Иоанн 8:39 - Библи

³⁹ – Манай үбгэ эсэгэ Абраһаам юм! – гэжэ тэдэ харюусаба. Иисүүс тэдэндэ хэлэбэ: – Үнэхөөрөө Абраһаамай үри һадаһан байгаа һаа, таанар Абраһаамдал адли хэрэгүүдые бүтээхэ һэнта.

Шэнэ Хэлсээн

³⁹ – Манай үбгэ эсэгэ Абраһам юм! – гэжэ тэдэ харюусаба. Иисус тэдэндэ хэлэбэ: – Үнэхөөрөө Абраһамай үри һадаһан байгаа һаа, таанар Абраһамдал адли хэрэгүүдые бүтээхэ һэнта.

Иоанн 8:39 Referencias Cruzadas

Матвей 3:9

Үбгэ эсэгэмнай Абраһаам юм гэжэ өөһэд тухайгаа бү бодогты, юундэб гэхэдэ, Бурхан энэ хэбтэһэн шулуугааршье Абраһаамда үри хүүгэдые бүтээжэ шадаха юм гэжэ танда хэлэхэ байнаб.

Матвей 5:45

Тиигээ һаа, огторгойдо байгша Эсэгэдээл адли бэеэ абажа ябадаг болохот. Юундэб гэбэл, Эсэгэтнай өөрынгөө муушуулдашье, һайшуулдашье нара гэрэлтүүлнэ, мүн зүбтэндэшье, буруутандашье хура бороо оруулна.

Иоанн 8:33

– Бидэнэр Абраһаамай үри һадаһад гээшэбди, хэзээдэшье хэнэйшье барлагууд байгаагүйбди! «Таанар эрхэ сүлөөтэй болохот» гэхэдээ Та ямар юумэн тухай хэлэнэбта? – гэжэ тэдэнь һураба.

Иоанн 8:37

Таанар Абраһаамай үри һадаһад гээшэт гэжэ Би мэдэнэб, теэд таанар Намайе алаха һанаатайт, юундэб гэхэдэ, Минии үгэнүүд таанарай зүрхэ сэдьхэлдэ байра олоногүй бшуу.

Иоанн 8:43

Юундэ таанар Минии хэлэһэн үгые ойлгохо, дуулаха шадалгүй байнабта!

Иоанн 8:56

Танай үбгэ эсэгэ Абраһаам Минии ерэхэ үдэрые харахаб гэжэ һанахадаа баярладаг бэлэй, тиин ерэһэн үдэрыемни хараад, баяртай золтой байгаа һэн!

Римэйхиндэ 4:12

Тэрэнэй отолуулхынгаа урда тээ Бурханда һүзэглэдэгтэйнь адляар һүзэглэдэг отолуулһаншье хүн бүхэнэй эсэгэнь болоо.

Римэйхиндэ 4:16

Тиимэһээ найдуулга этигэл һүзэг дээрэ үндэһэлнэ, тиин Абраһаамай бүхы үри һадаһадта, гансашье Хуули сахидаг бэшэ, харин Абраһаамдал адляар һүзэглэһэн хүн бүхэндэ Бурханай агууехэ үршөөл хайраар тэрэ найдуулгань батаар үгтэбэ. Абраһаам бултанаймнай эсэгэ.

Римэйхиндэ 9:7

Тиин Абраһаамай үри һадаһад бултадаа Бурханай үхибүүд бэшэ. «Исаагаар дамжан, ши Минии үгэхэб гэһэн үри хүүгэдтэй болохош», – гэжэ Бурхан Абраһаамда хэлээ.

Галадуудта 3:29

Хэрбээ Христоостой нэгэдэбэл, таанад Абраһаамай үри һадаһад гээшэт, тиигээд Абраһаамда найдуулһан бүхэниие залгамжалан абахат.

Галадуудта 3:7

Абраһаамдал адли Бурханда һүзэглэдэг зон Абраһаамай үри һадаһад гэжэ таанар мэдэжэ байгты.