Иоанн 7:39 - Библи

³⁹ Иисүүс тиигэжэ хэлэхэдээ, Арюун Һүлдэ тухай хэлэбэ гээшэ: Иисүүстэ этигэһэн хүнүүд хожомынь Арюун Һүлдэтэй болохо ёһотой байгаа. Тэрэ үедэ Арюун Һүлдэ үшөө үгтөөдүй һэн, юундэб гэхэдэ, Иисүүс алдар солодо хүртөөгүй байгаа.

Шэнэ Хэлсээн

³⁹ Иисус тиигэжэ хэлэхэдээ, Нангин Һүлдэ тухай хэлэбэ гээшэ: Иисуста этигэһэн хүнүүд хожомынь Нангин Һүлдэтэй болохо ёһотой байһан юм. Тэрэ үедэ Нангин Һүлдэ үшөөл үгтөөдүй байгаа, юундэб гэхэдэ, Иисус үшөөл алдар солодо хүртөөгүй байгаа.

Иоанн 7:39 Referencias Cruzadas

Псалманууд 68:18

Өөрын богоолһоо буруу бү харыт, Юуб гэбэл, би зоболондо абтаад байнаб. Түргөөр намда харюусыт!

Һургаал 1:23

Анхарагты, минии зэмэлэл шагнагты, би таанарта сэсэн ухаанай һүр һүлдэһөө дуһаан хүртөөхэм, тиин хэлэхэ үгэеэ хэлэхэм.

Исай 12:3

Абаралай булагһаа баяртайгаар уһа удхан байхат!

Исай 32:15

Гэбэшье Бурхан бидэндэ дээрэһээ Һүлдөө дахин эльгээхэ. Тиихэдэнь зэлүүд хооһон газар үрэжэл шэмэтэй болохо, таряалангуудаар баян ургаса ургаха.

Исай 44:3

Ангаһан-хатаһан газарта Би уһа адхахаб, хуурай газар дээгүүр гол горхо урдахуулхаб. Би таанадай үри ашанар дээрэ Өөрын Һүлдэ адхажа, уг удамдатнай Өөрын юрөөл хүртөөхэб.

Ёһээл 2:28

Би Өөрын Һүлдөөрөө хүн бүхэниие нэбтэрүүлхэб. Таанадай хүбүүд басагад зүн бэлиг мэдэдэг болохо, үбгэд хүгшэдтнай зүүдэ зүүдэлхэ, залуушуултнай үзэгдэл үзэжэ захалха.

Матвей 16:14

– Зарим хүнүүд Таниие Уһаар Арюудхагша Иоанн гэнэ, бусадынь Элияа гэжэ һанана, баһа нүгөөдүүлынь Ерэмияа гү, али ондоо лүндэншэдэй нэгэн гэлсэнэ, – гэжэ тэдэнь харюусаба.

Матвей 21:11

– Энэ Иисүүс алдартай Галилейн Назаредэй лүндэншэн мүн, – гэжэ улад зон харюусажа байгаа.

Лука 24:49

Эсэгынгээ таанадта үгэхэб гэжэ найдуулһан юумые Би мүнөө дамжуулан таанадта үгэнэб. Харин таанад Иерусалимдаал байгаад, дээрэһээ үршөөгдэхэ ехэ хүсэ шадалда хүртэтэрөө хүлеэгты, – гэжэ Иисүүс тэдээндэ айладхаба.

Лука 3:16

Тиихэдэнь Иоанн бултанда хандажа хэлэбэ: – Би таанарые уһаар арюудханаб. Харин намтай жэшээлхэгүй дээгүүр Хүн иишэ ерэнэ. Би Тэрэнэй гуталайнь ооһорыешье тайлаха эрхэгүйб. Тэрэ ерэхэдээ таанадые Арюун Һүлдэ гал хоёроор арюудхаха.

Лука 7:16

Хүн зон бүгэдэ айн һүрдэбэ, Бурханиие алдаршуулан магтаба: – Агууехэ лүндэншэ манай дунда мүндэлбэл, арад зондоо туһалхаяа Бурхан морилжо ерэбэл, – гэлдэбэ.

Иоанн 1:21

– Тиихэдээ ши хэн гээшэбши? Элияа гүш? – гэжэ тэдэнь һураба. – Бэшэб. – Ерэхэ ёһотой тэрэ лүндэншэ гүш? – Бэшэб.

Иоанн 1:25

– Ши Бурханай табисуурта бэшэ, Элияа бэшэ, тэрэ лүндэншэ бэшэ аад, юундэ хүнүүдые уһаар арюудханабши? – гэжэ тэдэ һурана.

Иоанн 1:33

Би Тэрэниие мэдэхэгүй байгааб, теэд Бурхан уһаар лэ арюудхахыемни намайе эльгээхэдээ иигэжэ хэлэһэн юм: «Арюун Һүлдэ хэнэй дээрэ буужа тогтохые харанаш, Тэрэл хүнүүдые Арюун Һүлдөөр арюудхаха».

Иоанн 12:16

Түрүүшээр шабинарынь юушье ойлгобогүй, харин Иисүүсэй алдар солын элирхэдэ, лүндэншэдэй уридшалан хэлээшээр болобо гэжэ ойлгобод.

Иоанн 12:23

Иисүүс харюусаба: – Хүн түрэлхитэнэй Хүбүүнэй алдар соло элирхэ саг ерэбэ!

Иоанн 14:13

Минии нэрэ дурдажа, юу гуйхабта, Би бүгэдыень бүтээхэб, тиигэжэ Хүбүүнэйнгээ ашаар Эсэгэнь алдаршаха.

