Иоанн 21:15 - Библи

¹⁵ Тэдэнэй эдеэлһэн хойно Иисүүс Симон Пётрто хандан: – Иоаннай хүбүүн Симон, ши Намда эдэнһээ бүри ехээр дуратай гүш? – гэжэ асууба. – Тиимэ даа, Эзэн, Танда минии дуратайе Та мэдэнэ ха юмта, – гэжэ Пётр харюусаба. – Минии хурьгадые харууһалжа бай, – гэбэ Иисүүс.

Шэнэ Хэлсээн

¹⁵ Тэдэнэй эдеэлһэн хойно Иисус Симон Петрто хандан: – Иоаннай хүбүүн Симон, ши намда эдэнһээ бүри ехээр дуратай гүш? – гэжэ асууба. – Тиимэ даа, Дээдын Эзэн, шамда минии дуратайе ши мэдэнэ ха юмши, – гэжэ Петр харюусаба. – Минии хурьгадые харууһалжа бай, – гэбэ Иисус.

Иоанн 21:15 Referencias Cruzadas

Эхин 33:13

– Хүндэтэ ахамни! Үхибүүдни бага, хүсэ шадалгүй. Тиигээдшье малаймни нарай түлтэйе хараа ёһотойт. Нэгэ үдэрөөр шанга туубал, үхэхэ.

2 Хаан түрэнүүд 7:20

Би, Давид, Танда энээнһээ үлүү үшөө юу хэлэхэбиб даа? Та Өөрынгөө богоолые мэдэнэ ха юмта, Эзэн Бурхамни!

4 Хаан түрэнүүд 20:3

– Эзэмни! Танай урда үнэн сэхээр, ямаршье гэм зэмэ хэнгүй ажаһууһыемни, Танда таарамжатай үйлэ хэрэгүүдые бүтээдэг байһыемни һаныт даа, – гээд, һугшаран уйлашаба.

Исай 40:11

Тэрэ хонишон мэтэ һүрэгөө харюулжа, хурьгадаа суглуулжа, гар дээрээ үргэн, сээжэдээ тэбэреэд, хурьгалһан хонидые дүмүүхэнээр адуулха.

Ерэмияа 23:4

Тэдээн тушаа һанаагаа табиха удамаршадые табихаб. Минии арад түмэн бэшэ айхагүй, һүрдэхэгүй, бэшэ тэдэниие хэһээхэгүйб. Энэ болбол Би, Эзэн, тунхаглана мүн!

Ерэмияа 3:15

Тиигээд Намда үнэн сэхэ удамаршадые таанадта үгэхэб. Тэдэ таанарые ойлгон, ухаатай сэсэнээр хүтэлбэрилхэ.

Эзэкээл 34:23

Таанадые адуулдаг хонишоноор Өөрынгөө албатан Давидые томилхоб. Тэрэ таанад тушаа һанаагаа табидаг болохо.

Эзэкээл 46:24

Тэрэ хүтэлэгшэ иигэжэ хэлэбэ: – Эдэ зууханууд дээрэ нангин үргөөгэй ажалшад зоной үргэлэй мяха шанадаг юм.

Матвей 10:37

Эсэгэдээ гү, али эхэдээ Намһаа үлүү ехээр дуратай байһан алишье хүн Минии шабиин зэргэдэ хүртэхэ эрхэгүй. Мүн баһа хүбүүндээ гү, али басагандаа Намһаа үлүү ехээр дуратай алишье хүн Минии шабиин зэргэдэ хүртэхэ эрхэгүй.

Матвей 16:17

Тиихэдэнь Иисүүс: – Ионын хүбүүн Симон, ши золтойш! Энэ үнэн зүбые шамда хүнэй һанаан нээгээ бэшэ, харин тэнгэридэ оршодог Минии Эсэгэ тайлбарилаа.

Матвей 18:10

Таанад эдэ багашуулай нэгыеньшье доогуур бү харагты, тэдэнэй тэнгэридэ оршогшо һахюуһан – Эльгээмэлнүүдынь – Минии Эсэгын шарайе хододоо тэнгэридэ хаража байдаг юм гэжэ танда хэлэнэб.

