Иоов 2:3 - Библи

³ Эзэн эрлигтэ хандаба: – Минии зараса Иоовые анхарба гүш? Тэрээн шэнги хүн дэлхэйдэ байхагүй. Гэм зэмэгүй, үнэн шударга тэрэ хүн намайе хүндэлжэ, буруу юумэнһээ зайлажа, болгоомжолон ябадаг. Ямаршье ушар шалтагаангүй ши бүхы юумыень үгы хэхэ зүбшөөл намһаа абаа һэнши, гэбэшье тэрэ мүнөөшье гэмтэй юумэ хээгүй.

Иоов 2:3 Referencias Cruzadas

Эхин 6:9

Энэ болбол Нойн түүхэ юм. Тэрэ сагай хүн зон соо гансал Ной зүб шударга, ямаршье өө мөөгүй байгаа, Бурхантай эбтэй эетэй ажаһуугаа.

2 Хаан түрэнүүд 20:20

Ёһааб харюусаба: – Огто тиимэ бэшэл. Би танай хото һандаргаахаяа, үгы хэхэеэ һанана бэшэб.

Иоов 1:1

Ууц нютагта Иоов гэжэ хүн ажаһуугаа. Тэрэ нүгэл хилэнсэг гэжэ мэдэхэгүй, үнэн шударга, Бурханда бэшэрэн шүтэдэг, бузар мууһаа огто зайлаха гэжэ оролдодог хүн байгаа.

Иоов 1:11

Харин мутараа һунган эдэ бүгэдынь үгы хэбэлтнай, Таниие хараангүй хайшаа ошохо юм?», – гэжэ эрлиг харюу үгэбэ.

Иоов 1:6

Нэгэтэ Бурханай хүбүүдэй Эзэнэй үмэнэ ерэхэдэнь, тэдэнэй дунда эрлиг оролсобо.

Иоов 1:8

«Минии зараса Иоовые хараа гүш? Тэрээн шэнги гэм зэмэгүй, үнэн шударга, Бурханда һүгэдэн бэшэрдэг, бузар мууһаа зайладаг хүн дэлхэй дээрэ үгыл», – гэжэ Эзэн айладаба.

Иоов 13:15

Амиием абаашье һаань, этигэһэн хэбээрээл байхаб. Ямаршье һаа, би Тэрэнэй үмэнэ ошоод, өөрыгөө хамгаалхаб.

Иоов 2:2

– Ши хаанаһаа ерэбэш? – гэжэ Эзэнэй һурахадань, тэрэ иигэжэ харюусаба: – Газар дэлхэйгээр хэсэжэ ябааб.

Иоов 2:4

Эрлиг Эзэндэ харюу үгэбэ: – Амиие амяарнь сэгнэхэ гэдэг! Хүн гээшэ ами бэеынгээ түлөө бүхыгөө үгэдэг юм.

Иоов 9:17

Шуурган мэтээр добтолжо, ушар шалтаггүй зобоожо, амилхашье сүлөө олгохогүй гэбэл Тэрэнэй эрхэ.

Иоов 9:20

Би хэды буруу бэшэшье һаа, урдань мунхаг үгэ хэлээд лэ буруутан болохоб. Гэмгүйшье һаа, гэмтэн болохоб.

Псалманууд 26:1

[Давидай зохёоһон.] Эзэн минии гэрэл туяа, абарални, хэнһээ айхабиб тиимэһээ? Эзэн минии ами наһанай хамгаалалта, хэнһээ һүрдэхэбиб тиимэһээ?

Псалманууд 41:12

Сэдьхэлни, юундэ сүхэржэ байнаш? Юундэ уйданабши? Бурханда найда! Би Тэрэниие үшөө магтан дуулахаб, Тэрэ бол минии Абарагша, минии Бурхан мүн.

Һургаал 11:8

Үнэн шударга хүн тодхорһоо мултардаг, нүгэлтэй муу тэрэнэй орондонь ородог.

Һургаал 13:6

Зүб ябадал гэмгүй хүниие үмэглэн хамгаалдаг. Нүгэлтэнэй хара ябадал өөрыень нэрбэн сохидог.

Һургаал 14:2

Зүб ябадалта хүн Эзэнһээ бэшэрдэг хүн сэхэ харгытай, Тэрэниие тоодоггүй хүн замһаа хадуурна.

Һургаал 15:8

Хара нүгэлтэнэй үргэлһөө Эзэн жэрхэдэг. Үнэн сэдьхэлтэй хүнэй зальбарал Тэрэнэй талархалда хүртэдэг.

Һургаал 16:17

Үнэн сэдьхэлтэй хүнүүдэй зам хадаа өөрыгөө хорото мууһаа холодуулха ябадал. Өөрынгөө зам анхаралтай ажагладаг хүн амияа хамгаална.

Иоанн 9:3

– Энэ хүн өөрөөшье, эхэ эсэгэньшье нүгэл хээгүй, – гэжэ Иисүүс харюусаба. Тиин үргэлжэлүүлэн: – Тэрээнэй аргалуулһан ябадалаар Бурханай хаба хүсэ элирхэйлэгдэхын тула тэрэ һохор байгаа.

Филиппынхидтэ 3:12

Би зорилго эрмэлзэлдээ хүрөөб, хэхэ ёһотой юумэеэ бүгэдыень хээб, эрхим түгэс болооб гэнэгүйб. Гэхэдээ Иисүүс Христоос намайе ямар шагналда хүртөөхөөр Өөртөө татаа һэм, тэрэ шагналыень абаха гэжэ би оролдоноб.

Яковай хандалга 1:12

Туршалгануудые дабажа гараһан хүн жаргалтай, юуб гэбэл, туршалгануудые дабахадаа, тэрэ хүн Бурханай Өөртэнь дуратай зондо найдуулһан мүнхын амидаралда хүртэнэ.

Пётрой 1-дэхи хандалга 1:7

Юундэб гэхэдэ, тэдэ зоболонгууд танай һүзэг бодото гү гэжэ туршана, батална гээшэ. Галда шатажа үгы болодог алтаншье галаар туршагдадаг, зүгөөр танай һүзэг алтанһаа үлүү үнэтэй, тиимэһээл тэрэнэйтнай үнэн байһыень заабол туршаха, баталха хэрэгтэй. Тиигээд лэ таанад Иисүүс Христоосой заларан ерэхэ Үдэр магтаалда, алдар солодо, нэрэ түрэдэ хүртэхэт.

Пётрой 1-дэхи хандалга 5:10

Зүгөөр танай зоболонгууд һаядаа дууһаха. Иисүүс Христоостой нэгэдүүлэн, мүнхэ алдараараа хубаалсахын тула таанадые дуудаһан, элдэб үршөөлнүүдэй эхин болохо Бурхан таанадые заһаха, бэхижүүлхэ, хүсэ шадалтай болгохо, батадхаха.