16:11

Өөрыень сэгнэдэггүй зоной гарта Эзэн намайе оруулжа, гэнтэ бахалуурдан абажа, бүхы бэеым нюхажа хаяад, бай болгобо.

Иоов 19:6

Бурхан намайе нэрбэжэ унагаагаа. Иигэжэ би Тэрэнэй торто баригдаһан ушарһаа зугадаха газарни үгы.

Иоов 23:16

Бурхан урма зоригымни мохообо, Түгэс Хүсэтэ намайе һүрдөөн айлгаба.

Иоов 34:5

«Гэм зэмэгүй намда Бурхан үнэн шударга бэшээр хандажа байна.

Иоов 35:2

– Иоов, Бурхантай өөрыгөө сасуулан, өөрыгөө Бурханһаа үлүү шударга гэжэ тоолохо хэрэггүй.

Иоов 9:17

Шуурган мэтээр добтолжо, ушар шалтаггүй зобоожо, амилхашье сүлөө олгохогүй гэбэл Тэрэнэй эрхэ.

Исай 40:27

Эзэн гай гасалангыем мэдэнэгүй, хэрэгни буруу шиидхэгдээ гэжэ юундэ гомдол баринабши, Яков, юундэ иигэжэ хэлэнэбши, Израиль?

Ерэмияа 12:16

Хэрбээ тэдэ Минии арад зоной шажан мүргэл даган абажа, Баалай урда Минии зониие тангариглажа һургаһандал, Минии нэрээр «Бурхан үзэг!» гэжэ тангариглажа байгаа һаа, тэдэ Минии арад зоной нэгэ хуби болохо.

Ерэмияа 4:2

үнэнхэ зүрхэнһөө, зүбөөр, шударгыгаар Минии нэрээр тангариглаха эрхэдэ хүртэхэш. Тиихэдэ бүхы үндэһэн арадууд Минии нэрээр бэе бэеэ үреэдэг болохо, Намайе магтажа байха.

Ерэмияа 5:2

Эзэн амиды гэжэ таанад хэды дахин хэлээшье хадаа хуурмаг тангариг үргэнэт.

Эзэкээл 33:11

Би амиды мэндэ Эзэн Бурхамби, нүгэлтэй зоной хосорхые хүсэнэ бэшэб, муу ябадалаа орхижо, амиды мэндэ байхыень хүсэнэб. Израилиин улад зон амиды мэндэ байхаяа хүсэбэл, нүгэл хэхэеэ болёод, Нам руу эрьехэ ёһотой.

Тоололго 14:21

Харин Өөрөөрөө, бүхэдэлхэйе дүүргэһэн Минии, Эзэнэй, алдар солоор тангаригланаб:

Рүүт 3:13

Энэ һүниндөө эндээ хоноорой. Үглөө үглөөгүүр тэрэ хүн шамайе аршалалта дороо абаха һаа, абаг. Абаагүй һаань, би абахаб гэжэ Эзэнэй урда тангаригланаб! Үглөө болотор унта даа, – гэбэ.

1 Хаан түрэнүүд 14:39

Израилиие абарһан Бурханай нэрээр тангаригланаб. Миниишье хүбүүн Ёнатаан хэһэн байгаа һаа, заабол үхэхэ ёһотой, – гэбэ. Арад зоной дундаһаа тэрээндэ харюусаха нэгэшье хүн байбагүй.

1 Хаан түрэнүүд 14:45

Гэбэшье арад зон Саулда: – Энэ агууехэ илалтые Израильда асарһан Ёнатаан үхэхэ гэжэ гү? Иигэжэ болохогүй. Эзэнэй нэрээр тангариглая. Тэрэнэй толгойһоо нэгэшье үһэн газарта унахагүй. Юуб гэхэдэ, тэрэ мүнөөдэр Бурхантай хамта энээниие үйлэдөө, – гэлсэбэ. Иигэжэ арад зон Ёнатааниие абаржа, тэрэ үхэбэгүй.

1 Хаан түрэнүүд 20:21

Нэгэ залуу зарасые ябуулжа, «ошожо, годлинуудые оложо ерэ» гэжэ хэлэхэб. Хэрбээ би залуу зарасада тусгаарлан, «хара, годлинууд шинии саада талада байна. Тэдэниие абажа ерэ» гэжэ хэлээ һаам, ши гаража ерээрэй. Юуб гэхэдэ, Эзэнэй нэрээр тангаригланаб, шамда ямаршье гай тодхор, аюул болохогүй.

1 Хаан түрэнүүд 25:26

Мүнөө, минии эзэн, Эзэнэй нэрээр болон танай ами наһаар тангариглая. Эзэн таниие шуһа урдахуулхаһаа, үһөөгөө абахаһаа тогтоог лэ. Танай дайсад, минии эзэндэ хоро хүсэгшэд Набаалтай адли болохонь болтогой!

1 Хаан түрэнүүд 25:34

Намайе шамда хоро хэхэһээ болюулһан Израилиин Эзэн Бурханай нэрээр тангаригланаб, хэрбээ намтай уулзахаяа шинии яаража, урдаһаамни ерээгүй һаашни, үнэхөөр үүр сайтар Набаалай гансашье эрэ хүн үлэхэгүй һэн, – гэжэ хэлэбэ.