Иоанн 2:4 - Библи

⁴ – Эжымни, эндэ Минии хэрэг юуб даа? Сагни үшөө ерээгүй, – гэжэ Иисүүс харюусаба.

Шэнэ Хэлсээн

⁴ – Эндэ минии хэрэг юуб даа? Сагни үшөө ерээгүй ха юм, – гэжэ Иисус эжыдээ харюусаба.

Иоанн 2:4 Referencias Cruzadas

2 Хаан түрэнүүд 16:10

Хаан: – Цэруяагай хүбүүд, таанад яанабта? Хэрбээ Эзэнэй тэрээндэ «Давидые хараа» гэжэ хэлээ хадань, тэрэ харааһан болобол, хэн тэрээндэ «Ши юундэ иинэбши?» гэжэ хэлэхэ юм? – гэбэ.

2 Хаан түрэнүүд 19:22

Гэбэшье Давид хэлээ һэн: – Цэруяагай хүбүүд, энэ болбол минии шиидхэхэ хэрэг. Израилиин хаан мүн гээшэб гэжэ мүнөөдэр мэдээб. Мүнөөдэр хэншье Израильда алуулха ёһогүй.

3 Хаан түрэнүүд 17:18

Тэрэ эхэнэр Элияада: – Би танда ямар муу юумэ хээбиб? Бурханай хүн гэжэ таниие һанаалби. Харин та минии нүгэлые һануулжа, хүбүүем хюдахаяа ерэһэн байгаат, – гэбэ.

Экклезиаст 3:1

Тэнгэри дорохи хамаг юумэн саг болзортой ба хамаг юумэн болохол сагтаа боложо байдаг:

Матвей 15:28

Тиихэдэнь Иисүүс тэрээндэ: – Ай, эхэнэр! Шинии һүзэг ехэ байна! Һанаһан хүсэһэн юумэншни бүтэхэ! – гэжэ харюусаба. Эгээл тэрэ үедэ эхэнэрэй басаганиинь эдэгэшэбэ.

Матвей 8:29

Тиигээд тэдэ галзуу амитад: – Ай, Бурханай Хүбүүн, Та маанадтай юу хэхэ һанаатайбта? Та маниие сагһаа урид хэһээхэеэ иишэ ерэбэ гүт? – гэжэ хашхаралдаба.

Лука 2:49

– Юундэ Намайе бэдэрээ зомта? Намайе Эсэгынгээ гэртэ байха ёһотой гэжэ мэдэхэгүй аалта? – гэжэ хүбүүниинь харюусаба.

Иоанн 12:23

Иисүүс харюусаба: – Хүн түрэлхитэнэй Хүбүүнэй алдар соло элирхэ саг ерэбэ!

Иоанн 13:1

Иимэ ушар Паасхын һайндэрэй урдахана болоо һэн. Энэ дэлхэйе орхёод, Эсэгэдээ бусаха сагни ерэбэ гэжэ Иисүүс мэдэжэ байгаа. Энэ дэлхэйдэ үлэхэ шабинартаа Тэрэ аргагүй дуратай һэн. Мүнөө тэрэнээ Иисүүс тон элеэр харуулба.

Иоанн 2:3

Үзэмэй дараһан архиин дууһахада, Иисүүсэй эжынь хүбүүндээ: – Эдэмнай архигүй болоод байнал, – гэбэ.

Иоанн 20:13

– Эхэнэр аа, ши юундэ уйланабши? – гэжэ тэдэ хоёрынь асууба. – Багшымни шарилые агы нүхэн сооһоонь абаашаһан байна, хайшань абаашаһыень би мэдэнэгүйлби, – гэжэ Мария харюусаба.

Иоанн 20:15

– Эхэнэр аа, ши юундэ уйланабши? Хэниие бэдэрнэбши? – гэбэ Иисүүс. Энэнь сэсэрлиг таригша байна гэжэ һанаад, Мария тэрээндэ: – Эзэмни аа, хэрбээ Тэрэнэй шарилые та абаашаа һаа, хаана орхёобта – хэлыт, би Тэрэнииень абаашахамни, – гэбэ.

Иоанн 7:30

Тиигэжэ хэлэхэдэнь Иисүүсые засагаархин барижа хаахаяа һанаба, теэд хэншье Тэрээнэй ойро хүрэбэгүй, юундэб гэхэдэ, Тэрэнэй сагынь үшөө ерээдүй байгаа.

Иоанн 7:6

Иисүүс аха дүүнэртээ иигэжэ харюусаба: – Минии саг үшөөл ерээдүй байна. Таанарта ямаршье саг таараха.

Иоанн 7:8

Таанар һайндэртөө ошогты. Би тэрэ найрта ошохогүйб, Минии саг үшөө ерээдүй байна.

Иоанн 8:20

Һүмэдэ мүнгэ алта үргэдэг газарай хажууда зогсон номножо байхадаа, Иисүүс тиигэжэ хэлээ һэн. Хэншье Тэрээниие барижа тушаагаагүй, ушарынь нэрлэбэл, Тэрэнэй сагынь үшөө ерээдүй байгаа.

Коринфынхидтэ 2-дохи 5:16

Тиимэһээ бидэ энэ сагһаа эхилээд, хэнииешье энэ дэлхэйн заргаар бү шиидхэе. Нэгэтэ бидэ Христоосые энэ дэлхэйн заргаар шиидхэһэн байгаабди, мүнөө тиигэхэеэ болёобди.

Хуули дабталга 33:9

Тэдэнэр эхэ, эсэгэеэ харахаяа болинхой, аха, дүүнэрээ танихаа болёо, үхи хүүгэдээ орхинхой, гэбэшье Танай үгэнүүдые сахин хадагална, Тантай баталһан хэлсээгээ дүмэн дүүргэнэ.