Иоов 1:8 - Библи

⁸ «Минии зараса Иоовые хараа гүш? Тэрээн шэнги гэм зэмэгүй, үнэн шударга, Бурханда һүгэдэн бэшэрдэг, бузар мууһаа зайладаг хүн дэлхэй дээрэ үгыл», – гэжэ Эзэн айладаба.

Иоов 1:8 Referencias Cruzadas

4 Хаан түрэнүүд 23:25

Моисейн дамжуулһан Хуулинуудые үнэн зүрхэнһөө, бүхы сэдьхэлһээ, бүхы хүсэ шадалаараа Эзэндэ үнэн сэхэ байлгые сахижа бэелүүлһэн Ёшияаһаа хойшо нэгэшье иимэ хаан байгаагүй. Тиимэ даа, тэрэнэй һүүлээршье, тэрээнтэй жэшэмээр хаан үгы байгаа.

Нэхэмьяа 5:15

Минии урдахид арад зондо хүндэ хүшэр ашаан мэтэ һэн, засаг баряашад дүшэн шээкэл мүнгэнһөө гадуур өөһэдтөө амтан эдеэ хоолоор, жэмэсэй архяар тэдхэмжэ эридэг байгаа. Тэдэнэй зарамалнууд хүн зониие зобоодог һэн. Би Бурханаа ехээр хүндэлдэг ушарһаа иимэ ааша гаргаагүйб.

Иоов 1:1

Ууц нютагта Иоов гэжэ хүн ажаһуугаа. Тэрэ нүгэл хилэнсэг гэжэ мэдэхэгүй, үнэн шударга, Бурханда бэшэрэн шүтэдэг, бузар мууһаа огто зайлаха гэжэ оролдодог хүн байгаа.

Иоов 12:4

Танил талануудай наада зугаада би оронхойб. Урдань би Бурханһаа гуйлтадаа харюу абадаг бэлэйб. Мүнөө гэм хээгүй, үнэн шударга би бултанай доро болоо хэбэртэйб.

Иоов 2:1

Бурханай хүбүүдэй Эзэнэй урда суглархадань, муу ёротой эрлиг баһа ерэбэ.

Иоов 2:3

Эзэн эрлигтэ хандаба: – Минии зараса Иоовые анхарба гүш? Тэрээн шэнги хүн дэлхэйдэ байхагүй. Гэм зэмэгүй, үнэн шударга тэрэ хүн намайе хүндэлжэ, буруу юумэнһээ зайлажа, болгоомжолон ябадаг. Ямаршье ушар шалтагаангүй ши бүхы юумыень үгы хэхэ зүбшөөл намһаа абаа һэнши, гэбэшье тэрэ мүнөөшье гэмтэй юумэ хээгүй.

Иоов 34:14

Дураа хүрөө һаа, Эзэн ами наһа үгэдэг, Өөрынгөө Һүлдэ, Өөрынгөө амисхал хүн бүхэнһөө һөөргэнь бусааха шадалтай.

Иоов 8:20

Гэмгүй хүниие Бурхан бүримүһэн орхихогүй гээшэ үнэн, гэмтэ хүндэ туһалдаггүй гэдэгынь баһал үнэн.

Псалманууд 34:14

Тэдэнэй анда нүхэр, аха дүү шэнги байгааб, эхынгээ хойноһоо гашуудажа байһандал толгойгоо гунхылган бархиран ябааб.

Псалманууд 36:1

[Давидай зохёоһон.] א Алээп Муу юумэ үйлэдэгшэдтэ бү атаарха, буруу юумэ хэгшэдһээ боложо бү һанаа зобо.

Псалманууд 84:11

Энэрэл хайра болон үнэн хамта уулзаха, зүб шударга болон амгалан тайбан таалалдаха.

Һургаал 8:13

Эзэнһээ бэшэрэл хадаа хорото мууе үзэн ядаха ябадал юм. Бардамлал, ехэрхүү зан, хорото зам ба худалша амые би үзэн яданаб.

Исай 1:16

Бэеэ угаагты. Өөһэдыгөө сэбэрлэгты. Минии хаража байһан муу муухай үйлэ хэрэгүүдээ орхигты. Мууе үйлэдэхөө болигты.

Исай 42:1

Эзэн иигэжэ айладхана: Минии дэмжэдэг, сэдьхэлдэмни таарама, Минии шэлэгшэ зараса энэ байна. Арюун Һүлдэеэ тэрээндэ хайрланаб, тиихэдэм Тэрэ үндэһэ яһатан бүхэндэ зүб шударга ёһо гурим нэбтэрүүлхэ.

Эзэкээл 40:4

Тэрэ хүн намда иигэжэ хэлэбэ: – Хүнэй үри Эзэкээл! Минии харуулһан юумэ ехэ анхаралтайгаар харан хадуужа абаарай. Энээнэйл түлөө ши иишээ асарагдаа ха юмши. Хараһан юумэеэ бултыень Израилиин улад зондо дуулгахаш.

Тоололго 12:3

Моисейһээ бэшэ даруу номгон зантай хүн энэ дэлхэй дээрэ үгы байгаа.

Иоанн 1:47

Урдаһаань Натанаилай ерэжэ ябахые Иисүүс хараад: – Хуурмаг мэхэгүй, жэнхэни Израилиин хүн байна, – гэбэ.

Нүүнэй Иисүүс 1:2

– Минии богоол Моисей үхэбэ; ши бодоод, энэ Иорданиие гатала, ши, энэ бүхы улад Израилиин хүбүүдтэ Минии үгэһэн газарта ошогты.

Нүүнэй Иисүүс 1:7

Гансал хатуу ба тон зоригтой байгаарай, Моисейн шамда захиһан бүхы хуулиие сахижа, дүүргэжэ ябаарай, Богоолни. Тэрээнһээ хайшаашье бү хазагайраарай, тиибэл лэ бүхы хэрэгээ бодолтойгоор хэхэш.