Иоанн 7:35 - Библи

³⁵ Тиихэдэнь еврейнүүд өөһэд дундаа хөөрэлдэбэ: – Үгы, бидэнэй Тэрэниие олохогүй ямар газарта Энэмнай ошохоёо түхеэрбэб? Али грегүүдэй дунда тарашоод байһан манай улад зондо ошожо, грегүүдые һургахаяа һанаба гү?

Шэнэ Хэлсээн

³⁵ Тиихэдэнь еврейнүүд өөһэд дундаа хөөрэлдэбэ: – Үгы, бидэнэй тэрэниие олохогүй ямар газарта энэмнай ошохоёо түхеэрбэ гээшэб? Али грегүүдэй дунда тарашоод байһан манай улад зондо ошожо, грегүүдые һургахаяа һанаба гээшэ гү?

Иоанн 7:35 Referencias Cruzadas

Псалманууд 147:2

Юуб гэбэл, Тэрэ бартаануудайтнай шэбхэ бүхэлнэ, таанарай дундахи хүбүүдыетнай юрөөнэ.

Исай 11:10

Тэрэ үдэр Ишайн үри һадаһан арадуудта туг болохо, тэдэ арадууд тэрээн руу эрьехэ, оршодог газарынь алдар суутай болохо.

Исай 11:12

Дэлхэйн найман зүгөөр сүлэгдэн тараагдаһан Израилиин болон Иудын хан түрэнүүдэй улад зониие дахин суглуулан бусаажа байһан тухайгаа үндэһэ яһатанда гэршэлэн харуулхын тула Бурхан дохёо тэмдэг – туг үргэн байха.

Исай 49:6

Эзэн намда иигэжэ айладхаа: «Минии зараса байха гээшэ багашаг үүргэ шамда. Тиимэһээ ши үшөө Яковай угсаатаниие һэргээн бодхоохош, Израилиин амиды мэндэ үлэһэн арад зониие һөөргэнь бусаахаш. Газар түбиин заха хизаар хүрэтэр абаралгыемни дэлгэрүүлхыншни тула Би шамайе бусад арадуудай гэрэл туяа болгохоб!»

Исай 56:8

Таран бутарһан Израилиин арад зониие суглуулагша Эзэн Бурхан үшөө олон зониие асархаб гэжэ найдуулна.

Цэпаанияа 3:10

Эфиопиин гол горходые гаталан, Минии тараагдаһан арад түмэн, Минии үнэнхэ мүргэлшэд Намда үргэлнүүдые асарха.

Матвей 12:21

тиин бүхы арадууд Тэрээндэ найдажа байха».

Лука 2:32

Тэрэтнай бүхы угсаатаниие гэгээрүүлхэ гэрэл болохол, Израилиинтнай арадта алдар соло асархал.

Иоанн 12:20

Бурханда мүргэхэеэ найрта ерэһэн зоной дунда грегүүдшье бии һэн.

Иоанн 7:1

Удаань Иисүүс Галилейгээр ябаба. Иудейдэ ошохогүй гэжэ Тэрэ шиидэбэ, юундэб гэхэдэ, Иудейн ахамадууд Тэрэниие алаха һанаатай байгаа.

Иоанн 8:22

– «Минии ошохо газарта таанар ошожо шадахагүйт» гээшэнь ямар удхатайб? Али Энэмнай бэеэ хорложо үхэхэеэ һанаба гү? – гэжэ еврейнүүдэй ахамадууд хөөрэлдэбэ.

Хэрэгүүд 11:18

Эдэ үгэнүүдые дуулахадаа еврей һүзэглэгшэд Пётрые буруушаахаяа болижо: – Тиихэдээ Бурхан бусад арадуудташье нүгэл хэхэеэ болихо арга олгожо, Амидарал үгэбэ! – гэжэ хэлэн, Бурханиие алдаршуулба.

Хэрэгүүд 11:20

Тэдэнэй дунда Кипрһээ, Хэрээнһээ уг гарбалтай хүнүүд байһан тула тэдэнэр Антиох ошожо, Эзэн Иисүүс тухай Һайн Мэдээсэлые грегүүдтэшье номнобо.

