Иоов 2:9 - Библи

⁹ Һамганиинь Иоовто хэлэбэ: – Ши үнэн шударгаяа хадагалһаар гүш? Тэрээнһээш ямар үрэ гарахаб? Мүрынь ганса Бурханиие хараагаад үхыш тиигээд.

Иоов 2:9 Referencias Cruzadas

Эхин 3:12

– Танай намда үршөөһэн һамган тэрэ модонһоо алим үгөө, тиихэдэнь би эдеэ һэм, – гэжэ хүн харюусаба.

Эхин 3:6

Энэ модоной үрэ жэмэс эдихэдэ һайн, харахадашье аятай, мүн эрдэм мэдэсэшье үгэдэг гэһэн бодолдо эхэнэр абтаба. Тиигээд нэгэ алим жэмэс таһалжа абаад эдижэрхибэ, үбгэндөөшье үгэбэ – тэрэнь эдибэ.

3 Хаан түрэнүүд 11:4

Соломооной үбгэрхэдэ, һамгадынь тэрэниие хариин бурхадта мүргэдэг болгуулха гэжэ оролдожо эхилбэ. Давид эсэгэдээ адли бэшэ, өөрын Эзэн Бурханда тэрэ бүхы сэдьхэлһээ шүтэхэеэ болибо.

4 Хаан түрэнүүд 6:33

Тэрэнэй хэлэхэ гэһэн юумэеэ хүсэд хэлээгүй байхада, хаан ерэбэ. – Эзэн бидэндэ, – гэжэ Элишаа хэлэжэ эхилбэ, – ямар аюул эльгээбэб гэжэ харагты! Эзэнһээ бэшэ юун намда хүлеэгдэхэб даа.

Иоов 1:11

Харин мутараа һунган эдэ бүгэдынь үгы хэбэлтнай, Таниие хараангүй хайшаа ошохо юм?», – гэжэ эрлиг харюу үгэбэ.

Иоов 2:10

– Ши хиирээ гүш? Бидэ Бурханһаа гансал һайниие хүлеэгөөд, мууе абахагүй ёһотой юм гүбди? – гэжэ Иоов үгэ хэлэхэдээ, нүгэл хэлэбэгүй.

Иоов 2:3

Эзэн эрлигтэ хандаба: – Минии зараса Иоовые анхарба гүш? Тэрээн шэнги хүн дэлхэйдэ байхагүй. Гэм зэмэгүй, үнэн шударга тэрэ хүн намайе хүндэлжэ, буруу юумэнһээ зайлажа, болгоомжолон ябадаг. Ямаршье ушар шалтагаангүй ши бүхы юумыень үгы хэхэ зүбшөөл намһаа абаа һэнши, гэбэшье тэрэ мүнөөшье гэмтэй юумэ хээгүй.

Иоов 2:5

Харин мутараа һунгажа, яһа мяхандань хүрэбэлтнай, тэрэ Танда хараал хэлэнгүй яаха һэм!

Иоов 2:8

Иоов бэеэ маажаха гэжэ хатуу шабарай хэлтэрхэй абаад, үнэһэн бурма соо һууба.

Левит 24:11

Наншалдахадаа, Бурханай нэрэ муушалаа, хараагаа. Тиихэдэнь тэрээниие Моисейдэ асарба. Эхэнь Шэломиит, Даан обогой Дибриигэй басаган бэлэй.

Малаахи 3:14

«Бурханда үйлэ бүтээхэ гээшэ ашаггүй. Тэрэнэй һургаал сахижа, Түмэн Сэрэгтэ Эзэнэй үмэнэ гашуудан ябахань ямар ашаг үрэ үгэхэ гээшэб?

Ударидагшад 14:17

Самсооной һамган үлэгшэ тэдэ үдэрнүүдтэ уйлаба. Уйлажа байжа, һамганайнгаа аргагүй ехээр гуйхадань, һүүлэй һүүлдэ долоодохи үдэр Самсоон һамгандаа таабариингаа тайлбарииень хэлэбэ. Тиихэдэнь үнөөхи эхэнэр өөрынгөө арадай хүбүүдтэ үбгэнэйнгөө таабариин тайлбариие хэлэжэ үгэбэ.