Иоов 1:16 - Библи

¹⁶ Тиигэжэ хэлэжэ байтарнь, баһа нэгэн ерэжэ хэлэбэ: – Тэнгэриһээ гэнтэ гал буужа, хонин һүрэгыешни адуулагша хонишодтойш дууһан үрэбхин һалгаа. Би гансаараа амиды үлэжэ, танда хэлэхээ яаран ерэбэб.

Иоов 1:16 Referencias Cruzadas

Эхин 19:24

Гэнтэ Эзэн бусалжа байһан хүхэр огторгойн орьёлһоо аадар мэтэ Содом ба Гоморро хотонууд руу адхажа,

3 Хаан түрэнүүд 18:38

Эзэн гал дүлэ эльгэжэ, түгэс шатаалта үргэл, түлеэн, шулуунууд шатаба. Иигэжэ газарай шорой галдагдажа, ханааб соо байгааша уһан үгы болотороо хаташаба.

4 Хаан түрэнүүд 1:10

Элияа тэрээндэ иигэжэ хэлэбэ: – Хэрбэеэ би Бурханай хүн байбални, гал тэнгэриһээ буужа, шамайе болон шинии табин сэрэгшэдые үнэһэн шандаруу болотор шатааг! Гал тэнгэриһээ буужа, тэрэниие болон тэрэнэй табин сэрэгшэдые үнэһэн шандаруу болотор шатааба.

4 Хаан түрэнүүд 1:12

Элияа тэрээндэ иигэжэ хэлэбэ: – Хэрбэеэ би Бурханай хүн байбални, гал тэнгэриһээ буужа, шамайе табин сэрэгшэдтэйшни хамта үнэһэн шандаруу болотор шатааг! Бурханай гал тэнгэриһээ буужа, тэрэниие табин сэрэгшэдтэйнь хамта үнэһэн шандаруу болотор шатааба.

4 Хаан түрэнүүд 1:14

Тэнгэриһээ бууһан гал түрүүшын хоёр табитын даргые сэрэгшэдтэйнь хамта үнэһэн шадаруу болотор шатаагаа. Харин мүнөө та минии амиды мэндэ ябахые үршөөгыт! – гэжэ гуйба.

Псалманууд 45:3

Тиимэһээ газарай хүдэлхэдэшье, далайн гүн руу хада уулануудай хэмхэржэ унахадашье айхагүйбди.

Египедһээ гаралга 9:28

Эзэндэ зальбарыш даа: тэнгэриин дуу сахилгаа, аадар мүндэр болюулаг лэ. Би таанадые бэшэ барихагүйб, ошохо тээшэтнай табихалби. Моисей тэрээндэ иигэжэ харюусаба:

Левит 10:2

Эзэнһээ гал соробхилон, тэдэниие дүргөөжэрхибэ, тэдэнь Эзэнэй үмэнэ үхэшэбэ.

Левит 9:24

Гэнтэ Эзэнһээ гал ялабхин бадараад, үргэлэй шэрээ дээрэ байгша түгэс шатаалта үргэл ба өөхэ шатаажархиба, энээнииень арад зон хараад, баярлаһандаа хашхаралдан, уруугаа харан унаба.

Амоос 7:4

Эзэн Бурхан намда иимэ юумэ үзүүлээ: Тэрэ гал бороо дуудана хэбэртэй. Тэнгис далай дүрэлзэбэ, хубинь шатажа дууһаба.

Гэршэлгэ 13:13

Хоёрдохи арьяатаниинь гайхамшаг ехэ дүлгэ тэмдэгүүдые үйлэдэнэ: хүнүүдэй хараһаар байтар тэнгэри дээрэһээ газар уруу гал дүлэ буулгана.

1 Хаан түрэнүүд 14:15

Хотон хүреэндэшье, таладашье, бүхы сэрэгэй дунда һүрдөөн болоо бэлэй. Сэрэгэй бүлэг болон хюдагша бүлэгүүд шэшэржэ, мүн газар доһолжо, Бурхан угаа ехэ һүрдөө эльгээ бэлэй.