Иоанн 6:2 - Библи

² Хойноһоонь олон зон дахалдаба, юундэб гэхэдэ, үбшэн хүнүүдые гайхамшаг аргаар Иисүүсэй эмнэн эдэгээхые үзэһэн хараһан байна бшуу.

Шэнэ Хэлсээн

² Хойноһоонь олон зон дахалдаба, юундэб гэхэдэ, үбшэн хүнүүдые гайхамшаг аргаар Иисусай эмнэн эдэгээхые үзэһэн хараһан байна бшуу.

Иоанн 6:2 Referencias Cruzadas

Матвей 12:15

Зүгөөр Иисүүс тэдэнэй хэлсээн тухай мэдээд, тэндэһээ гаража ошобо. Хойноһоонь олон зон дахажа ябаба. Иисүүс үбшэн хабшантай байһан зониие бултыень эмшэлэн эдэгээгээд,

Матвей 13:2

Хажуудань хара мянган зоной суглархада, Иисүүс онгосодо һууха болобо, тиихэдэнь улад зон бүгэдөөрөө далайн эрьедэ зогсобо.

Матвей 14:14

Иисүүс онгосоһоо буухадаа олон зоной сугларһые хараад, тэдэниие хайрлан, үбшэнтэнииень аргалжа эдэгээбэ.

Матвей 8:1

Хада дээрэһээ Иисүүсэй буухадань, тэрэнэй хойноһоо олон зон дахажа ябаба.

Марк 1:45

Зүгөөр үнөөхи хүниинь гараад, эмнүүлһэн тухайгаа хүн бүхэндэ хөөрэбэ. Тиимэһээ Иисүүсэй энэ хотодо үзэгдэхэ байхын аргагүй болоходо, Тэрэ хотоһоо гаража эзэгүй газарта ошоо һэн. Тиигэбэшье хүн зон Тэрээндэ газар бүхэнһөө ерэжэ байгаа.

Марк 6:33

Теэд олон зон тэдэнэй тамаржа ябахые хараад, хайшаа ошохыень багсаажа байгаа. Тиимэһээ элдэб хотын зон Иисүүсэй ба шабинарайнь урда гаража нуурай эрьеэр гүйлдэбэ.

Иоанн 11:47

Түрүү санаартан ба фарисейнүүд Дээдын Зүблэл зарлаба. – Зай, яахамнай гээшэб? Энэ хүн олон янзын дүлгэ тэмдэгүүдые харуулна.

Иоанн 12:18

Гайхамшаг хэрэг бүтээһэн хүн Энэ байна гэжэ мэдэхэдээ, олон зон Иисүүсые угтахаяа гараа.

Иоанн 12:37

Тиимэ олон дүлгэ тэмдэгүүдые Иисүүсэй харуулбашье, зон этигэбэгүй.

Иоанн 2:11

Иигэжэ Иисүүс Галилей можын Каана хотодо гайхамшаг үзэгдэлнүүдэйнгээ эхи табиба. Иигэжэ Иисүүс Өөрынгөө алдарые харуулһан, тиин шабинарынь Тэрээндэ этигэһэн юм.

Иоанн 2:23

Паасхын һайндэрэй үедэ Иерусалимда Иисүүсэй үзүүлһэн гайхамшаг үзэгдэлнүүдые олон хүнүүд хараад, Тэрээндэ этигээ.

Иоанн 20:30

Мүн баһа ондоошье Иисүүсэй бүтээһэн олон тоото гайхамшаг дүлгэ тэмдэгүүдые Тэрэнэй шабинарынь хараһан байна. Энээн тухай энэ ном соо бэшэгдэбэгүй.

Иоанн 3:2

Тэрэ нэгэ һүни Иисүүстэ ерээд: – Рабби, Та Бурханай эльгээһэн багшат гэжэ бидэ мэдэнэбди. Хэрбээ Бурханай үршөөгөөгүй һаа, Та иимэ гайхамшагта үзэгдэлнүүдые харуулжа шадахагүй һэнта, – гэжэ хэлээ һэн.

Иоанн 6:14

Иисүүсэй хэһэн иимэ гайхамшаг хэрэгүүдые хараад: – Энэмнай дэлхэйн зондо ерэхэ ушартай байһан ёһоороол тэрэ Лүндэншэ байна! – гэжэ хүнүүд хэлсэбэ.

Иоанн 6:22

Нүгөөдэрынь нуурай саана үлэһэн хүнүүд үсэгэлдэр гансахан лэ онгосо байгаа бэлэй гэжэ һанаба. Теэд Иисүүс шабинартайгаа хамта тэрэ онгосодо һуугаагүй, һурагшадынь амяараа тамаран ошоо гэжэ тэдэ зон мэдэжэ байгаа.

Иоанн 6:26

Иисүүс тэдэндэ иигэжэ харюусаба: – Таанар гайхамшаг дүлгэ тэмдэгүүдые үзэһэн хараһанһаа бэшэ, харин хилээмэ эдижэ садаһан дээрэһээл Намайе бэдэрнэт гэжэ таанадта үнэн зүбые хэлэнэб.

Иоанн 6:30

– Теэд ямар дүлгэ тэмдэгыетнай хараад, бидэ Танда этигэхэ болонобди? Та юу хэхэбта? – гэжэ тэдэ асууба. –