Хэрэгүүд 14:1

Павел Барнааба хоёрой Икоонидо мүргэлэй гэртэ орожо, этигэл түрүүлмээр хөөрэхэдэнь, еврейнүүд болон бусад арадууд олоороо этигэбэ.

Хэрэгүүд 17:4

Мүргэлэй гэртэ байһан хүнүүдэй зариманиинь этигэжэ, Павел Сила хоёртой нэгэдэбэ. Тэдэнһээ гадна ори ганса Бурханиие хүндэлдэг олон тоото грегүүд, нэрэ хүндэтэй эхэнэрнүүд Эзэндэ һүзэглөө.

Хэрэгүүд 18:4

Павел еврейнүүдыешье, грегүүдыешье этигүүлхэеэ оролдон, суббото бүхэн мүргэлэй гэртэ номнодог һэн.

Хэрэгүүд 21:21

Тэдэ зон тан тухай: «Тэрэ бусад арадуудай дунда ажаһуудаг еврейнүүдые Моисейн Хуулиһаа холодуулан, хүбүүдээ бү отолуулагты, ёһо гуримуудаа бү сахигты гэжэ һургана», – гээд хэлсэнэ.

Хэрэгүүд 22:21

Тиихэдэ Тэрэ намда: «Яба, Би шамайе эндэһээ холо бусад арадуудта эльгээхэмни», – гэжэ хэлэбэ.

Римэйхиндэ 1:16

Һайн Мэдээсэл тухай номнохоёо би эшэнэгүйб. Ушарынь юуб гэхэдэ, тэрэ һүзэглэһэн хүн бүхэниие, нэн түрүүн еврейнүүдые, тиихэдэ баһал бусад арадуудые абарха Бурханай һүр хүсэн юм.

Эфесэйхиндэ 3:8

Ой ухаандаа оруулхын аргагүй ехэ Христоосой баялиг тухай Һайн Мэдээсэлые бусад арадуудта номнохые, Бурханай нюусын яажа бэелхэ тухай бүхы хүнүүдтэ харуулхые Бурханай хүнүүдэй эгээл багань байһан намда Бурхан хайрлаа. Үнгэрһэн сагуудта хамаг юумые Бүтээгшэ Бурхан нюусаяа хадагалжа байгаа. Тиин мүнөөнэй үе сагта Тэрэ Өөрынгөө оюун ухааниие һүзэглэгшэдэй бүлгэмөөр дамжуулан тэнгэриин захирагшадта, огторгойн хүсэнүүдтэ элдэб янза хэбээрнь харуулаа.

Колоссынхидтэ 1:27

Энэ нюусаяа Бурхан Өөрынгөө хүнүүдтэ мэдүүлхэ гэжэ түсэблэнэ, гэхэтэй сасуу энэ үнэтэй ба алдарта нюусань бүхы хүнүүдтэ юм. Тэрэ нюусань – Христоос таанадай досоо гэһэн удхатай, таанад Бурханай алдарые хубаалсахат гэһэн удхатай.

Тимофейдэ 1-дэхи 2:7

Тиимэһээ һүзэг ба хайра дурын үгэ айладхахаар һургагша ба элшэнээр табигдан, би бусад арадуудта эльгээгдэһэн байгааб. Би худал юумэ хэлэнэгүйб, үнэниие хэлэнэб.

Тимофейдэ 2-дохи 1:11

Һайн Мэдээсэл номнохымни тула Бурхан намайе элшэн ба һургагша болгон табяа.

Яковай хандалга 1:1

Бүхы газар дэлхэйгээр тараһан арбан хоёр угсаата Бурханай зон, таанадые Бурханай болон Эзэн Иисүүс Христоосой Яков зараса мэндэшэлнэ.

Пётрой 1-дэхи хандалга 1:1

Понт, Галаат, Каппадоки, Аси, Битиини нютагуудаар таража һууһан ерүүл зон, Бурханай шэлэжэ абаһан хүнүүд, таанадые Иисүүс Христоосой Пётр элшэн амаршална.