Иоанн 3:23 - Библи

²³ Харин Иоанн тэрэ үедэ Шалээмэй хажуудахи Эноон голой уһаар арюудхажа байгаа. Тэрэ газарта уһан ехэ элбэг байһан юм. Хүнүүд Иоаннда ерэжэ, уһаар арюудхуулдаг һэн.

Шэнэ Хэлсээн

²³ Харин Иоанн тэрэ үедэ Салимай хажуудахи Энон голой уһаар арюудхажа байгаа. Тэрэ газарта уһан ехэ элбэг байһан юм. Хүнүүд Иоаннда ерэжэ, уһаар арюудхуулдаг һэн.

Иоанн 3:23 Referencias Cruzadas

Эхин 33:18

Удаань Яков Иордан голые гаталан, Ханаһаан орон руу ерээд, Шэхээм хотын хажууда буусаяа түхеэрэн байрлаба. Иигэжэ Яков Месопотамиин хойто зүгһөө гараад, Ханаһаан орон нютагта амар мэндэ ерээ бэлэй.

Ерэмияа 51:13

Орон нютагынь агууехэ гол мүрэнүүдтэй, үнэтэ зүйлнүүдээр баян. Гэбэшье сагынь, амидаралайнь утаһан таһараа.

Эзэкээл 19:10

Шинии эхэ болбол уһанай дэргэдэ һуулгаһан үзэмэй модон мэтэ бэлэйл. Билтарма ехэ уһатай газарта байһандаа тэрэ жэмэс олонтой, һагсагар гэшүүһэ, мүшэрнүүдтэй һэн.

Эзэкээл 43:2

Зүүн зүгһөө мандан заларжа байһан Израилиин Бурханай һүр жабхаланай ялагар алдар соло тэндэ обёорбоб. Тэнгис далайн шааяандал адли һүрөөтэй шанга абяан дуулдажа, бүхы оршон дэлхэй Тэрэнэй һүр жабхалангаар яларжа толоржо байгаа һэн.

Лука 3:7

Тиин уһаар арюудхуулхаяа ерэһэн олон зондо Иоанн хэлэбэ: – Хорото могойн таһардаһад! Бурханай буулгаха хэһээлтэһээ иигээд хулжахыетнай таанарта хэн заагааб?

Иоанн 3:22

Удаань Иисүүс шабинартаяа хамта Иудей ошожо, тэндэ хэдэн сагай туршада хүнүүдые уһаар арюудхан байба.

Иоанн 3:24

Энэнь Иоаннай түрмэдэ хаагдахын урдахана болоһон ушар.

Гэршэлгэ 1:15

Хүлнүүдынь шатама халуун пеэшэндэ халаажа улайлгаһан зэд шэнги, хоолойнь хүүюур уһан мэтэ хүнхинэжэ байгаа һэн.

Гэршэлгэ 14:2

Уһан хүүюур шэнги, тэнгэриин дуун шэнги абяан огторгойһоо дуулдаба. Намда тэрэ абяан ятагаар наадахадаа, ятагашадай наададаг дуундал адляар һанагдаба.

Гэршэлгэ 19:6

Аргагүй олоороо хүнүүдэй суглараад дүүелдэжэ байһан шэнги гү, али уһан хүүюурэй шууяжа, шангаар тэнгэри дуугаржа байһан шэнги иимэ абяан намда дуулдаба: – Бурханда магтаал соло! Хамагые зонхилогшо Эзэн Бурхамнай засаг түрөө абаба!

1 Хаан түрэнүүд 9:4

Тэдэ Эпрааимай уула хадаар, Шалиишаа нютагаар бэдэрэн ябаба, теэд элжэгэнүүдээ олобогүй. Шаһалиим нютагаар тэдэ ябаба, тэндэ элжэгэнүүд мүн лэ үгы. Бэньямиин нютагааршье тэдэ ябаба, олобогүй.