Иоанн 6:39 - Библи

³⁹ Намайе эльгээһэн Эсэгын дура хүсэлынь иимэ: Тэрэнэй Намда үгэһэн хүнүүдэй нэгыеньшье хосороонгүйгөөр, һүүлшын Үдэртэ бүгэдые амидыруулха.

Шэнэ Хэлсээн

³⁹ Тиин намайе эльгээһэн Эсэгын дура хүсэлынь иимэ юм: тэрэнэй намда үгэһэн хүнүүдэй нэгыеньшье хосороонгүйгөөр, һүүлшын Үдэртэ бүгэдые амидыруулха гээшэ.

Иоанн 6:39 Referencias Cruzadas

Ерэмияа 23:4

Тэдээн тушаа һанаагаа табиха удамаршадые табихаб. Минии арад түмэн бэшэ айхагүй, һүрдэхэгүй, бэшэ тэдэниие хэһээхэгүйб. Энэ болбол Би, Эзэн, тунхаглана мүн!

Матвей 10:15

Зарга шүүбэриин Үдэрэй болоходо тэрэ хотын зониие Бурхан Содом, Гоморро хотынхидһоо бүри үлүү аймшагтай хэһээлтэдэ хүртөөхэ гэжэ таанарта үнэниие хэлэнэб.

Матвей 18:14

Энээндэл тон адляар, тэнгэридэ оршогшо танай Эсэгэ эдэ багашуулай нэгыеньшье алдаха дурагүй байна.

Лука 12:32

Шабинарни, багахан һүрэг таанар, бү айгты! Эсэгэтнай танда Бурханай хаан орониие дуратайгаар үршөөхэ бшуу.

Иоанн 12:48

Намайе буруушааһан, Минии үгэ дуулаха дурагүй хүндэ заргаша бии, тэрэ хүниие Минии хэлэһэн үгэ һүүлшын Үдэртэ буруушаан гэмнэхэ!

Иоанн 17:12

Тэдэнтэй сугтаа байхадаа, Танай Намда үгэһэн нэрэ солын ашаар Би Өөрөө хамгаалан хаража ябааб. Би тэдэниие хамгаалааб: хэнииньшье хосороогүй, харин хосорхо ёһотой байһан нэгэниинь лэ һалаа, юундэб гэхэдэ, иигэжэ Нангин Бэшэг соо бэшээтэй үгэнүүд хүсэлдэн бэелүүлэгдэбэ гээшэ.

Иоанн 17:2

Бүхы хүнүүдые зонхилхо эрхэ засаг Хүбүүндээ олгоһон хадатнай Хүбүүнтнай өөртэнь даалгаһан бүхы хүнүүдтэ хэтэ мүнхын амидарал олгохо.

Иоанн 17:24

Эсэгэмни аа! Танай үгэһэн хүнүүдэй Намтай хамта Минии ошохо газарта байхыень хүсэнэб. Юртэмсэ дэлхэйн бии болохоһоо урда Та Намда дуратай байжа, Намда олгоһон алдар солыетнай тэдэнэр хараг лэ.

Иоанн 17:6

Дэлхэйн зонһоо илгажа Намда үгэһэн хүнүүдтэ Би Танай нэрэ нээбэб. Эдэ Танай хүнүүд гээшэ, эдэниие Та намда үгөөт. Эдэ хүнүүд Танай үгын ёһоор ажаһууна.

Иоанн 17:9

Тэдэнэй тула Би зальбаран гуйнаб, бүхы дэлхэйнхидэй тула зальбаран гуйнагүйб, харин Намда Танай үгэгшэдэй тула зальбаран гуйнаб, юундэб гэбэл, тэдэнэр Танай мэдэлдэ байдаг.

Иоанн 18:9

Тэрэ юундэ тиигэжэ хэлээб гэбэл: «Намда Танай үгэһэн хүнүүдэй нэгэнииньшье хосороогүй», – гэжэ Иисүүсэй хэлэһэн үгэнүүд хүсэлдэн бэелүүлэгдэхэ ёһотой байгаа.

Иоанн 5:28

Таанар энээндэ бү гайхаарайт. Юундэб гэбэл, үхэһэн хүнүүд бултадаа дахин амидыраад, Хүбүүнэй дууень дуулажа,

Иоанн 6:37

Минии Эсэгын Намда үгэһэн хүн бүхэн Намда ерэхэ. Намда ерэһэн хүниие Би намнахагүйб.

Иоанн 6:40

Юундэб гэбэл, Минии Эсэгын дура хүсэлынь иимэ: Бурханай Хүбүүе харадаг, Тэрээндэ этигэдэг хүн бүхэн мүнхэ наһатай байха. Тиин һүүлшын Үдэр Би тэдэниие амидыруулхаб.

Иоанн 6:44

Минии Эсэгэ хэниие Намда ерүүлнэб, тэрэл хүн Намда ерэжэ шадаха. Иимэ хүниие һүүлшын Үдэртэ Би амидыруулхаб.

Иоанн 6:54

Минии бэе эдидэг, Минии шуһа уудаг хүн мүнхэ наһатай болобо – тиин тэрэ хүниие Би һүүлшын Үдэртэ амидыруулхаб.

Римэйхиндэ 8:11

Иисүүсые үхэхэдэнь амидыруулһан Бурханай Һүлдын зосоотнай оршожо байхадань, Христоосые Амидыруулагша зосоотнай оршожо байһан Һүлдөөрөө таанадайшье үхэлтэ бэедэ ами үршөөхэл.

Коринфынхидтэ 1-дэхи 6:14

Бурхан Эзэниие амидыруулаа, тиин бидэнииешье һүр хүсөөрөө амидыруулха.

Тимофейдэ 2-дохи 2:19

Тиигэбэшье Бурханай татаһан бата һуури хүдэлөөгүй. «Эзэн Өөрынгөө хүнүүдые мэдэхэ», «Эзэнэй харьяалда орооб гэжэ хэлэһэн хүн нүгэлтэ хэрэгүүдые хэхэеэ болихо ёһотой» гэһэн үгэнүүдтэй тамга тэрэ татагдаһан һууриндань табигданхай байна.

Яковай хандалга 5:15

Этигэл һүзэгтэйгөөр зальбархада, үбшэн хүн эдэгэхэ, Эзэн тэрэниие хүл дээрэнь бодхоохо. Тэрэ хүнэй нүгэл үйлэдэһэн байбалынь, нүгэлынь хүлисэгдэхэ.

Пётрой 1-дэхи хандалга 1:5

Бурханай хүсэн этигэл һүзэгэйтнай ашаар сагай эсэстэ абаралгада хүртэтэртнай таанадые һахижа байна.

Иудын хандалга 1:1

Эсэгэ Бурханай хайра дурада хүртэһэн, Иисүүс Христоосой харьяалда байһан Бурханай дуудаһан хүнүүд аа, таанадые Иисүүс Христоосой зараса, Яковай дүү Иуда амаршална.

1 Хаан түрэнүүд 25:29

Хэрбээ хэн нэгэн хүнэй бодожо, таниие мүрдэжэ, алахаяа бэдэрээ һаань, минии эзэнэй амиие танай Эзэн Бурхан ами наһанай уутада хэжэ уяха болоно. Харин дайсадайтнай амиие Эзэн шулуу дүүгүүртэ хэжэ шэдэһэндэл адли болгохо юм.