8 Харин Тэрэ зам дээрэм шулуу хаяжа, манан харанхы буулгаба.
Харанхыда оруулжа хаяхын урда һүнөөхэеэ яагааб даа. Манан харанхы соо юушье харахаа, юушье ойлгохоо болёод байнаб.
Замынь хаагдаһан хүндэ гэрэл хэрэгтэй бэшэ, Бурхан тэрээндэ бэрхэшээл олошоруулна.
Би Танһаа аза жаргалай гэрэл абанаб гэжэ хүлеэгөөшье һаа, гуниг зоболоной харанхыда оробоб.
Гэгээнтэнэй ехэ суглаанай дунда Бурхан һүрдэмөөр, тойроод байгаашуулда бултандань Тэрэ аймшагтай.
Хара бодолтоной замынь харанхы мэтэ. Тэдэ хаана бүдэрхэ байһанаа мэдэдэггүй.
Таанадай хэн Эзэниие хүндэлжэ, зарасайнь үгэ дууладаг бэ? Харгы харанхы, гэрэлгүйдэ ябагшад Эзэндэ этигэжэ, Бурхандаа найдан байг!
Зон иигэжэ хэлэнэ: «Тиимэһээл үнэн шударга бидэнһээ холо байна, үнэн зүб бидэндэ хүрөөгүй. Бидэ гэрэл хүлеэгөөбди, теэд гансал харанхы хаа-хаанагүй байна. Толон хүлеэгөөбди, теэд бүрэн соо түгэншэлнэбди.
Харанхы болгохынь урда тээ, бүрэнхы хада ууланууд дээгүүр хүлэйнгөө торохын урда тээ үрдижэ, найдаһан гэгээн гэрэлыетнай Тэрэнэй гүн харанхы, үнэгэнэй төөримэ шэб харанхы болгохынь урда тээ үрдижэ, Эзэндэ, өөрынгөө Бурханда, магтаал соло дуудагты!
Тэдэнэй харгы замынь халтирхай, харанхы болохо. Тэдэниие түлхихэдэнь, унашаха. Тэдээндэ гай тодхор ушаруулхаб, хэһээлтын сагынь дүтэлөө. Энэ болбол Би, Эзэн, айладхана мүн!
Намайе баряанда абажа, гашуудал, зоболонгоор хүреэлөө.
Гарахаар бэшээр намайе ханаар хүреэлөө, хүндэ гэнжээр гэнжэлээ.
Минии зам дээрэ Тэрэ хана бодхоогоо, харгыем хаагаа.
Тиимэһээнь Би харгыдань адаалхай һөөгүүдые байгуулжа, түбэд ушаруулхаб, зүргэ замаа олохогүйн, гарахагүйн тула хорёо хашаа бодхоохоб.
Минии тэрээндэ эдеэ хоол, үзэмэй дараһан архи, оливын тоһо үгэдэгые, алта мүнгыень олошоруулһыем тэрэ огто мэдэхэгүй байгаал! Үнгэрхэдөө, тэрэ алта мүнгөөр Баалай дүрсэ шудхаа бэлэйл!
Иисүүс дахин тэдэнтэй хөөрэлдэбэ: – Би дэлхэйе гэрэлтүүлэгшэ Гэрэл туяа гээшэб. Минии хойноһоо дахаһан хүн харанхы соогуур төөрижэ ябахагүй, харин амидарал олгодог гэрэл туяатай болохо.
Эсэгэнэртнай Эзэндэ хандан гуйгаа. Эзэн таанарай ба Египедэй зоной хоорондо шэб харанхые табяа, тэдээн тээшэ далай урадхуулхадань, уһан тэдээниие дараа. Египедтэ юу хэһыемни танай нюдэн хараа. Тиигээд удаан элһэн губида байгаат.
