Иоов 1:1 - Библи

¹ Ууц нютагта Иоов гэжэ хүн ажаһуугаа. Тэрэ нүгэл хилэнсэг гэжэ мэдэхэгүй, үнэн шударга, Бурханда бэшэрэн шүтэдэг, бузар мууһаа огто зайлаха гэжэ оролдодог хүн байгаа.

Иоов 1:1 Referencias Cruzadas

Эхин 10:23

Араамай хүбүүд: Ууц, Хуул, Гээтэр ба Мааш.

Эхин 17:1

Абрамай ерэн юһэтэй байхада, Эзэн тэрээндэ дахин үзэгдэжэ, иигэжэ айладхаба: – Би Түгэс Хүсэтэ Бурхамби. Минии үгөөр ябажа, зэмэгүй арюун ажаһуугаарай.

Эхин 22:12

– Тэрээндээ гар бү хүрэ! – гэжэ Эльгээмэл айладаба. – Боли! Хайрата ганса хүбүүгээ Намда үргэхэһөө татагалзаагүй байһан дээрэһээш Намайе хүндэлдэг гэжэ Би мэдэбэб.

Эхин 36:28

Дишаанай хүбүүд: Ууц ба Араан.

Эхин 42:18

Гурбадахи хоногтоо Иосиф тэдэниие дуудаад, иигэжэ хэлэбэ: – Эзэн Бурханһаа айдаг ушарһаа би хүниие алахагүйб. Амиды мэндэ ябаха дуратай һаа, минии хэлэһыемни бүтээгты!

Эхин 6:9

Энэ болбол Нойн түүхэ юм. Тэрэ сагай хүн зон соо гансал Ной зүб шударга, ямаршье өө мөөгүй байгаа, Бурхантай эбтэй эетэй ажаһуугаа.

4 Хаан түрэнүүд 20:3

– Эзэмни! Танай урда үнэн сэхээр, ямаршье гэм зэмэ хэнгүй ажаһууһыемни, Танда таарамжатай үйлэ хэрэгүүдые бүтээдэг байһыемни һаныт даа, – гээд, һугшаран уйлашаба.

1 Угай бэшэг 1:17

Шээмэй хүбүүд гэбэл: Элаам, Ашшуур, Арпахшаад, Лүүд ба Араам. Араамай хүбүүд: Ууц, Хуул, Гээтэр ба Мээшэх.

1 Угай бэшэг 1:42

Ээцэрэй хүбүүд: Билһаан, Зааваан, Яакаан. Дишооной хүбүүд Ууц ба Араан болоно.

Иоов 1:8

«Минии зараса Иоовые хараа гүш? Тэрээн шэнги гэм зэмэгүй, үнэн шударга, Бурханда һүгэдэн бэшэрдэг, бузар мууһаа зайладаг хүн дэлхэй дээрэ үгыл», – гэжэ Эзэн айладаба.

Иоов 2:3

Эзэн эрлигтэ хандаба: – Минии зараса Иоовые анхарба гүш? Тэрээн шэнги хүн дэлхэйдэ байхагүй. Гэм зэмэгүй, үнэн шударга тэрэ хүн намайе хүндэлжэ, буруу юумэнһээ зайлажа, болгоомжолон ябадаг. Ямаршье ушар шалтагаангүй ши бүхы юумыень үгы хэхэ зүбшөөл намһаа абаа һэнши, гэбэшье тэрэ мүнөөшье гэмтэй юумэ хээгүй.

Иоов 28:28

Тиигээд өөрынгөө бүтээл болохо хүндэ хандажа, «Ехэ Эзэн намайе хүндэлхэ гээшэ таанарай хубида эгээл сэсэн зүйл болохо. Тиин гэмтэ байдалһаа зайлажа ябахань хүнэй амидаралда хамагһаа ухаатай шухала» гэбэ.

Иоов 4:6

Бурханай үмэнэ бэшэрэн һүгэдэлгэ шинии этигэл, үнэн шударга замаар ябаһаншни шинии найдабари бэшэ юм гү?