Матвей 26:33

– Бултанай Таниие орхёошье һаань, Би Танһаа хэзээшье арсахагүйб, – гэжэ Пётр Тэрээндэ хэлэбэ.

Матвей 26:35

Пётр урдаһаань: – Тантай хамта үхэхэшье болобол, би Танһаа арсахагүйб, – гэбэ. Бусадшье шабинарынь бултадаа тиимэ юумэ хэлэбэ.

Марк 14:29

– Бултанай Таниие орхёошье һаань, би Танһаа хэзээшье арсахагүйб, – гэжэ Пётр Тэрээндэ хэлэбэ.

Лука 12:32

Шабинарни, багахан һүрэг таанар, бү айгты! Эсэгэтнай танда Бурханай хаан орониие дуратайгаар үршөөхэ бшуу.

Лука 22:32

Гэбэшье, Симон, һүзэгэйншни буурахагүйн тула Би зальбарааб. Тиигээд ши Намдаа бусажа ерэхэдээ, аха дүүнэрээ зоригжуулан батадхаарай!

Иоанн 1:42

Андрей Симониие Иисүүстэ асаржа харуулба. Иисүүс тэрэниие анхаралтайгаар шэртэн хараад: – Ши Иоаннай хүбүүн Симон байнаш. Теэд шамайе Кефа гэжэ нэрлэдэг болохо («шулуун» гэһэн удхатай, грек хэлэн дээрэ болбол «Пётр»), – гэбэ.

Иоанн 13:37

– Эзэн аа! Би мүнөө Танай хойноһоо юундэ ошожо шадахагүй хүнбиб? Танай түлөө үхэхэшье болобол, би бэлэн байналби!

Иоанн 16:27

Эсэгэмни Өөрөө таанарта дуратай, юундэб гэбэл, таанар Намда дуратайт, Намайе Бурханһаа ерээ гэжэ этигэнэт.

Иоанн 21:12

– Үглөөнэй хоол барихаяа һуугты, – гэбэ Иисүүс. Та хэн гээшэбта гэжэ Тэрээнһээ асуухаяа шабинарай хэнииньшье зүрхэлбэгүй. Энэмнай Эзэн байна гэжэ тэдэнь мэдээ ха юм.

Иоанн 21:7

– Энэ Эзэн байна! – гэжэ Иисүүсэй дуратай шабинь Пётрто хэлэбэ. Энэ Эзэн байна гэжэ дуулахадаа, Симон Пётр гадар хубсаһаа үмдөөд, уһа руу һүрэбэ. Энээнэй түрүүн Симон Пётр загаһа барихаяа гадар хубсаһаа тайлаад байгаа.

Иоанн 8:42

Иисүүс тэдээндэ харюусаба: – Хэрбээ Бурхан таанарай эсэгэ байгаа һаа, таанар Намда дуратай байха һэнта, юундэб гэбэл, Би Бурханһаа иишээ ерээб, Бурхандаа бусахаб. Би Өөрһөөн ерээгүйлби – Намайе Бурхан эльгээгээл!

Хэрэгүүд 20:28

Арюун Һүлдын харууһалжа байхаар таанадта даалгаһан һүрэгөө, өөһэдыгөө анхаржа байгты. Һүзэглэгшэ хүнүүдһээ бүридэһэн һүрэгөө харууһалжа байгты, юуб гэхэдэ, Бурхан энэ һүрэг хүбүүнэйнгээ шуһанай сэнгээр олоо юм.

Хэрэгүүд 20:29

Минии ябаһан хойно таанадта хэрзэгы шононууд ерэжэ, һүрэгыетнай хайрлахагүй гэжэ би мэдэнэб.

Римэйхиндэ 14:1

Этигэл һүзэгөөр һула хүнүүдые хүндэлжэ байгты, һанамжанууд тухайнь тэдэнтэй бү арсалдагты.

