Иоов 2:12 - Библи

¹² Тэдэ холоһоо хараад, нүхэрөө танибагүй. Шангаар уйлалдан, хубсаһаа таһа татажа, толгойдоо шорой хаяба.

Иоов 2:12 Referencias Cruzadas

Эхин 27:34

Эдэ үгэнүүдые дуулахадаа, Эсаав айхабтар гомдолтойгоор, шангаар уйлажа, эсэгэеэ гуйжа эхилбэ: – Абамни! Намайгаашье үреэн заяагыт даа!

2 Хаан түрэнүүд 13:36

Тэрэнэй дуугарамсаарнь лэ хаанай хүбүүд ерэжэ, шанга гэгшээр уйлалдаба. Хаан болон тэрэнэй бүхы түшэмэлнүүдшье мүн лэ шангаар бархиралдаа бэлэй.

Эзраа 9:3

Иимэ үгэ дуулахадаа, би дотор, гадар хубсаһаяа удара татажа хаяад, толгойнгоо үһэ, һахалаа ходоро зулгаагаад, аргагүй ехэ гашуудалда орон һуубаб.

Нэхэмьяа 9:1

Израильшууд тэрэ һарын хорин дүрбэнэй үдэр сугларжа, гашуудалай шэрүүн хубсаһа үмдөөд, бэе дээрээ шорой адхаад, масаглабад.

Эстээр 4:1

Мордохай энээн тушаа дуулахадаа, ехэ гашуудажа, хубсаһаа шуу татажа, гашуудалай хубсаһа үмдэжэ, толгой дээрээ үнэһэ сасажа, хотын гудамжада гаража, шангаар уйлан, гашуудан ябаба.

Иоов 1:20

Тиихэдэнь Иоов бодожо, гадар хубсаһаяа таһар татажа, толгойнгоо үһэ хайшалуулаад, газарта үбдэглэн мүргэжэ, Эзэндэ хэлэбэ:

Гашуудал 2:10

Сионой аха захатан шэмээгүй газарта һууна, толгойдоо үнэһэ сасаа, гашуудалай шэрүүн хубсаһа үмдөө. Иерусалимай басагад толгойгоо газар руу гунхуулаа.

Эзэкээл 27:30

Тэдэ шам тушаа гашуудан, уйлан, толгойдоо шорой сасан, үнэһэн соо хүльбэрхэ, иигэжэ гашуудалаа элирхэйлнэ.

Нүүнэй Иисүүс 7:6

Иисүүс хубсаһаа таһа татан уряад, Эзэнэй хэлсээнэй ханзын урда нюураараа газар мүргэн унаа, үдэшэ болотор хэбтээ. Иисүүс ба Израилиин аха захатан тархидаа үнэһэн тоборог адхаа.

Гэршэлгэ 18:19

Тиин тэдэ зон тархи дээрээ үнэһэ адхан, уйлалдан гэгэлдэн иигэжэ хашхаралдаха: «Агуу ниислэл, шамда айхабтар ехэ гашуудал зоболон тудаба! Далайда онгосотой байһан хүнүүд ниислэл хотын баялигаар тэһэ баяжаа. Харин тэрэ хото гэб гэнтэ хооһон сүл губи болошоо!

Ударидагшад 2:4

Эзэнэй Эльгээмэлэй эдэ үгэнүүдые дамжуулхадань, тэндэ байһан израильшууд оог хуугай табилдан бархиралдаба.

1 Хаан түрэнүүд 11:4

Элшэнэр Саулай Гибаа руу ерэжэ, эдэ үгэнүүдые арад зондо дуулгаба. Тиихэдэнь бүхы зон шангаар уйлалдаба.

1 Хаан түрэнүүд 30:4

Тиихэдэнь Давид ба тэрээнтэй хамта байһан зон шангаар уйлалдан, хүсэ шадалгүй болотороо бархиралдаба.

1 Хаан түрэнүүд 4:12

Нэгэ Бэньямиин обогой хүн байлдаанай жагсаал газарһаа зугадан, тэрэ үдэрөө Шилоодо ерэбэ. Тэрэ гай гашуудалһаа боложо хубсаһаяа уринхай, толгой дээрээ шорой адханхай байгаа.