28 Эзэнэй уур хилэнсэг эд зөөрииень үерэй уһан мэтэ хаман аршана.
Ордон соо байгаа бүхы юумэн, үбгэ эсэгэнэрэйтнай энэ болотор суглуулһан бүхы зөөри Вавилоон руу абаашагдаха үдэрнүүд заабол ерэхэ. Эндэ юуншье үлэхэгүй.
Тэрэ хүн ядуушуулые мүнөө дарлабашье, хожомынь тэрэнэй үри хүүгэд булхайлжа абаһан зөөрииень бусаан үгэжэ, үршөөл туһаламжа эрихэ саг болохо.
эдиһэн хоолоо бөөлжэн гаргаһантай адли, абаһан хүрэнгэеэ хаяха баатай болохо. Үнэн шударга байдалай түлөө Бурхан энээниие хэдэг.
Гэмтэй муу хүн һүйдхэлэй үдэртэ бүтэн үлэдэг, Бурханай ууртай шиидхэлдэ тэрэ ородоггүй.
Намайе хэтын зоболоной галда хаяхань зүб. Тиигээд минии гэһэн юумэн һэегүй усадхагдаг.
Ядуушуул тариһан таряаень хуряан эдихэ, хадхууртай хашаа дээгүүрнь үбһэ ногоо хулгайлан шэдэхэ. Мүнгэндэ уланхатагшад зөөридэнь һанаархаха.
Эзэнэй шүүн хараха үдэртэ баялиг ямаршье туһа болохогүй. Харин үнэн шударга хэрэгүүд үхэлһөө абарха.
Эзэнэй хилэнсэгтэ үдэрэй мандахада, алта мүнгэншье тэдэниие абаржа шадахагүй. Бүхы дэлхэй Тэрэнэй уур хилэнгэй гал дүлэн соо дууһан шатаха. Ушарынь гэбэл, дэлхэйн бүхы ажаһуугшадые Тэрэ гэнтэ дүрэлзэһэн уур хилэнгээр хюдаха юм!
Хэрбээ таанад бүхы дэлхэйе олзолоод, ами һүнэһэеэ алдабалтнай, танда ашагтай гү? Үгыл даа! Таанад ямаршье юумэ түлөөд, ами һүнэһэеэ бусаажа шадахагүйлта.
Хараһаар байтаршни ондоо хүн үхэрыеш үүсэлхэ, харин ши тэрээнһээ эдихэгүйш. Элжэгыешни буляаха, шамда бусаахагүй. Хониншни дайсадта хүртэхэ, теэд шамда туһалха хүн олдохогүй.
Тиимэ ехэ баялиг зөөри гэб гэнтэ һалашабал! Тиин бүхы капитанууд, уһан далайгаар тамарагшад, морягууд, далайн албанда ябажа, амидарагша бүхы хүнүүд холо зогсоод,
