Иоов 2:5 - Библи

⁵ Харин мутараа һунгажа, яһа мяхандань хүрэбэлтнай, тэрэ Танда хараал хэлэнгүй яаха һэм!

Иоов 2:5 Referencias Cruzadas

1 Угай бэшэг 21:17

Давид Эзэндэ зальбарба: – Арад зониие тоолохо тухай захиралта би үгөөб! Нүгэл үйлэдэн, буруу зүйл хэһэн хүн бил гээшэб. Харин эдэ зон хонид мэтэ, ямар муу юумэ хээ юм? Та намайе болон минии гэр бүлые хэһээгыт. Харин арад түмэнөө тахал үбшөөр бү һалгыт.

Иоов 1:11

Харин мутараа һунган эдэ бүгэдынь үгы хэбэлтнай, Таниие хараангүй хайшаа ошохо юм?», – гэжэ эрлиг харюу үгэбэ.

Иоов 1:12

«Тиигэбэлнь, бүхы байһан юумэниинь шинии гарта орохо болоно. Өөртэнь лэ гар хүрэжэ болохогүй», – гэбэ Эзэн. Тиин эрлиг Эзэнэй хажууһаа зайлан ошобо.

Иоов 1:5

Найр сэнгэлэйнь дүүрэхэдэ, Иоов хүүгэдээ дуудажа, арюудхалгын ёһолол бүтээдэг һэн. Мүн үглөөгүүр тэрэ эртэлэн бодожо, хүбүүдэйнгөө тоогоор түгэс шатаалта үргэл асардаг байба. Хүүгэдэйнь хэн нэгэн Эзэниие баһажа, нүгэл хэжэ байгуужаг гэжэ Иоов һанаандаа түбэгшөөдэг һэн.

Иоов 2:4

Эрлиг Эзэндэ харюу үгэбэ: – Амиие амяарнь сэгнэхэ гэдэг! Хүн гээшэ ами бэеынгээ түлөө бүхыгөө үгэдэг юм.

Иоов 2:6

Эзэн эрлигтэ иигэбэ: – Үзэлши, тэрэ шинии гарта байна, зүгөөр тэрэнэй аминда хүрэжэ болохогүй.

Иоов 2:9

Һамганиинь Иоовто хэлэбэ: – Ши үнэн шударгаяа хадагалһаар гүш? Тэрээнһээш ямар үрэ гарахаб? Мүрынь ганса Бурханиие хараагаад үхыш тиигээд.

Псалманууд 39:10

Зүб шударгые агууехэ хурал дээрэ тунхаглааб, харыт, уралаа жэмыгээд байгаагүйб. Эзэн, Та мэдэнэт!

Исай 65:3

Теэд тэдэ Минии хараһаар байтар Намайе доромжолон, тахилтай ой модон соо үргэл үргэн, хирпиисэнүүд дээрэ уталга ууюулан байна.

Исай 8:21

Эльбэ жэльбэтэйшүүлые шагнагша зон зоболондо дарлагданхай, үлэсхэлэн хооһон газар дэлхэйгээр тэнэжэ ябаха. Гэдэһээ үлдэжэ ябахадаа тэдэ сухалдажа, хаанаа болон Бурханаа харааха. Тэдэ өөдөө огторгой руу гү,

Левит 24:11

Наншалдахадаа, Бурханай нэрэ муушалаа, хараагаа. Тиихэдэнь тэрээниие Моисейдэ асарба. Эхэнь Шэломиит, Даан обогой Дибриигэй басаган бэлэй.

Левит 24:15

Израильшуудта хэлээрэй: «Өөрынгөө Бурханиие харааһан хүн нүгэл абаха.

Гэршэлгэ 12:10

Тэнгэри дээрэһээ шангаар хэлэһэн иимэ үгэнүүдые би дуулаа һэм: – Одоошье Бурханай хүнүүдэй абарагдаха саг ерэбэ. Одоошье манай Бурхан засаг түрые абаад, хаан болохо. Тиин Бурханай Табисуурта бүхы дэлхэйе ударидан зонхилжо байха. Юуб гэбэл, бидэнэй аха дүүнэрые Бурханаймнай урда үдэр һүнигүй гэмнэгшэ газар руу шэдүүлэн унаба.