Иоанн 8:44 - Библи

⁴⁴ Таанарай эсэгэ шолмос, тиимэһээ эсэгынгээ бүхы дура хүсэлыень бэелүүлхэ зорилготойт. Танай эсэгэ анханһаа нааша хүнүүдые аладаг, үнэн зүйлые үзэжэ ядадаг байһан, ушарынь хэлэбэл, тэрээндэтнай үнэн зүйл гэжэ байгаагүйл. Худал юумэ хэлэхэдээ, тэрэтнай өөрынгөө түрэлхи хэлэн дээрэ дуугардаг һэн, юундэб гэбэл, худалша, худал юумэ үүдхэгшэ байһан байна.

Шэнэ Хэлсээн

⁴⁴ Таанарай эсэгэ – шолмос юм, тиин таанар эсэгынгээ бүхы дура хүсэлыел бэелүүлхэ хүсэлэнтэйт. Теэд танай эсэгэ анханһаа нааша хүнүүдые аладаг байһан лэ, тэрэтнай үнэн зүйлые үзэжэ ядадаг байгаал, ушарынь хэлэбэл, тэрээндэтнай үнэн зүйл гэжэ байхагүйл. Худал юумэ хэлэхэдээ, тэрэтнай өөрынгөө түрэлхи хэлэн дээрэ дуугардаг һэн, юундэб гэбэл, тэрэтнай өөрөөшье худалша, худал юумэ үүдхэгшэ байһан юм.

Иоанн 8:44 Referencias Cruzadas

Эхин 3:15

Би эхэнэр та хоёрые эбсэшэгүй дайсад болгохоб. Таанадай үри һадаһад хоорондоо дайсад болохо, тэрэнэй хүбүүд толгойеш бизалха, харин ши тэдэнэй хүлэй улые хадхадаг, хазадаг болохош.

3 Хаан түрэнүүд 22:22

Тэрэ «би ошожо, тэрэнэй бүхы лүндэншэдые худал абарал буулгадаг болгохоб» гэбэ. Эзэн «шадахаш. Ошожо, энээнээ бүтээ» гээ һэн.

1 Угай бэшэг 21:1

Шолмос Израильда добтолжо, Израилиин улад зоной тоо бүридхэхыень Давидые баадхаба.

Иоов 1:11

Харин мутараа һунган эдэ бүгэдынь үгы хэбэлтнай, Таниие хараангүй хайшаа ошохо юм?», – гэжэ эрлиг харюу үгэбэ.

Матвей 12:34

Ай, хорото могойн түрэлтэн! Таанар хара һанаатайшуул аад, һайн юумэ яажа хэлэхэбта? Ушарынь юуб гэбэл, зүрхэ сэдьхэлдэ байһан юумэн хэлэнэй үзүүртэ гарадаг ха юм.

Матвей 13:15

Энэ арадай сэдьхэлынь мохоороо, шэхэнь таглараа, нюдэнь анигдаа. Тиимэһээ тэдэ нюдөөрөө юумэ харанагүй, шэхээрээ дууланагүй, ухаагаараа юумэ ойлгоногүй, тэдэниие аргалжа эдэгээхымни тула Намда ханданагүй».

Матвей 13:38

Таряалан гээшэнь газар дэлхэй мүн. Һайн үрэһэниинь Бурханай хаан ороной хүнүүд, харин буртаг үбһэниинь шолмосой хүнүүд мүн.

Иоанн 6:70

– Би Өөрөөл Арбан хоёр таанадые шэлэжэ абаа бэшэ һэн гүб! Теэд таанадай нэгэн шолмос байна! – гэжэ Иисүүс харюусаба.

Иоанн 7:17

Тэрэнэй дура хүсэл дүүргэхэ һанаатай хүн һаа, энэ Бурханай һургаал гээшэ гү, али Би Өөрэһөөн хэлэжэ байна гүб гэжэ мэдэдэг болохо.

Иоанн 8:38

Би Өөрынгөө Эсэгындэ юу хараһан, үзэһэн тухайгаа таанарта хэлэнэб, харин таанар өөрынгөө эсэгэһээ дуулаһан юумэеэ хэнэт.

Иоанн 8:41

Үгы даа, таанар өөрынгөөл эсэгэдэ адли юумэ хэнэт! – Бидэ нүгэл хилэнсэдэ түрөө бэшэбди! Манай ори ганса эсэгэ – Бурхан юм! – гэлсэбэ тэдэ.

Иоанн 8:55

Теэд таанар Минии Эсэгые мэдэнэгүйт, харин Би Тэрэниие мэдэнэб. Хэрбээ Би Тэрэниие мэдэхэгүйб гээ һаа, Би таанартайл адли худалша болохо һэм. Теэд Би Тэрэниие мэдэхэб, Тэрэнэй хэлэдэг үгэнүүдые бэелүүлнэб.

Хэрэгүүд 13:10

– Ши, худал хуурмагай бэелэл, шолмосой хүбүүн, али бүхы үнэн юумэнэй дайсан! Эзэнэй арюун сэхэ замые саашадаашье хазагайруулжа ябахаб гэжэ һанана гүш?

Хэрэгүүд 24:9

Тертуллай хэлэһэниинь үнэн гэжэ еврейнүүдшье баталан, тэрэниие дэмжэбэ.

