Иоанн 8:55 - Библи

⁵⁵ Теэд таанар Минии Эсэгые мэдэнэгүйт, харин Би Тэрэниие мэдэнэб. Хэрбээ Би Тэрэниие мэдэхэгүйб гээ һаа, Би таанартайл адли худалша болохо һэм. Теэд Би Тэрэниие мэдэхэб, Тэрэнэй хэлэдэг үгэнүүдые бэелүүлнэб.

Шэнэ Хэлсээн

⁵⁵ Теэд таанар минии Эсэгые мэдэнэгүйт, харин би тэрэниие мэдэнэб. Хэрбээ би тэрэниие мэдэхэгүйб гээ һаа, би таанартайл адли худалша болохо һэм. Теэд би тэрэниие мэдэхэб, тэрэнэй хэлэдэг үгэнүүдые бэелүүлнэб.

Иоанн 8:55 Referencias Cruzadas

Ерэмияа 4:22

Эзэн иигэжэ хэлэнэ: «Арад зомни мунхаг. Тэдэ Намайе мэдэдэггүй. Тэдэ тэнэг үхибүүдтэл адли, юумэ ойлгодоггүй. Муу юумэ үйлэдэхэдөө һүрхэй, харин һайн юумэ хэхэеэ шададаггүй».

Ерэмияа 9:3

Татаһан һурша ном мэтэ худал хэлэтэйл тэдэ. Энэ газар нютагта худал үгэ үнэн сэхэһээ хүсэтэй болоо. «Минии арад муу муухай юумэ хойно хойноһоо үйлэдэнэ, Намайе Бурхан гэжэ тооногүй», – гээд Эзэн айладхана.

Һошээ 5:4

Хэжэ байгаа хэрэгүүдынь Бурхандаа дахин тэдэнэй эрьен ерэхые табинагүй. Онгонуудта мүргэхэ гээшэнь досоонь байһан зандаа, Эзэниие тэдэ мэдэнэгүй.

Матвей 11:27

Бүхы юумые Эсэгэмни Намда үгөө. Эсэгэһээ ондоо хэншье Хүбүүе мэдэхэгүй, мүн Хүбүүнһээ, баһа Хүбүүнэй дуулгаһан хүнүүдһээ ондоо хэншье Эсэгые мэдэхэгүй.

Лука 10:22

Бүхы юумэ Эсэгэмни Намда үгөө. Эсэгэһээ ондоо хэншье Хүбүүе мэдэхэгүй, мүн Хүбүүнһээ, баһа Хүбүүнэй дуулгаһан хүнүүдһээ ондоо хэншье Эсэгые мэдэхэгүй, – гэжэ айладхаба.

Иоанн 1:18

Бурханиие хэншье, хэзээдэшье хараагүй. Бурхантай нэгэн хамта, Эсэгэдээ ойро дүтэ ори ганса Хүбүүниинь лэ Бурханиие юртэмсэ дэлхэйдэ харуулаа.

Иоанн 10:15

Эсэгэмни Намайгаа мэдэдэгтэл адли, Бишье Эсэгэеэ мэдэдэгби. Би Өөрын хонидой түлөө ами наһаяа үгэнэб.

Иоанн 15:10

Минии захяа заабариие сахин дүүргэжэ байбал, хайра дуран соомни оршожо байхат. Тон тиигэжэл Бишье Эсэгынгээ захяа заабариие сахин дүүргэжэ, хайра дуран соонь оршожо байдагби.

Иоанн 15:21

Намһаа боложо таанарые намнаха, юундэб гэбэл, Намайе хэн эльгээгээб гэжэ тэдэ мэдэнэгүй.

Иоанн 16:3

Тиимэ юумэ яахадаа хэгдэхэб гэбэл, Эсэгыемшье, Намайешье тэдэнэр мэдэнэгүй бшуу.

Иоанн 17:25

Үнэн сэхэ Эсэгэмни аа! Дэлхэйн зон Таниие мэдэнэгүй. Теэд Би Таниие мэдэнэб, Намайе Та эльгээгээт гэжэ тэдэ мэдэнэ.

Иоанн 6:46

Теэд Эсэгые хэншье хараагүй юм. Тэрэниие Бурханһаа Ерэгшэл гансаараа хараа.