Римэйхиндэ 15:1

Бата һүзэгтэй бидэнэр ганса бэе тухайгаа бодохо ёһогүйбди, харин һүзэгөөр бирагүйхэн зониие дэмжэхэ ёһотойбди.

Коринфынхидтэ 1-дэхи 8:11

Тиигэжэ мэдэлгэһээшни боложо ахир һүзэгтэй аха дүүшни хосорхол. Харин Христоос тэрэнэй түлөө ами наһаяа үргөө юм.

Галадуудта 5:6

Иисүүс Христоосой ашаар абарагдаха һанаатай байбал, бэлгээ отолуулаа гүбди, али отолуулаагүй гүбди – ямаршье илгаагүй юм, гансал хайра дура үгэдэг этигэл шухала юм.

Эфесэйхиндэ 4:14

Тиин бидэ уһанай долгиндо, али һалхинай һэршэгэнэлгэдэ абтаһан юумэндэл ямаршье һургаалда абтан хэлбэлзэдэг, хүнэй мэхэ гоходо орожо, ехэ шадамараар мэхэлүүлдэг балшар хүүгэд байхаяа болиёл.

Эфесэйхиндэ 6:24

Манай Эзэн Иисүүс Христоосто һүнэшэгүй хайра дураар дуратай хүн бүхэн үршөөл хайратай байһай!

Еврейнүүдтэ 13:20

Өөрынгөө шуһанай сэнгээр мүнхын хэлсээе оложо абаһан хонидой агууехэ Адуулагшые, Манай Эзэн Иисүүсые Бурхан амидыруулаа. Тэрэнэй эрхэ хүсэлыень таанадай бэелүүлхын тула Бурхан таанадые хэрэгтэй һайн һайхан юумээр хангаг лэ, тиин Өөртэнь һайшаагдадаг юумые Иисүүс Христоосоор дамжуулан таанад соо бүтээг лэ. Христоосто хэтын хэтэдэ алдар соло! Болтогой!

Еврейнүүдтэ 4:13

Бурханһаа далда, нюуса юумэн гэжэ үгы. Харин бүхы юумэн Тэрэнэй харасада элиржэ, нээгдэдэг. Тиин бидэ булта Тэрээндэ өөһэд тухайгаа тоосоо хэхэ ёһотойбди.

Пётрой 1-дэхи хандалга 1:8

Тэрэниие хараагүйшье һаа, таанад Тэрээндэ дуратайт; мүнөө Тэрэниие харангүйшье байхадаа, Тэрээндэ этигэнэт. Тиимэһээ таанад үгэнүүдээр дамжуулхын аргагүй, гайхалтай баяраар баясанат,

Пётрой 1-дэхи хандалга 2:2

Һая түрэһэн үхибүүд яажа һүндэ дуратай байдаг бэ, тэдэндэл адляар таанадшье Бурханай Үгэдэ дуратай байгты. Тэрэнэй ашаар таанад ургахат, абарагдахат.

Пётрой 1-дэхи хандалга 2:25

Таанад төөриһэн хонид мэтэ адуулагшагүй ябаат, мүнөө Адуулагшадаа, харууһалагшадаа таанад бусажа ерээт.

Иоаннай 1-дэхи хандалга 4:19

Бидэ Бурханда дуратайбди, юундэб гэбэл, бидэндэ түрүүшээр Бурхан дурлаа.

Иоаннай 1-дэхи хандалга 5:1

Иисүүс Бурханай табисуурта мүн гэжэ этигэдэг хүн бүхэниие Бурхан бүрилдүүлээ. Эсэгэ Бурханда дуратай хүн Бурханай үхибүүдтэшье дуратай.

Гэршэлгэ 2:23

Тэрэ гэргэнэй үхибүүдые үхүүлхэб. Тиихэдэмни хүнэй зүрхэ сэдьхэлые, һанал бодолые сүм мэдэдэг байна, тиин хүн бүхэндэ хэһэн үйлэ хэрэгэйнь зэргээр хүртөөхэ байна гэжэ Намайе һүзэглэгшэдэй бүхы бүлгэмүүд ойлгохо.