Иоанн 7:38 - Библи

³⁸ Намда этигэдэг хүн тухай Нангин Бэшэг соо «Тэрэнэй зүрхэнһөө амидаралта урадхал уһан урдаха» гэжэ бэшэгдэнхэй.

Шэнэ Хэлсээн

³⁸ Намда этигэдэг хүн тухай Нангин Бэшэг соо «Тэрэнэй зүрхэнһөө амидаралта урадхал уһан урдаха» гэжэ бэшэгдэнхэй.

Иоанн 7:38 Referencias Cruzadas

Һургаал 10:11

Үнэн шударга хүнэй аман амидаралай унда олохо. Хуулигүй зоной амандань хүсэрхэл нюугдадаг.

Һургаал 18:4

Хүнэй аманһаа гараһан үгэ гүнзэгыһөө гараһан уһантай адли. Сэсэн ухаанай ундан шолшогоноһон уһа горхон мэтэ.

Исай 12:3

Абаралай булагһаа баяртайгаар уһа удхан байхат!

Исай 35:6

Дохолон хүн буга мэтэ собхоржо эхилхэ, хэлэгүй хүн баяртайгаар хашхарха. Уһан элһэн сүл губяар урдаха.

Исай 44:3

Ангаһан-хатаһан газарта Би уһа адхахаб, хуурай газар дээгүүр гол горхо урдахуулхаб. Би таанадай үри ашанар дээрэ Өөрын Һүлдэ адхажа, уг удамдатнай Өөрын юрөөл хүртөөхэб.

Исай 55:1

Эзэн иигэжэ айладхана: «Ангаһан зон, уһан руу ерэгты! Мүнгэгүйшье хүн ерэжэ, эдигты! Ерыт! Үзэмэй дараһан архи, һү мүнгэгүйгөөр абагты!

Исай 58:11

Тиихэдэ Би таанадые хододоо ударидажа, ган гасуурайшье үедэ хэрэгтэй юумээртнай хангажа, бэеытнай шанга болгожо байхаб. Таанад уһалһан сэсэрлиг мэтэ, шэргэшэгүй булаг мэтэ болохот.

Исай 59:21

Би тэдэнтэй энэ хэлсээ баталхаб. Шам дээрэ оршогшо Минии Һүлдэ, амандашни Минии хэгшэ үгэмни хододоо шинии, үри һадаһадайш, тэдэнэйшье уг удамай аманда мүнөөнһөө эхилэн хэтэ мүнхэдөө оршог!»

Захарияа 14:8

Тэрэ үдэр амидаралта уһан Иерусалимһаа урдан гаража, хахад уһаниинь зүүн зүгэй далайда, хахад уһаниинь баруун зүгэй тэнгис далай тээшэ урдаха. Урасхалынь үбэл, зун таһалгаряагүй урдаха.

Иоанн 4:10

– Бурханай юу үршөөдэгые, шамһаа уһа эриһэн хүнэй Хэн байһые мэдэжэ байгаа һаа, ши өөрөө Тэрэниие гуйха бэлэйш, тиихэдэшни Тэрэ шамда амидаралта уһа үгэхэ һэн, – гэжэ Иисүүс харюусаба.

Иоанн 4:14

Харин Минии үгэхэ уһа ууһан хүн хэзээдэшье ундаа хүрэхэгүй. Минии үгэхэ уһан тэрэ хүнэй досоо булаг болон дэлгэржэ, мүнхын амидарал олгохо.

Эфесэйхиндэ 5:9

Гэрэл туяа таанадые һайн һайхан, гэнэн сэхэ, үнэн сэдьхэлтэй болгодог.

Хуули дабталга 18:15

Таанадай дундаһаа намдал адли лүндэншые Эзэн Бурхантнай элирүүлэн гаргаха. Тэрэнэй үгэ дуулаха ёһотойт.