Иоанн 8:19

– Теэд Танай эсэгэ хаанаб? – гэжэ тэдэ һураба. – Таанар Намайешье, Минии Эсэгыешье мэдэнэгүйт. Хэрбээ таанар Намайе мэдээ һаа, Минии Эсэгыешье мэдэхэ һэнта, – гэжэ Иисүүс харюусаба.

Иоанн 8:29

Намайе эльгээгшэ ходо Намтай, Тэрэ Намайе гансаарыемни орхёогүй, юундэб гэбэл, Би Тэрэнэйнгээл дура хүсэлые бэелүүлнэб, – гэбэ.

Иоанн 8:44

Таанарай эсэгэ шолмос, тиимэһээ эсэгынгээ бүхы дура хүсэлыень бэелүүлхэ зорилготойт. Танай эсэгэ анханһаа нааша хүнүүдые аладаг, үнэн зүйлые үзэжэ ядадаг байһан, ушарынь хэлэбэл, тэрээндэтнай үнэн зүйл гэжэ байгаагүйл. Худал юумэ хэлэхэдээ, тэрэтнай өөрынгөө түрэлхи хэлэн дээрэ дуугардаг һэн, юундэб гэбэл, худалша, худал юумэ үүдхэгшэ байһан байна.

Иоанн 8:51

Таанарта үнэн сэхэ хэлэнэб: Минии һургаалаар ябадаг хүнүүд хэзээдэшье үхэхэгүй!

Иоанн 8:52

– Та ада шүдхэртэ барюулһан хүн байнат гэжэ одоол бидэ лаб мэдэбэбди, – гэлдэбэд, – Абраһаам наһа баранхай, мүн баһа лүндэншэдшье нүгшэнхэй. Харин Та «минии һургаалаар ябадаг хүнүүд хэзээдэшье үхэхэгүй» гэнэт.

Хэрэгүүд 17:23

Юундэб гэхэдэ, танай мүргэл шүтөөнүүдые хаража байхадаа, «мэдэгдээгүй Бурханда» гэжэ бэшээтэй үргэлэй шэрээ би оложо харааб. Танай мэдээгүй аад, шүтэжэ мүргэжэ байһан эгээл тэрэ Бурхан тухай би номножо байнаб.

Коринфынхидтэ 2-дохи 4:6

«Гэрэл туяагай харанхыһаа гэрэлтэхэнь болтогой», – гэжэ Бурхан хэлээ. Мүнөө тэрэл Бурхан манай сэдьхэлдэ гэрэлтэжэ, Христоосто оршожо байһан Бурханай алдарай мэдээгээр бидэниие гэгээрүүлээ.

Иоаннай 1-дэхи хандалга 1:6

«Бидэ Бурхантай харилсанабди», – гэжэ хэлээд, урдынхяараал нүгэлэй харанхы соо һуугаа һаа, бидэ худалаар хэлэһэн болонобди, үнэн зүб бэшээр ажаһууна гээшэбди.

Иоаннай 1-дэхи хандалга 2:22

Худалша гээшэмнай хэн гээшэб? Иисүүсые Бурханай табисуурта Христоос гэжэ тоолодоггүй хүн худалша мүн. Христоосой дайсан хадаа Эсэгэ Бурханай, Тэрэнэй Хүбүүнэй байһые арсагша юм.

Иоаннай 1-дэхи хандалга 2:4

Бурханай захяа заабариие сахидаггүй аад, «Бурханиие би мэдэнэб», – гэжэ хэлэдэг хүн худалша гээшэ, үнэн юумэн тэрэ хүндэ үгы!

Иоаннай 1-дэхи хандалга 5:10

Бурханай Хүбүүндэ этигэдэг хүнэй зүрхэ сэдьхэлдэнь энэ гэршэлгэнь байна. Харин Бурханда этигэдэггүй хүн Бурханиие худалша мэтэ харуулна, ушарынь гэбэл, Бурханай Өөрынгөө Хүбүүн тухай гэршэлхэдэнь, тэрэ хүн этигээгүй.

Гэршэлгэ 3:9

Хаража байгаарайт! Өөһэдыгөө еврейнүүд гэжэ тоолодог аад, сатанагай мэдэлдэ байһан уладые танда асараад, хүлдэтнай унан дохихыень баадхахаб. Үнэхөөрөө тэдэнэр еврейнүүд бэшэ, худалаар хэлэнэ. Мүн танда дуратай байһыемни тэдэ улад мэдэхэ.