Иоанн 20:22 - Библи

²² Тиигэжэ хэлэмсээрээ, Иисүүс тэдэн тээшээ үлеэгээд: Арюун Һүлдые тогтоон абагты!

Шэнэ Хэлсээн

²² Тиигэжэ хэлэмсээрээ, Иисус тэдэн тээшээ үлеэгээд: – Нангин Һүлдые тогтоон абагты!

Иоанн 20:22 Referencias Cruzadas

Эхин 2:7

Тиигээд Эзэн Бурхан хүниие газарай шоройһоо бии болгожо, хамар руунь амидаралай амисхал үлеэжэ оруулба. Хүн амитан боложо амидырба.

Иоов 33:4

Түгэс Хүсэтэ Бурханай Һүлдэ намайе бүтээн, ами наһа үгэһэн бэлэй.

Псалманууд 33:6

Тэрээн руу хандан эрьегшэ зоной нюур шарай толорно, эшэхэ байдал шарайдань үзэгдэхэгүйл. ז Заайин

Эзэкээл 37:9

Эзэн намда иигэжэ айладхаба: – Хүнэй үри Эзэкээл, дүрбэн талаһаа һалхилжа, эдэ үхэһэн бэенүүд руу ами оруулхыень һалхинда Намайе захирна гээд дуулга. Тиихэдэ тэдэ амидырха.

Иоанн 14:16

Тиихэдэ Би Эсэгэеэ гуйхаб, тэрэм таанарта ондоо Туһалагшые үгэхэ, Тэрэ хододоо таанартай хамта байха.

Иоанн 15:26

Минии эльгээһэн Туһалагша Эсэгэһээмни ерэхэдээ, Минии тухай гэршэлхэ. Тэрэ болбол Эсэгэһээмни эхи абаһан үнэн зүбые хэлэдэг Һүлдэ болоно.

Иоанн 16:7

Теэд Би таанарта үнэниие хэлэнэб: Минии Эсэгэдээ ошоо һаамни, таанадта дээрэ байха. Хэрбээ Минии ошоогүй һаа, Туһалагшатнай ерэхэгүй, харин Би ошожо, Туһалагшые эльгээхэб.

Иоанн 20:21

– Таанарта амгалан тайбан! – гэжэ Иисүүс дабтан мэндэшэлбэ. – Намайе Эсэгэмни эльгээгээ, баһа Бишье таанараа эльгээнэб.

Иоанн 20:23

Хэнэй нүгэлые хүлисэнэбта, тэрэнэй нүгэлынь хүлисэгдэхэ, хэнэйхииень хүлисэнэгүйбта, тэрэнэй нүгэлынь хүлисэгдэхэгүй, – гэжэ хэлэбэ.

Иоанн 7:39

Иисүүс тиигэжэ хэлэхэдээ, Арюун Һүлдэ тухай хэлэбэ гээшэ: Иисүүстэ этигэһэн хүнүүд хожомынь Арюун Һүлдэтэй болохо ёһотой байгаа. Тэрэ үедэ Арюун Һүлдэ үшөө үгтөөдүй һэн, юундэб гэхэдэ, Иисүүс алдар солодо хүртөөгүй байгаа.

Хэрэгүүд 10:47

– Эдэ хүнүүд бидэндэл адляар Арюун Һүлдые тогтоон абаа. Тиимэһээ мүнөө эдэнэй уһаар арюудхуулхада юун һаалта болохоб? – гэжэ Пётр хэлэбэ.

Хэрэгүүд 19:2

Тэдэнтэй хөөрэлдэжэ байхадаа Павел: – Һүзэглэхэдөө таанад Арюун Һүлдые тогтоон абаа һэн гүт? – гэжэ һураба. – Бидэ Арюун Һүлдэ тухай ойро наашашье дуулаагүй байнабди, – гэбэ тэдэнь.

Хэрэгүүд 2:38

– Нүгэл хэхэеэ болигты. Нүгэлыетнай Бурханай хүлисэхын тула хүн бүхэн Иисүүс Христоосой нэрэ алдараар уһаар арюудхуулаг. Тиихэдээ таанад Бурханай үршөөһэн Арюун Һүлдэдэ хүртэхэт.

Хэрэгүүд 2:4

Тиихэдэнь булта Арюун Һүлдөөр дүүрэн, Һүлдын хүсөөр элдэб хэлэнүүд дээрэ дуугаралдаба.

Хэрэгүүд 4:8

Тиихэдэнь Пётр Арюун Һүлдөөр дүүрээд, тэдээндэ иигэжэ хэлэбэ: – Захирагшад, ахамадууд, аа!

Хэрэгүүд 8:15

Тэдэ хоёр Самари хүрэжэ ерээд, Арюун Һүлдэ эдэ зондо үгтэһэй гэжэ зальбарба.

Галадуудта 3:2

Таанад Хуули сахижа байһан дээрэһээ гү, али Христоосто этигэһэн дээрэһээ Арюун Һүлдэдэ хүртэбэ гүт гэжэ би таанадһаа һураха һанаатайб.