Иоанн 14:26

Минии аша туһада Эсэгэмни таанарта Туһалагшые, Арюун Һүлдые эльгээхэ. Тэрэ Арюун Һүлдэ таанарые али бүхы юумэндэ һургаха, Минии хэлэһэн юумэ баран һануулха.

Иоанн 16:14

Арюун Һүлдэ Намайе алдаршуулха, Тэрэнэй дуулгаһан юумэн таанадта Намһаа дамжуулагдаха.

Иоанн 16:7

Теэд Би таанарта үнэниие хэлэнэб: Минии Эсэгэдээ ошоо һаамни, таанадта дээрэ байха. Хэрбээ Минии ошоогүй һаа, Туһалагшатнай ерэхэгүй, харин Би ошожо, Туһалагшые эльгээхэб.

Иоанн 17:1

Эдэ үгэнүүдэйнгөө һүүлээр Иисүүс тэнгэри өөдэ хараад, иигэжэ хэлэбэ: – Эсэгэ аа! Сагни ерэбэ. Хүбүүнэйтнай Танай нэрэ алдаршуулхын тула, Хүбүүгээ алдаршуулыт.

Иоанн 17:5

Эсэгэмни аа, юртэмсэ дэлхэйн үшөө бии болоодүйдэ, Тантайгаа суг байхадаа суурхаһан Минии алдар солоор Намайгаа мүнөө Өөртэйгөө хамта суурхуулыт.

Иоанн 20:22

Тиигэжэ хэлэмсээрээ, Иисүүс тэдэн тээшээ үлеэгээд: Арюун Һүлдые тогтоон абагты!

Иоанн 6:14

Иисүүсэй хэһэн иимэ гайхамшаг хэрэгүүдые хараад: – Энэмнай дэлхэйн зондо ерэхэ ушартай байһан ёһоороол тэрэ Лүндэншэ байна! – гэжэ хүнүүд хэлсэбэ.

Иоанн 7:12

Иисүүс тухай ехэ арсалдаан улад зоной дунда болобо. Зарим нэгэниинь: «Энэ һайн хүн», – гэлдэбэ. Нүгөө зариманиинь: «Үгы, энэ хүн улад зониие мэхэлнэ», – гэжэ буруушааба.

Иоанн 8:54

– Хэрбээ Би Өөрөө Өөрыгөө алдаршуулжа байгаа һаа, Минии алдар нэрэ юуншье бэшэ. Теэд Намайе Минии Эсэгэ алдаршуулна, таанар Тэрээниие өөһэдымнай Бурхан гэжэ нэрлэнэт!

Хэрэгүүд 19:2

Тэдэнтэй хөөрэлдэжэ байхадаа Павел: – Һүзэглэхэдөө таанад Арюун Һүлдые тогтоон абаа һэн гүт? – гэжэ һураба. – Бидэ Арюун Һүлдэ тухай ойро наашашье дуулаагүй байнабди, – гэбэ тэдэнь.

Хэрэгүүд 2:17

«Иимэл юумэн һүүлшын үдэрнүүдтэ болохо гэжэ Бурхан хэлэнэ: Би Өөрын Һүлдөөрөө хүн бүхэниие нэбтэрүүлхэб, таанадай хүбүүд басагад зүн бэлигээр мэдэдэг болохо, залуушуултнай үзэгдэл үзэжэ захалха, үбгэд хүгшэдтнай зүүдэ зүүдэлхэ.

Хэрэгүүд 2:33

Иисүүс Эсэгынгээ баруун талада дэгдүүлэн, найдуулһан Арюун Һүлдэдэнь хүртэбэ, тиигээд Тэрэ Һүлдөөрөө бидэниие нэбтэрүүлээ. Мүнөө таанад энээниие харанат, дууланат.

Хэрэгүүд 2:38

– Нүгэл хэхэеэ болигты. Нүгэлыетнай Бурханай хүлисэхын тула хүн бүхэн Иисүүс Христоосой нэрэ алдараар уһаар арюудхуулаг. Тиихэдээ таанад Бурханай үршөөһэн Арюун Һүлдэдэ хүртэхэт.

Хэрэгүүд 2:4

Тиихэдэнь булта Арюун Һүлдөөр дүүрэн, Һүлдын хүсөөр элдэб хэлэнүүд дээрэ дуугаралдаба.

Хэрэгүүд 3:13

Абраһаамай, Исаагай, Яковай Бурхан, манай үбгэ эсэгэнэрэй Бурхан Өөрын зараса Иисүүсые алдаршуулаа. Таанад Иисүүстэ урбаат, Тэрэниие Пиладай сүлөөлэн табиха гэхэдэнь, таанад арсаат.

Хэрэгүүд 4:31

Иигэжэ зальбарһанайнь һүүлдэ сугларһан байрадань газар хүдэлжэ, тэдэнэр булта Арюун Һүлдөөр дүүрээд, Бурханай Үгэ айлтагүйгөөр номножо оробо.

Римэйхиндэ 8:9

Таанад нүгэлтэ мүн шанарайгаа хүсэлэнгүүдые даханагүйт, тиин зосоотнай Бурханай Һүлдын оршожо байхадань, Һүлдын эрхэ хүсэлөөр ажамидарнат. Зосоогоо Христоосой Һүлдэгүй хүн Тэрэнэй бэшэ.

Коринфынхидтэ 2-дохи 3:8

Һүлдэһөө эхитэй юумэн бүришье ехэ алдартай байха бэшэ аал?

Эфесэйхиндэ 4:30

Ойртожо байгаа тэрэ Үдэр таанадай сүлөөтэй болохые баталан, Бурхан таанад дээрэ Арюун Һүлдын тамга табяа. Тиимэһээ Арюун Һүлдые бү гуниглуулагты.