Иоанн 9:2 - Библи

² – Багша аа, энэ хүн яахадаа һохор түрөө гээшэб? Хэниинь нүгэл хэһэн байгааб: энэ өөрөө гү, али энээнэй эхэ эсэгэнь гү? – гэжэ Тэрэнэй шабинарынь һураба.

Шэнэ Хэлсээн

² – Багша аа, энэ хүн яахадаа һохор түрөө гээшэб? Хэниинь нүгэл хэһэн байгааб: энэ өөрөө гү, али энээнэй эхэ эсэгэнь гү? – гэжэ тэрэнэй шабинарынь һураба.

Иоанн 9:2 Referencias Cruzadas

Египедһээ гаралга 20:5

Тэдээндэ бү һүгэдэ, бү мүргэ. Юуб гэхэдэ, Би, Эзэн Бурханшни, жүтөөрхэн сахидаг Бурхан гээшэб. Намайе хэрэгсээнгүй ябаһан эсэгэнэрэй түлөө үри хүүгэдыень, аша гушанарыень гурбадахи, дүрбэдэхи үе хүрэтэрынь хэһээдэгби.

Матвей 16:14

– Зарим хүнүүд Таниие Уһаар Арюудхагша Иоанн гэнэ, бусадынь Элияа гэжэ һанана, баһа нүгөөдүүлынь Ерэмияа гү, али ондоо лүндэншэдэй нэгэн гэлсэнэ, – гэжэ тэдэнь харюусаба.

Матвей 23:7

Баһа тэдэнэр олон зоной дунда мэндэшэлүүлхэ, «Рабби! Рабби!» гэжэ нэрлүүлхэ дуратай.

Матвей 23:8

Теэд таанарай хэншье багша гэжэ өөрыгөө нэрлүүлхэ ёһогүй, юундэб гэбэл, таанар ори ганса багшатайт, тиин таанад бултадаа аха дүүнэр гээшэт.

Лука 13:2

Тиихэдэнь Иисүүс тэдээндэ хэлэбэ: – Тэдэ галилейнхид бүхы можынгоо зонһоо эгээл ехэ нүгэлтэй байһан дээрэһээ хохидоо гэжэ һанана гүт?

Иоанн 4:31

Энэ үедэ шабинарынь: – Рабби аа, эдеэлэгты! – гэжэ гуйба.

Иоанн 9:1

Энэ ушарай дараа Иисүүс ябажа ябатараа түрэхэһөө һохор хүниие хараба.

Иоанн 9:34

Тиихэдэнь еврейнүүдэй ахамадууд: – Ши түрэхынгөө нүгэлтэй аад, маанадые һургаха һанаатай гүш, – гэжэ тэрэ хүниие хараагаад, мүргэлэй гэрһээ намнажархиба.

Хэрэгүүд 28:4

Гартань аһашоод байһан могойе харахадаа Мальтын зон бэе бэедээ: – Энэ хүн алууршан байгаа ёһотой. Далайһаа абарагдаһаншье һаа, Үһөөгөө абалгын бурхан энээниие амиды орхиногүй, – гэлдэбэ.