Иоов 9:21

Үнэхөөр буруугүй байнам, теэд тэрэ шухала аал? Үхэхэм намда дээрэ байна.

Египедһээ гаралга 18:21

Угсаатан соогоо хүндэтэй зониие – Бурханһаа түбэгшөөдэг, үнэн сэхэ, эдилгэ абадаггүй хүнүүдые – шэлэжэ, мянганай, зуунай, табинай, арбанай дарганар болгожо таби.

Һургаал 14:16

Сэсэн хүн болгоомжотой, мууһаа зайлахые оролдодог. Тэнэг хүн дээрэлхүү ба өөрыгөө һүрхэйб гэжэ тоолодог.

Һургаал 14:2

Зүб ябадалта хүн Эзэнһээ бэшэрдэг хүн сэхэ харгытай, Тэрэниие тоодоггүй хүн замһаа хадуурна.

Һургаал 16:17

Үнэн сэдьхэлтэй хүнүүдэй зам хадаа өөрыгөө хорото мууһаа холодуулха ябадал. Өөрынгөө зам анхаралтай ажагладаг хүн амияа хамгаална.

Һургаал 16:6

Этигэл ба үнэн гэмые сагаадхадаг. Эзэнһээ бэшэрэл хорон мууһаа холодуулна.

Һургаал 20:7

Үнэн шударга хүн гэм зэмэгүй ябадаг. Тиимэ хүнэй үри хүүгэд үреэлдэ хүртэнэ.

Һургаал 3:7

Өөрыгөө мэргэн гэжэ бү тооло, Эзэнһээ түбэгшөөн бэшэрэ, мууһаа зайла.

Һургаал 8:13

Эзэнһээ бэшэрэл хадаа хорото мууе үзэн ядаха ябадал юм. Бардамлал, ехэрхүү зан, хорото зам ба худалша амые би үзэн яданаб.

Ерэмияа 25:20

Египет соо байһан ерүүл хариин зондо, Ууц орон нютагай бүхы хаашуулда, пилиштүүдэй орон нютагай хаашуулда – Ашхэлооной, Гаазай, Экрооной, Ашдоодой үлэгдэл зоной хаашуулда;

Гашуудал 4:21

Ууц нютагта һуугша Эдоомой басаган, баясан, баярлан бай! Аяга шам руушье тойрон ерэхэ! Һогтожо, өөрыгөө нюсэгэлхэш!

Эзэкээл 14:14

Ной, Даниил, Иоов гэдэг гурбан хүнэй тэндэ ажаһуугаашье һаань, зүб арюун ябадалынь гансал өөһэдыень абарха. Энэ болбол Би, Эзэн Бурхан, айладхана мүн!

Эзэкээл 14:20

Ной, Даниил, Иоов тэдэнэй дунда ажаһуугаашье һаа, зүб арюун ябадалаараа гансал өөһэдынгөө ами наһа абарха. Хүүгэдээшье тэдэ абаржа шадахагүй! Иимэ байха гэжэ Би, Эзэн Бурхан, Өөрөөрөө тангаригланаб!

Лука 1:6

Тэдэ хоюулан Бурханай хүсэл бодото дээрэнь бэелүүлэн, Хуулиин захяа заабаринуудые жэншэдгүй һайханаар сахидаг һэн.

Хуули дабталга 18:13

Эзэн Бурханайнгаа урда түгэс арюун байгты.

Яковай хандалга 5:11

Аргагүй ехэ тэсэбэриинь түлөө бидэ тэдэ зониие жаргалтай гэжэ тоолодогбди. Таанад Иоовой ямар тэсэбэритэй байһые, Эзэнэй һүүлэй һүүлдэ тэрээниие буян хэшэгтээ хүртөөһые һаныт. Эзэн үршөөл хайратай, энэрхы сэдьхэлтэй дээрэһээ тиигэжэ туһалаа.

Пётрой 1-дэхи хандалга 3:11

Тэрэ хүн дорой юумэнһээ буруу хаража, һайн һайханиие үйлэдэг, эб эеые бэдэрэн һэдэжэ, энхэ тайбан байдалые найруулжа байг.