Иона 3:8 - Библи

⁸ Зон гашуудалай шэрүүн бүд хубсаһа үмдэг, мүн мал иимэ бүдөөр хушагдаг, Бурханда хандан, бии шадалаараа зальбараг, хүн бүхэн гэмтэ ябадал, буруу хэрэгүүдые хэхэеэ болиг.

Бурятский Библия. Отдельные книги Ветхого Завета

⁸ шэрүүн бүд хубсаһа үмдэхэ мүн, мал, сарнууд, хонидшье хушагдаха, Бурханда хандан, оог хуугай табилдахадаа, хүн бүхэн гэмтэ ябадалнуудаа, өөрынгөө гараар хэһэн үйлэ буруу хэрэгүүдээ буруушааха ёһотой.

Иона 3:8 Referencias Cruzadas

Иоов 16:17

Гэм хэхэһээ зайлажа, Бурханда сэхэ сэбэр сэдьхэлһээ зальбардаг байһандаа би иимэ зоболондо орооб.

Иоов 36:10

буруу замһаа зайлаха эрилтэ табина.

Исай 58:6

Яагаад масаг барихаб гэжэ Минии шэлэһэн түхэл янзань: дарлалтын гэнжэнүүдые, хөөмэгшын ооһор таһалжа, дарлалтада байһан зониие сүлөөдэ табигты.

Исай 59:6

Теэд таанадай энэ муухай түсэбүүд абаахайн шүлһөөр нэхэгдэһэн хубсаһандал ямаршье туһагүй, удхагүй!

Ерэмияа 18:11

Тиимэһээ одоо Иудын хан түрын, тэрэ тоодо Иерусалим хотын, улад зондо Минии тэдэнэй урдаһаа түсэблэн байгаа гай тодхор тухай, мүн тэдэниие хэһээхэеэ бэлдэжэ байһан тухайм дуулга. Хүн бүхэн нүгэлһөө зайлажа, һанаа бодол, хэрэгүүдээ хубилгаха ёһотой.

Ерэмияа 25:5

Эзэнэй та бүгэдэндэ болон үбгэ эсэгэнэртэтнай хэтэ мүнхэдөө үгэһэн газар нютагта саашадаашье ажаһуухынтнай тула ажабайдалай муу замһаа, хэдэг бузар муухай үйлэ хэрэгүүдһээ таанадай буруу харан ошохо тухай тэдэ хэлээ һэн.

Ерэмияа 26:3

Тэдэ шагнажа, муу замаа орхижо магадгүй. Тиигээ һаань, муу муухай үйлэ хэрэгүүдэйнь түлөө тэдээндэ гай тодхор татахаяа байһан түсэбөө Би болюулхаб.

Ерэмияа 36:3

Иудын хан түрын улад зон Минии тэдээндэ татахаяа байһан гай тодхор тухай дуулажа, муу муухай харгы замһаа эрьехэ аалам. Тиигээ һаань, Би тэдэнэй нүгэл шэбэлые арюудхан хүлисэхэб.

Эзэкээл 33:11

Би амиды мэндэ Эзэн Бурхамби, нүгэлтэй зоной хосорхые хүсэнэ бэшэб, муу ябадалаа орхижо, амиды мэндэ байхыень хүсэнэб. Израилиин улад зон амиды мэндэ байхаяа хүсэбэл, нүгэл хэхэеэ болёод, Нам руу эрьехэ ёһотой.

Даниил 4:27

– Энэл даа, агууехэ Вавилоон, – гээд хаан үгүүлбэ. – Өөрын хүсэ шадалаар, алдар солын болон нэрэ хүндын тула би энэ хаанта хото байгуулааб.

Ёһээл 1:14

Масаг сахилга тунхаглагты, ёһололой суглаа зарлагты. Ахамад болон орон нютагай хамаг зониие Эзэн Бурханай үргөөдэ суглуулжа, Эзэндэ зальбарагты.

Иона 1:14

Тиихэдэнь тэдэнэр Эзэниие дуудан, иигэжэ зальбарба: – Эзэн, Танда мүргэнэбди, тэрэ хүнэй түлөө хосорхо ёһогүйбди, мүн тэрэнэй шуһа маанадта тохохо ёһогүйт; Та, Эзэн, һанаһанаал Өөрөө хэнэт!

Иона 1:6

Онгосын дарга тэрээндэ ерээд: – Ши юундэ унтажа хэбтэнэбши? Бодо, өөрынгөө Бурханда хандан мүргыш; тиигэбэлшни, Бурхан маниие анхаран, амиды мэндэ үлөөхэ аалам, – гэбэ.

Матвей 3:8

Таанар буянтай һайн юумэ бүтээжэ, Бурханда хандаһанаа харуулагты.

Хэрэгүүд 26:20

түрүүн Дамааскынхидтэ, һүүлдэнь Иерусалимай зондо, удаань бүхы Иудейн орон нютагайхинда, һүүлэй һүүлдэ бусад яһатанда нүгэл хэхэеэ болигты, тэрэнээ бодото хэрэгүүдээрээ баталжа, Бурханда хандагты гэжэ уряалааб.

Хэрэгүүд 3:19

Нүгэл шэбэлээ Бурханаар хүлисүүлхэ гэбэл, таанад нүгэл хэхэеэ болижо, Бурханда хандагты.

Гэршэлгэ 11:3

Би хоёр гэршэнэрээ эльгээхэб: тэдэмни уйдхар гашуудалай хубсаһа үмдөөд, мянга хоёр зуун жаран үдэр соо Бурханай үгэ айладхажа ябаха».