8 Баруун, зүүн зүг тээшээ хайшаашье ябахадам, Тэрэ үзэгдэнэгүй.
Урда, хойто зүгтэ хүсэ шадалынь харагдабашье, намда Өөрөө үзэгдэхэ гэжэ алга.
Тэрэнэй харюу үгөөгүй байхада хэн буруушааха юм? Бидэнһээ нюураа нюун байхадань, хэн Тэрэниие хараха юм? Арад үндэһэтэндэшье, хүндэшье адли,
Тэрэниие харанагүйб, Тэрэниие хэрэг шүүлгэдэ ерэхыень хүлеэнэб гээ хадаа хүлеэхэл болоош.
Хажуугаарни үнгэрхэдэнь би Тэрэниие ажаглахагүй, алхасынь шэмээе дуулахашьегүй байнаб.
[Дуунай бүлэгэй хүтэлбэрилэгшэдэ: Давидай зохёоһон.] Хорохо хамгаалха газарни – Эзэн! Таанар намда хандан, «Хада руугаа шубуун мэтэ ниидэ» гэжэ яажа хэлэжэ шаданабта!
Эзэн, намайе муу муухай зонһоо хамгаалыт, хүлыем түлхин унагаахаяа һанагша хүсэрхэгшэдһээ намайе аршалыт.
Өөрынгөө арад түмэниие абарагша Бурхан, Израилиин Бурхан, Өөрыгөө нюудаг Бурхан юм Тэрэ!
Бурхан гансаараал мүнхэ юм, Тэрэ хэнээшье хүрэхэгүй гэрэл туяада байдаг. Нэгэшье хүн Тэрэниие хаража үзөөгүй, хаража шадахашьегүй. Тэрээндэ нэрэ хүндэ ба мүнхын һүр хүсэ байг лэ. Болтогой!
