Иоанн 6:7 - Библи

⁷ – Хоёр зуун динари мүнгөөр хилээмэ худалдажа абаад, зүһэм зүһэмөөршье хубаагаа һаа, бултанда хүртэхэгүйл, – гэжэ Филипп харюусаба.

Шэнэ Хэлсээн

⁷ – Хоёр зуун динари мүнгөөр хилээмэ худалдажа абаад, зүһэм зүһэмөөршье хубаагаа һаа, бултанда хүртэхэгүйл, – гэжэ Филипп харюусаба.

Иоанн 6:7 Referencias Cruzadas

4 Хаан түрэнүүд 4:43

Гэһаази зараса Элишаада хандажа: – Зуун хүндэ үгэхэдэмни, энэтнай хүрэхэгүйл! – гэжэ хэлэбэ. – Энэ эдеэ хүнүүдтэ тараа, эдиг. Эзэн иигэжэ хэлэнэ: «Тэдэнэй эдеэлжэ садахада, үшөө үлэхэ», – гэжэ Элишаа хэлэбэ.

Матвей 18:28

Тэрэ зараса газаашаа гаража ябатараа, өөртэнь зуун динари үритэй нэгэ нүхэртэйгөө уулзаба. Тиигээд тэрэнээ һабардажа баряад: «Үриеэ намда түлэ» гэжэ байгаад, хоолойень бахалуурдаба.

Марк 6:37

– Таанад өөһэдөө эдэндэ эдихэ юумэ үгэгты, – гэжэ Иисүүс харюусаба. – Эдэ зониие эдеэлүүлхын тула хоёр зуун динари мүнгөөр хилээмэ худалдажа абахамнай гээшэ гү? – гэжэ шабинарынь гайхаба.

Иоанн 1:43

Хойто үдэрынь Иисүүс Галилейн нютаг ошохо гэжэ шиидэбэ. Харгыдаа тэрэ Филипптэй ушараад: – Минии хойноһоо яба! – гэбэ.

Иоанн 1:44

Филипп болбол Андрей Пётр хоёрой ажаһуудаг Бэтсаидаа гэжэ хотын хүн байгаа.

Иоанн 1:45

Филипп гээшэнь Натанаилые бэдэржэ олоод, тэрээндэ: – Моисейн Хуули дотор, мүн лүндэншэдэй бэшэгүүд соо дурдагдаһан Хүниие олообди. Энэ хадаа Назарет хотын Иосифой хүбүүн Иисүүс гээшэ, – гэбэ.

Иоанн 1:46

– Назаредһээ гэнэ гүш? Теэд Назарет сооһоо ямар нэгэн һайн юумэн гараха аал? – гэжэ Натанаил буруушаан хэлэбэ. – Ошоёбди, ши өөрөө харахаш, – гэжэ Филипп тэрээндэ дурадхаба.

Иоанн 1:48

– Та намайе хаанаһаа мэдэнэбта? – гэжэ Натанаил асууба. – Филиппэй шамайе дуудахаһаань урда боди модоной һүүдэртэ һуухыешни Би хараа һэм, – гэжэ Иисүүс харюусаба.

Иоанн 12:5

– Энэ тоһыень гурбан зуун динаряар худалдаад, юундэ үгытэйшүүлдэ мүнгыень хубаажа үгөөгүй гээшэб? – гэжэ хэлэбэ.