Иоанн 20:19 - Библи

¹⁹ Тэрэл үдэрэйнгөө үдэшэ, ондоогоор хэлэхэдэ, гарагай нэгэнэй үдэшэ шабинарынь суглараад, еврейнүүдэй ахамадуудһаа айжа, үүдээ шэбхэдээд һууба. Тэрэ үедэнь Иисүүс орожо, тэдэнэй дунда зогсоод: – Амгалан тайбаниие таанадта айладханаб! – гэбэ.

Шэнэ Хэлсээн

¹⁹ Тэрэл үдэрэйнгөө үдэшэ, ондоогоор хэлэхэдэ, гарагай нэгэнэй үдэшэ шабинарынь суглараад, еврейнүүдэй ахамадуудһаа айжа, үүдээ шэбхэдээд һууба. Тэрэ үедэнь Иисус орожо, тэдэнэй дунда зогсоод: – Амгалан тайбаниие таанадта айладханаб! – гэбэ.

Иоанн 20:19 Referencias Cruzadas

Матвей 10:13

Хэрбээ тэрэ айлай таанадые угтажа абабал, танай хүсэһэн амгалан тайбантнай тэрэ гэртэ тогтожо үлдэг лэ. Хэрбээ тэрэ айлай таанадые угтажа абахагүй байбалнь, амгалан тайбаниие хүсэһэн үреэлтнай таанадтаа бусаг.

Матвей 18:20

Ушарынь юуб гэхэдэ, хоёр гү, али гурбан хүн Минии нэрээр хаана сугларнаб, тэндэнь Би хоорондонь байхаб.

Марк 16:14

Һүүлдэнь Иисүүс үдэшын хоол барижа байһан арбан нэгэн шабинартаа ерэбэ. Амидырһан хойнонь хараһан зондо үнэншэжэ үгэнгүй зүрюутэһэнэйнь түлөө, этигэлгүй байһанайнь түлөө шабинараа Тэрэ харааба.

Иоанн 14:27

Би таанарые амгалан тайбанда орхёод ябахамни, Өөрын амгалан тайбаниие таанарта үгэнэб. Минии үгэхэ энхэ тайбан энэ дэлхэйн зоной энхэ тайбанда адли бэшэ. Таанар һанаа сэдьхэлээ бү зобоогты! Бү айгты!

Иоанн 16:22

Тэрээндэл адляар мүнөө таанадшье уйданат, харин дахин таанараа харахадамни зүрхэ сэдьхэлтнай баяраар дүүрэхэ, тэрэ баясхалангыетнай хэншье бууруулжа шадахагүй.

Иоанн 16:33

Минии досоо амгалан тайбан олохынтнай тула эдэ бүгэдые Би таанарта хэлээб. Энэ дэлхэйдэ гашуудал зоболонтой ушархат, теэд сүхэршэгүй зоригтой байгты. Би энэ дэлхэйе илааб! – гэжэ Иисүүс харюусаба.

Иоанн 20:21

– Таанарта амгалан тайбан! – гэжэ Иисүүс дабтан мэндэшэлбэ. – Намайе Эсэгэмни эльгээгээ, баһа Бишье таанараа эльгээнэб.

Иоанн 20:26

Долоо хоноод, Иисүүсэй шабинарынь дахин сугларба, мүнөө тэдэнтэй хамта Фомашье байлсаа. Үүдэнь хаалтатай байгаа. Иисүүс орожо ерээд, тэдэнэй урда зогсон: – Таанарта амгалан тайбан! – гэбэ.

Иоанн 21:1

Энээнэй удаа Тибериада нуурай хажууда байһан шабинартаа Иисүүс дахин Өөрыгөө үзүүлбэ. Энэ ушар иигээд болоһон байна.

Иоанн 21:14

Амидырһанайнгаа һүүлдэ шабинартаа Иисүүсэй гурбадахияа Өөрыгөө үзүүлхэдэнь, тиимэ ушар болоо һэн.

Иоанн 7:13

Теэд засагаархидһаа айжа, Иисүүс тухай сэхэ руунь хэншье хэлээгүй.

Хэрэгүүд 1:3

Хэрээһэндэ хадагдажа зоболон эдлэһэнэйнгээ удаа дүшэн хоногой туршада Тэрэ Өөрынгөө амиды байһые баталан, элшэнэртээ оло дахин ерээ. Элшэнэрынь Тэрэниие харадаг, тиихэдэ Иисүүс тэдэндээ Бурханай хаан орон тухай хөөрэдэг һэн.

Римэйхиндэ 15:33

Амгалан байдал үршөөдэг Бурхан та бүхэнтэй оршожо байхань болтогой!

Коринфынхидтэ 1-дэхи 15:5

тиигээд Пётрто, һүүлдэнь арбан хоёр шабинартаа бултандань үзэгдөө.

Эфесэйхиндэ 2:14

Христоос Өөрөө еврейнүүдые болон бусад арадуудые нэгэ арад болгон, бидэндэ энхэ тайбаниие асараа. Тэрэ маанадые хубаажа, эбыемнай таһалжа байһан ханые Өөрөөрөө эбдээ.

Эфесэйхиндэ 6:23

Эсэгэ Бурхан болон Эзэн Иисүүс Христоос бүхы һүзэглэгшэ аха дүүнэртэ амгалан байдал, хайра дуран, этигэл һүзэг үршөөжэ байһай!

Филиппынхидтэ 1:2

Манай Эсэгэ Бурхан болон Эзэн Иисүүс Христоос таанадые үршөөл хайрадаа хүртөөжэ, амгалан тайбан байлгахань болтогой!

Фессалоникиинхидтэ 2-дохи 3:16

Амгалан тайбанай эхин болохо Эзэн Өөрөө таанадта хододоо бүхы юумэндэ амгалан тайбаниие үршөөжэ байг лэ. Эзэн та бүхэнтэй оршожо байг лэ.

Еврейнүүдтэ 7:2

Тиин Абраһаам байһан юумэнэйгээ арбанай нэгэ хубиие Мэлхицээдэгтэ үгөө. Мэлхицээдэгэй нэрынь нэгэ удха болбол «үнэн сэдьхэлэй хаан»; тиихэдэ Шалээмэй хаан байһан хадань тэрэнэй нэрэ үшөө «энхэ тайбанай хаан» гэһэн удхатай.

Иоаннай 3-дахи хандалга 1:14

Һаядаа шамтай нюур нюураараа уулзахабди гэжэ найданаб, тиихэдээ хөөрэлдэхэбди.

Гэршэлгэ 1:4

Аси можын һүзэглэгшэдэй долоон бүлгэмүүдтэ би Иоанн ханданаб. Бурхан бии, байһаншье, байхашье юм. Бурханһаа, Тэрэнэй хаан шэрээгэй урдахи долоон Һүлдэнүүдһээ,