Иоанн 9:4 - Библи

⁴ Намайе эльгээһэн Эсэгын хэрэгүүдые үдэр байхада бүтээхэ ёһотойбди. Мэнэ гэһээр һүни болохоёо байна, харанхыда хэншье юумэ хэжэ шадахагүй.

Шэнэ Хэлсээн

⁴ Үдэр байһан дээрэнь бидэ намайе эльгээһэн Эсэгын хэрэгүүдые бүтээхэ ёһотойбди. Мэнэ гэһээр һүни болохоёо байна, тиихэдэ хэншье юумэ хэжэ шадахагүй.

Иоанн 9:4 Referencias Cruzadas

Экклезиаст 9:10

Гарайнгаа хэжэ шадаха юумэ шадал соогоо хэгты. Ушарынь гэхэдэ, үхэлэй орондо ошоходош, тэндэ ажал үйлэ, бодол сэдьхэлгэ, мэдэсэ, мэргэн ухаан гэжэ байхагүй.

Матвей 20:7

Тэдэнь: «Маниие хэншье хүлһэлөөгүйл», – гэжэ харюусабад. Тиихэдэнь тэрэ хүн: «Зай, тиимэ һаа, таанад минии үзэмэй сэсэрлигтэ ошожо ажаллагты», – гэжэ хүнүүдтэ хэлэбэ.

Марк 3:3

– Бодоод, хүн зоной урда гара! – гээд Иисүүс хатаһан гартай хүндэ хэлэбэ.

Иоанн 10:32

– Эсэгынгээ хүсөөр Би таанарта ехэ олон һайн юумэнүүдые харуулааб. Тэдэ юумэнүүдэймни алинайнь түлөө Намайе шулуудажа алаха һанаатайт? – гэжэ Иисүүс һураба.

Иоанн 10:37

Эсэгынгээ хэрэг Би бүтээнэ бэшэ гүб? Юундэ таанар Намда этигэнэгүйбта?

Иоанн 12:35

Иисүүс тэдээндэ иигэбэ: – Гэрэл туяагай таанартай хамта байха саг бага үлөө. Шэг балай харанхы таанадые хушаагүйдэ, гэрэл туяагай байһан дээрэнь ябажа ябыт даа. Харанхы соогуур ябадаг хүн хайшаашье ошохоёо мэдэдэггүй бшуу.

Иоанн 17:4

Намда даалгаһан ажал хэрэгыетнай бэелүүлэн, Би Таниие газар дээрэ суурхуулан нэрлүүлээб.

Иоанн 4:34

– Намайе эльгээһэн Бурханай хүсэл дурыень бэелүүлэн, Намда даалгаһан ажалыень түгэсхэхэ – Минии хоол мүн, – гэжэ Иисүүс тэдэндээ ойлгуулба. –

Иоанн 5:19

Теэд Иисүүс тэдэндэ харюусаба: – Би таанарта үнэниие хэлэнэб: Хүбүүниинь Өөрынгөө дураар юушье хэжэ шадахагүй. Эсэгэнь хайшан гээд хэнэб, тэрээнииень хараад лэ Хүбүүниинь хэдэг. Эсэгэнь юу хэнэб, тиимэл юумэ Хүбүүниинь хэдэг.

Иоанн 5:36

Харин Иоаннайхиһаашье ехэ Нам тухай гэршэ бии юм. Эсэгэһээмни үгтэһэн гайхамшаг хэрэгүүдые бүтээһэмни Намайе Эсэгэмни эльгээгээ гэжэ гэршэлнэ!

Иоанн 7:33

Иисүүс тэрэ үедэ: – Үшөө нэгэ заа таанартай суг байлсахамни, тиигээд Намайе эльгээһэн Эсэгэдээ ошохоб.

Хэрэгүүд 4:20

Бидэ хараһан дуулаһан юумэн тухайгаа хөөрэнгүй байжа шадахагүйбди, – гэжэ харюусаба.

Галадуудта 6:10

Арга боломжотой байхадаа бүхы хүнүүдтэ, илангаяа өөрынгөө бүлгэмэй һүзэглэгшэдтэ үлүү ехээр һайниие хэжэ ябагты.

Эфесэйхиндэ 5:16

Гараһан боломжо бүхэнөө ашаглан, дэмбэрэлтэй һайхан юумэ бүтээжэ байгты, юундэб гэхэдэ, мүнөөнэй саг ехэл муу үе саг юм.

Колоссынхидтэ 4:5

Сагаа гээнгүй, һүзэглэдэггүй зондо туһа хүргэжэ байгаарайт, тэдэндэ ехэл ухаамсараар хандаарайт.