Иоанн 7:31 - Библи

³¹ Теэд олон юрын зон Тэрээндэ этигэһэн байна. – Бурханай табисуурта ерэхэдээ, Энэ хүнһөө үлүү ехэ дүлгэ тэмдэг харуулжа шадаха аал? – гэжэ тэдэ зон хэлсэбэ.

Шэнэ Хэлсээн

³¹ Теэд олон юрын зон тэрээндэ этигэһэн байна. «Бурханай табисуурта ерэхэдээ, энэ хүнһөө үлүү ехэ дүлгэ тэмдэг харуулжа шадаха аал?» – гэжэ тэдэ зон хэлсэһэн байна.

Иоанн 7:31 Referencias Cruzadas

Матвей 12:23

Тиихэдэнь хамаг зон гайхажа: – Энэмнай найдуулагдаһан Давидай үри һадаһан бэшэ гү? – гэлсэбэ.

Лука 8:13

Шулуутай газарта унаһан үрэһэн гээшэнь – номнол үгэнүүдые шагнаад, тэрэниие ойлгожо баярлабашье, тэрэ үгын сэдьхэлдэнь гүнзэгы үндэһэлөөгүй ушарһаа тиимэ хүнүүд саг зуура һүзэглэбэшье, хатуу бэрхэ сагай ерэхэдэ һүзэглэхэеэ болишодог.

Иоанн 11:45

Марияда ерэһэн еврейнүүдэй олониинь Иисүүсэй юу бүтээһыень хараад, Тэрээндэ этигэбэ.

Иоанн 12:11

Юундэб гэбэл, Лазариие амидыруулһандань олон еврейнүүд Иисүүстэ ерэдэг, Тэрээндэ шүтэдэг болоо бшуу.

Иоанн 12:42

Ахамадуудайшье дунда Иисүүстэ этигэһэн хүн үсөөн бэшэ һэн, харин энээн тухайгаа сэхэ хэлэхэеэ фарисейнүүдһээ түбэгшөөдэг, мүргэлэй гэрһээ намнуулхабди гэжэ айдаг байгаа.

Иоанн 2:11

Иигэжэ Иисүүс Галилей можын Каана хотодо гайхамшаг үзэгдэлнүүдэйнгээ эхи табиба. Иигэжэ Иисүүс Өөрынгөө алдарые харуулһан, тиин шабинарынь Тэрээндэ этигэһэн юм.

Иоанн 3:2

Тэрэ нэгэ һүни Иисүүстэ ерээд: – Рабби, Та Бурханай эльгээһэн багшат гэжэ бидэ мэдэнэбди. Хэрбээ Бурханай үршөөгөөгүй һаа, Та иимэ гайхамшагта үзэгдэлнүүдые харуулжа шадахагүй һэнта, – гэжэ хэлээ һэн.

Иоанн 4:29

– Наһаараа хэһэн бүхы юумэнүүд тухаймни намда хэлэжэ үгэһэн Хүниие таанар ошожо харагты. Магад, Тэрэ Бурханай табисуурта аалам? – гэжэ дуулгаба.

Иоанн 4:39

«Тэрэ хүн наһаараа хэһэн бүхы юумэнүүд тухаймни намда хэлэжэ үгөө» гэһэн эхэнэрэй ашаар, энэ хотын олон тоото самаряан зон Иисүүстэ этигэбэ.

Иоанн 6:2

Хойноһоонь олон зон дахалдаба, юундэб гэхэдэ, үбшэн хүнүүдые гайхамшаг аргаар Иисүүсэй эмнэн эдэгээхые үзэһэн хараһан байна бшуу.

Иоанн 7:26

Теэд харыта, Энэ хүн һургаалаа нюунгүй сэхэ номнонол. Хэншье Тэрэниие хориногүйл… Энэ хүн үнэхөөрөө Бурханай табисуурта байна гэжэ, магад, засагаархиншье ойлгоо хаяа?

Иоанн 9:16

– Энэ хүн Бурханһаа заяагдаһан байха ёһогүй, юундэб гэбэл, субботые тооногүй, – гэжэ зарим фарисейнүүд мэдүүлбэ. – Теэд нүгэлтэн һаа, энэ хүн иимэ гайхамшаг хэрэгүүдые бүтээхэ һэн гү? – гэжэ нүгөө зариманиинь буруушааба. Тиин фарисейнүүд өөһэд хоорондоо арсалдан хубааралдаба.

Хэрэгүүд 8:13

Симоншье өөрөө этигээд, уһаар арюудхуулаа. Филиппэй хойноһоо тэрэ хаа хаанагүй дахажа, тэрэнэй бүтээжэ байһан гайхамшагта үйлэ хэрэгүүдыень, дүлгэ тэмдэгүүдыень харахадаа, ехэтэ гайхадаг һэн.

Яковай хандалга 2:26

Тиимэһээл, һүнэһэгүй бэеын амигүй байдагтал тон адляар үйлэ хэрэгээр баталагдаагүй этигэл һүзэг дэмы хооһон байдаг.