Хэрэгүүд 5:3

Пётр: – Анания, таряалан газараа худалдаад, олоһон олзынгоо хубиие юундэ нюужа, Арюун Һүлдэдэ худалаар хэлээбши? Иихэдээ яатараа сатана шинии зүрхые эзэлээ юм?

Коринфынхидтэ 2-дохи 11:3

Могой мэхэ гохо гарган, Евые яажа мэхэлээ һэм, тон тиигэжэл таанад мэхэлүүлээд, Христоосто үнэн сэхэ, арюун сэбэр һанал бодолнуудаа хубилгана гүт гэжэ би айнаб.

Пётрой 1-дэхи хандалга 5:8

Һэргэлэн байгты, бү һажагты. Танай дайсан болохо шолмос эдихэ зууха хүниие бэдэржэ байһан арсалан мэтэ хүрхиржэ ябана.

Пётрой 2-дохи хандалга 2:4

Эльгээмэлнүүдэйшье нүгэл үйлэдэхэдэ, Бурхан тэдэниие хайрлаагүй, Зарга шүүбэриин Үдэрэй ерэтэр тэдэниие тамада хэтын харанхыда хүлеэд барижа байгаа.

Иоаннай 1-дэхи хандалга 1:8

Нүгэл хилэнсэ хээгүйбди гээ һаа, бидэ өөһэдыгөө мэхэлнэбди. Энэнь манда үнэн зүб юумэн үгы гэһэн удхатай болоно.

Иоаннай 1-дэхи хандалга 2:21

Таанар үнэн зүбые мэдэнэгүйт гэжэ би таанадта бэшээгүйб. Үгы даа, таанадта иигэжэ бэшээ һэм: таанар үнэн зүбые мэдэнэт, тиин ямаршье худал юумэн үнэн юумэнһээ тад ондоо байдаг гэжэ бэшээб.

Иоаннай 1-дэхи хандалга 2:4

Бурханай захяа заабариие сахидаггүй аад, «Бурханиие би мэдэнэб», – гэжэ хэлэдэг хүн худалша гээшэ, үнэн юумэн тэрэ хүндэ үгы!

Иоаннай 1-дэхи хандалга 3:12

Бидэнэр Хаяан шэнги байха ёһогүйбди. Хаяан хадаа шолмосой түрэлэй байжа, дүүгээ алаа. Юундэ тиигээб гэхэдэ, Хаяанай үйлэ хэрэгынь харатай байгаа, харин дүүгэйнь хэрэг үнэн зүб байгаа.

Иоаннай 1-дэхи хандалга 3:15

Аха дүүгээ үзэн ядагша алууршан гээшэ. Харин ямаршье алууршан мүнхын амидаралда хүртэдэггүй гэжэ таанар мэдэнэт.

Иудын хандалга 1:6

Эрхэ түрэеэ алдаад, байраяа орхиһон эльгээмэлнүүдые Бурхан харанхыда хэтын хэтэдэ гэнжээр хүлиһэн тухайнь һанагты. Тэдэ Эльгээмэлнүүд агууехэ үдэр зарга шүүбэридэ оротороо тэндэ байха.

Гэршэлгэ 12:9

Юртэмсэ дэлхэйн бүхы зониие мэхэлжэ хууража байһан шолмос, сатана гэжэ нэрэтэй ехэ үнинэй Могой бологшо луу тэнгэриһээ газарта шэдүүлһэн, тэрээнтэйгээ хамта эльгээмэлнүүдыньшье шэдүүлһэн юм.

Гэршэлгэ 13:14

Тиин энэнь нэгэдэхи арьяатанай нэрээр гайхамшаг ехэ дүлгэ тэмдэгүүдые харуулжа, газар дэлхэйн зониие мэхэлнэ. Һэлмээр сабшуулаад амидырһан арьяатанай нэрэ хүндэдэ тэрэнэй хүрэг дүрсэ хэгты гэжэ газар дэлхэйн зондо хоёрдохи арьяатан захиралта үгэбэ.

Гэршэлгэ 2:10

Зобохо тулихаяа байнабди гэжэ бү айгаарайгты. Туршажа үзэхэеэ заримыетнай шолмос түрмэдэ хааха, арбаад хоног соо тамалуулхат. Теэд үхэн үхэтэрөө үнэн сэхэ байгаарайгты, Би танда мүнхын амидарал үршөөхэб!

Гэршэлгэ 21:8

Аймхай дүүлэгэрнүүд, Иисүүстэ һүзэглэдэггүй хүнүүд, бузар муухай нүгэл хэгшэд, алууршад дээрмэшэд, зальхай ябадалтан, эльбэ хэгшэд, онгондо шүтэгшэд, элдэб худалшад гал, хүхэрөөр дүлэтэн носогшо нуур руу хаюулха. Энэнь хоёрдохи үхэлгэ мүн.

Гэршэлгэ 22:15

Теэд нохосууд, эди шэдитэн, зальхай забхай ябадалтан, алуурша этэгээдүүд, онгонуудта шүтэгшэд, худал хуурмаг ябадалда дуратайшуул, тиимэ юумэ хэгшэд – хотын гадаа тээ үлэхэ.

Гэршэлгэ 9:11

Тэдэ таршаануудай хааниинь оёоргүй гүнзэгы нүхэнэй эльгээмэл мүн; тэрэ эльгээмэлынь еврей хэлээр Аваддон, грек хэлээр Аполлион (оршуулбал: «Һүнөөгшэ») гэжэ нэрэтэй.