Иоанн 9:24 - Библи

²⁴ Тиин һохор түрэһэн хүниие хоёрдохиёо дуудажа асараад: – Үнэн сэхэ руунь хэлэхэб гэжэ ши Бурханда тангаригаа үгэ! Манай мэдэһээр, Тэрэтнай нүгэлтэн, – гэжэ еврейнүүдэй ахамадууд хэлэбэ.

Шэнэ Хэлсээн

²⁴ Тиин һохор түрэһэн хүниие хоёрдохиёо дуудажа асараад: – Үнэн сэхэ руунь хэлэхэб гэжэ ши Бурханда тангаригаа үгэ! Тэрэшни нүгэлтэн юм гэжэ бидэ мэдэнэбди, – гэжэ еврейнүүдэй ахамадууд тэрээндэ хэлэбэ.

Иоанн 9:24 Referencias Cruzadas

Эзраа 10:11

Мүнөө Эзэнэйнгээ урда, эсэгэнэрэйнгээ Бурханай урда, гэмээ наманшалагты, Тэрэнэй хүсэл бэелүүлэгты, ондоо газарай зонһоо, буса түрэлтэ һамгадһаа өөрыгөө холодуулагты!

Исай 66:5

Эзэнһээ айдаг, үгыень дууладаг зон, Тэрэнэй иимэ үгэ шагнагты: «Намда этигэдэг байһандатнай танай арад зоной заримашуул таанадые үзэн ядажа, харшална. Эзэн Өөрынгөө хүсэ шадал харуулаг лэ, таанадые манай хараһаар байтар абараг лэ, баярлахыетнай харахабди гэжэ тэдэ хэлэнэ. Тэдэ эшхэбтэр байдалда орохо!

Марк 15:27

Иисүүстэй хамта үшөө хоёр хоротониие саазалба: нэгыень баруун таладань, нүгөөдыень зүүн таладань хэрээһэндэ хадаба.

Лука 15:2

– Иисүүс нүгэлтэнтэй нүхэрлэжэ, тэдэнээр хамта эдеэлжэ байна, – гэжэ фарисейнүүд болон Хуули заадаг багшанар шоо үзэбэд.

Лука 19:7

Тиихэдэнь зон булта: – Иисүүс нүгэлтэй хүнэйдэ орожо айлшалхань гээшэ гү? – гэжэ дураа гутаба.

Лука 7:39

Гэртээ Иисүүсые уриһан фарисей иигэжэ байһыень хараад: – Энэ хүн үнэхөөрөө лүндэншэ байгаа һаа, хүлыень ямар эхэнэрэй хүрэжэ байһые мэдэхэл һэн даа; нүгэлтэй эхэнэр байна гэжэ тухайлхал һэн даа, – гэжэ зосоогоо бодобо.

Иоанн 14:30

Би таанартай ииһээр ондоо хөөрэлдэхэгүйб: энэ дэлхэйн Ноёниинь ойртожо байна. Би тэрэнэй мэдэлдэ бэшэб.

Иоанн 16:2

Таанадые мүргэлэй гэрһээ намнаха; энээнһээ гадна, таанарые алаха хюдахадаа Бурханда алба хэнэбди гэжэ һанаха саг ерэхэ.

Иоанн 18:30

– Хэрбээ гэм хээгүй һаань, бидэ Энээниие танда асархагүй һэмди, – гээд тэдэнь харюусаба.

Иоанн 19:6

Теэд түрүү санаартан, харуулшад Иисүүсые хараад: – Хэрээһэндэ хада, хэрээһэндэ хада! – гэжэ хашхаралдаба. – Өөһэдөө барижа, хэрээһэндэ хадагты! Би зэмэлхэ юумэ олоногүйб, – гэжэ Пилат хэлэбэ.

Иоанн 8:46

Нүгэл хээ гэжэ Намайе таанарай хэнтнай гэршэлэн харуулжа шадахаб? Минии үнэн зүб юумэ хэлэхэдэ, таанар юундэ Намда этигэнэгүйбта?

Иоанн 8:49

– Би ада шүдхэртэ барюулаагүйб: Би Өөрынгөө эсэгые хүндэлнэб, харин таанар Минии нэрэ гутаанат.

Иоанн 9:16

– Энэ хүн Бурханһаа заяагдаһан байха ёһогүй, юундэб гэбэл, субботые тооногүй, – гэжэ зарим фарисейнүүд мэдүүлбэ. – Теэд нүгэлтэн һаа, энэ хүн иимэ гайхамшаг хэрэгүүдые бүтээхэ һэн гү? – гэжэ нүгөө зариманиинь буруушааба. Тиин фарисейнүүд өөһэд хоорондоо арсалдан хубааралдаба.

Иоанн 9:25

– Нүгэлтэн юм гү, али үгы гү – мэдэнэгүйб. Харин би һохор байһанаа мүнөө харадаг болооб гэжэл мэдэнэб, – гээд тэрэнь харюусаба.

Римэйхиндэ 8:3

Манай нүгэлтэ мүн шанарһаа боложо Хуулиин бүтээжэ шадаагүй юумые Бурхан бүтээбэ. Тэрэ Хүбүүгээ нүгэлтэ маанадтайл адли бэетэйгээр нүгэлнүүдэймнай түлөө тахил болгон эльгээжэ, бэеэрнь манай нүгэлнүүдые гэмнэн шүүбэрилээ.

Коринфынхидтэ 2-дохи 5:21

Бурхан маанадай түлөө ямаршье нүгэлгүй байһан Христоосто манай нүгэлнүүдые ашаа. Тиигэжэ бидэ Христоостой нэгэдэн, Бурханда зохистой болообди.

Нүүнэй Иисүүс 7:19

Тиигээд Иисүүс Ахаанда хэлээ: – Хүбүүмни! Эзэндэ, Израилиин Бурханда алдар соло үгэ, Тэрээнэй урда сэхэеэ хэлэ, намһаа нюунгүй юу хэһэнээ намда соносхо.

Гэршэлгэ 11:13

Тэрэ үедэнь газар ехээр хүдэлжэ, хотын арбанай нэгэ хубинь һандарба. Долоон мянган хүн газарай хүдэлөөнһөө боложо үхэбэ, бэшэниинь айжа мэгдээд, тэнгэриин Бурханиие алдаршуулан магтаба.