Иоанн 6:69 - Библи

⁶⁹ Та Бурханай Арюун Хүбүүнта гэжэ бидэ этигэнэбди, мэдэнэбди, – гэжэ Симон Пётр харюусаба.

Шэнэ Хэлсээн

⁶⁹ Ши Бурханай Нангин Хүбүүнши гэжэ бидэ этигэнэбди, мэдэжэ байнабди, – гэжэ Симон Петр харюусаба.

Иоанн 6:69 Referencias Cruzadas

Матвей 16:16

– Та Бурханай табисууртат, Амиды Бурханай Хүбүүнта, – гэжэ Симон Пётр харюусаба.

Марк 1:1

Энэ болбол Бурханай Хүбүүн Иисүүс Христоос тухай Һайн Мэдээсэл юм.

Марк 1:24

– Назаредэй Иисүүс, Та бидэниие яаха гээбта? Та маниие хосороохоёо ерээ гүт? Би Таниие мэдэхэб, Та Бурханай Арюун Хүбүүнта, – гээд хашхарба.

Марк 8:29

– Теэд таанар Намайе хэн гэжэ һананабта? – гээд Иисүүс һураба. – Та Бурханай табисууртат, – гэжэ Пётр харюусаба.

Лука 9:20

– Таанар Намайе хэн гэжэ һананабта? – гэжэ Иисүүс һураба. – Бурханай табисууртат, – гэжэ Пётр харюусаба.

Иоанн 1:29

Хойто үдэрынь урдаһаань Иисүүсэй ерэжэ ябахые хараад, Иоанн иигэжэ хэлэбэ: – Энэл хадаа Бурханда үргэгдэхэ Хурьган мүн. Энэл хадаа газар дэлхэйн бүхы хүнүүдэй хэһэн нүгэл хилэнсые Өөр дээрээ даажа абаха!

Иоанн 1:41

Андрей өөрынгөө аха Симониие бэдэржэ олоод: – Бидэ Бурханай табисууртые олообди, – гэбэ («Бурханай табисуурта» – грек хэлэн дээрэ «Христоос»).

Иоанн 10:36

Харин Намайе Эсэгэмни Өөртөө зорюулан, энэ дэлхэйдэ эльгээгээ юм. Тиимэһээ «Би Бурханай Хүбүүнби» гэхэдэмни, «Та Бурханиие доромжолнот» гэжэ таанар Намда юундэ хэлэнэт?!

Иоанн 11:27

– Этигэнэб даа, Эзэн! Та Бурханай табисууртат, энэ дэлхэйдэ ерэхэ ёһотой Бурханай Хүбүүнта гэжэ би этигэнэб.

Иоанн 20:28

– Эзэмни, Бурхамни! – гэжэ Фома хашхараад абаба.

Иоанн 20:31

Теэд Иисүүс болбол Бурханай табисуурта, Бурханай Хүбүүн гэжэ таанарай этигэхын түлөө, Иисүүстэ этигэдэгэйнгээ ашаар амиды ябахынтнай түлөө энэ бүхы юумэн бэшэгдэбэ гээшэ.

Хэрэгүүд 8:36

Замаа үргэлжэлүүлһээр тэдэнэр уһатай газарта хүрэжэ ерэбэд. – Энэ уһан байнал. Уһаар арюудхуулхадамни намда юун һаалта болоноб? – гэбэ түшэмэл.

Римэйхиндэ 1:3

Бурхан Һайн Мэдээсэл номнохыемни намайе шэлэжэ абаа. Нангин Бэшэг соо хэлэгдэһэнэй ёһоор Бурхан тэрэ Һайн Мэдээсэлые урдань лүндэншэдөөрөө дамжуулан амалаа. Тэрэ Мэдээсэлынь Бурханай Хүбүүн, манай Эзэн Иисүүс Христоос тухай. Иисүүс хүнэй бэе бэелхэдээ Давидай үри һадаһан боложо түрөө. Харин Тэрэнэй һүр хүсэтэй Бурханай Хүбүүн байһыень, үхөөд амидырхадань Арюун Һүлдэ харуулаа. Бүхы яһатаниие, тиихэдэ Иисүүс Христоосой дуудаһан таанадые һүзэгтэй, мэдэлдэ оросотой болгохын тула Бурхан Хүбүүгээрээ дамжан, Тэрэнэй аша туһада намайе элшэн болгон үршөөгөө.

Эфесэйхиндэ 4:13

Тиимэһээ бидэ бултадаа нэгэ этигэл һүзэгтэй болохо, Бурханай Хүбүүниие мэдэрхэ ёһотойбди. Бидэ Христоосой хүсэд болбосорһон хэмжээндэ хүрэн, хүсэд болбосорһон хүнүүд болохо ёһотойбди.

Иоаннай 1-дэхи хандалга 4:16

Бидэндэ Бурхан дуратай гэжэ мэдээд, бидэ тэрэ дурандань этигэн найданабди. Бурхан болбол дуран гээшэ. Хайра дуратай хүн Бурхантай нэгэн хамта байдаг, Бурхан тэрэ хүнтэй нэгэн хамта байдаг, Бурхан тэрэ хүнэй досоонь байдаг.

Иоаннай 1-дэхи хандалга 5:1

Иисүүс Бурханай табисуурта мүн гэжэ этигэдэг хүн бүхэниие Бурхан бүрилдүүлээ. Эсэгэ Бурханда дуратай хүн Бурханай үхибүүдтэшье дуратай.

Иоаннай 1-дэхи хандалга 5:20

Ёһотой Бурханиие бидэнэй танидаг болохын тула маанадта Бурханай Хүбүүн ерэжэ ойлгуулаа гээд бидэ мэдэнэбди. Бидэ Бурхантай нэгэн хамта, Тэрэнэй Иисүүс Христоостой нэгэн хамта байнабди. Иисүүс Христоос хадаа ёһотой Бурхан гээшэ, хэтэ мүнхын амидарал гээшэ.