Иоов 2:8 - Библи

⁸ Иоов бэеэ маажаха гэжэ хатуу шабарай хэлтэрхэй абаад, үнэһэн бурма соо һууба.

Иоов 2:8 Referencias Cruzadas

2 Хаан түрэнүүд 13:19

Тамаар толгой дээрээ үнэһэ адхан, үнгэтэ хубсаһаяа урижа, нюураа гараараа бүглэн, шангаар уйлан ябаба.

Эстээр 4:1

Мордохай энээн тушаа дуулахадаа, ехэ гашуудажа, хубсаһаа шуу татажа, гашуудалай хубсаһа үмдэжэ, толгой дээрээ үнэһэ сасажа, хотын гудамжада гаража, шангаар уйлан, гашуудан ябаба.

Эстээр 4:3

Хаанай зарлиг шагнаһан бүхы газар нютагуудай иудейнүүд угаа ехээр гашуудан уйлажа, эдеэ хоолшье эдихэ уухаа болёод, олонхинь гашуудалай удархай хубсаһа үмдэнхэй, үнэһэ тооһон соо хэбтэжэ байгаа бэлэй.

Иоов 2:9

Һамганиинь Иоовто хэлэбэ: – Ши үнэн шударгаяа хадагалһаар гүш? Тэрээнһээш ямар үрэ гарахаб? Мүрынь ганса Бурханиие хараагаад үхыш тиигээд.

Иоов 42:6

Тиимэһээ хэлэһэн үгэһөө арсажа, шорой, үнэһэн соо угаа халаглажа байнаб.

Псалманууд 38:5

Эзэн, наһанайм эсэс хэзээ гээшэб, хэды үдэр үшөө үлөөб, хэды наһа наһалха гээшэбиб гэжэ намда мэдүүлыт.

Псалманууд 38:7

Үнэндээ хүн һүүдэр мэтэ ябана, дэмы юумэндэ оролдодог, суглуулдаг, харин хэндэ суглуулһанаа мэдэхэгүй.

Исай 61:3

Сион уула дээрэ гашуудан уйлалдагшадта үнэһэнэй орондо гоёолто, бархираанай орондо баяр баясхалан, гай гасаланта шэг шарайн орондо гоёлой хубсаһан үгтэхэ гэжэ минии хэлэхые Тэрэ эльгээгээ. Эзэн Бурханай алдар солынгоо тула Өөрөө һуулгаһан модод мэтэ тэдэ болохо, зүб шударга хэрэгүүдые үйлэдэхэ.

Ерэмияа 6:26

Эзэн: – Минии арад зон! Гашуудалай хубсаһа үмдэжэ, үнэһэн соо хүльбэрэгты. Ори ганса үхибүүгээ гээһэн мэтэ угаа гашуунаар уйлагты, юуб гэхэдэ, таанадые усадхахаяа ерэжэ байгаашад гэнтэ добтолон орохо.

Эзэкээл 27:30

Тэдэ шам тушаа гашуудан, уйлан, толгойдоо шорой сасан, үнэһэн соо хүльбэрхэ, иигэжэ гашуудалаа элирхэйлнэ.

Иона 3:6

Энэ хэрэг Нинэвээгэй хаанда дуулдаба, тэрэ өөрынгөө хан шэрээһээ бодобо, үмдэжэ ябаһан хубсаһаяа тайлаад, гашуудалай шэрүүн бүд хубсаһа үмдөөд, шандаруу дээрээ һууба.

Матвей 11:21

– Хоразиин хотынхид, таанад уй гашуудал үзэхэт! Бэтсаидаа хотынхид, таанад баһал уй гашуудал үзэхэт! Хэрбээ танай хотонуудта бүтээһэн гайхамшагта хэрэгүүдээ Тиир Сидоон хотонуудта үзүүлһэн байбални, тэдэ хотын зон үни гэһээр Бурханда хандаха һэн. Тэдэнэр хахархай хубсаһа үмдэжэ, тархи дээрээ үнэһэ адхажа, нүгэлнүүдээ гэмшэһэнээ баталха бэлэй.